<div class="summary zing">
<p id="aui_3_2_0_1469">បើទោះបីជាបានប្រើប្រាស់ស្រោម (Case) ការពារក៏ដោយ ក៏ស្មាតហ្វូនស៊េរីថ្មីរបស់ Apple, iPhone 6 នៅតែបត់កោង និងបានផ្ទុះឡើង បន្ទាប់ពីជួបគ្រោះថ្នាក់ចរាចរណ៍ បង្កឲ្យម្ចាស់ស្មាតហ្វូនទទួលរង<br />នូវការរលាកទៀតផង។ ហេតុការណ៍នេះបានកើតឡើងនៅទីក្រុង Tucson រដ្ឋ Arizona សហរដ្ឋ អាមេរិច។ </p>
</div>
<p>Phillip Lecther ក្នុងពេលកំពុងបើករថយន្ត petticab (ប្រភេទរថយន្តតាក់ស៊ីសាធារណៈ) ស្រាប់តែជួប នូវគ្រោះថ្នាក់ចរាចរណ៍ ដោយចៃដន្យ។ កំលាំងនៃគ្រោះថ្នាក់នោះ បានធ្វើឲ្យគាត់ផ្លោងប៉ះទៅនឹងផ្ទៃ នៃកាប៊ីន ហើយកំលាំងនៃការប៉ះទង្គិចនោះទៀតសោត បានបណ្តាលឲ្យ iPhone 6 របស់គាត់ត្រូវបាន បត់កោង និងផ្ទុះផ្កាភ្លើងភ្លាមៗ ទាំងឧបករណ៍បានប្រើប្រាស់ស្រោមការពារ ផងដែរ។</p>
<p>ករណីដែលបានកើតឡើង ភាគច្រើនថ្មរបស់ឧបករណ៍ នឹងមិនជួបនូវបញ្ហាអ្វីនោះទេ ប៉ុន្តែសម្រាប់ក្នុង ករណីនេះ ថ្មរបស់ iPhone 6 ត្រូវបានធ្លុះប្រហោង។ បន្ទុះផ្កាភ្លើងបានបង្កឲ្យម្ចាស់ស្មាតហ្វូននេះ ទទួល រងនូវការរលាកមួយផងដែរ។</p>
<p><a class="thickbox" title="" href="/FileManager/Commons/2014/10/18/phillip-ip6-18-10-2014--16-31-45.jpg"><img src="/FileManager/Articles/mce/2014/10/18/phillip-ip6-18-10-2014--16-31-45.jpg" alt="" /></a></p>
<p>រឿងដែលស្មាតហ្វូនមួយ ត្រូវបានកោង បន្ទាប់ពីជួបនូវគ្រោះថ្នាក់ចរាចរណ៍ គឺមិនមានអ្វីដែលត្រូវកត់<br />សំគាល់ទេ ប៉ុន្តែសម្រាប់ iPhone 6 កាលដែលវាត្រូវបានកោង ទាំងដែលបានប្រើប្រាស់នូវស្រោម ការពារហើយនោះ វាអាចនឹងបន្តធ្វើឲ្យមានការព្រួយបារម្ភបន្ថែមទៀត ទៅលើការឌីហ្សាញនៃផលិត ផលនេះ ដែលមិនសូវមានភាពរឹងមាំ ពិសេសគឺបន្ទាប់ពីព័ត៌មាន Scandal iPhone 6 Plus ងាយនឹង ទទួលរងការកោង ក្នុងរយះពេលកន្លងមកនេះ។</p>
<p><a class="thickbox" title="" href="/FileManager/Commons/2014/10/18/d1-18-10-2014--16-32-09.jpg"><img src="/FileManager/Articles/mce/2014/10/18/d1-18-10-2014--16-32-09.jpg" alt="" width="498" height="339" /></a></p>
<p><a class="thickbox" title="" href="/FileManager/Commons/2014/10/18/d2-18-10-2014--16-32-32.jpg"><img src="/FileManager/Articles/mce/2014/10/18/d2-18-10-2014--16-32-32.jpg" alt="" /></a></p>
<p>បច្ចុប្បន្ននៅមិនទាន់មានប្រតិកម្មណាមួយ ពីខាងក្រុមហ៊ុន Apple នៅឡើយទេ ចំពោះករណីដែល បានកើតឡើងខាងលើ៕</p>
<p style="text-align: center;"><object width="500" height="400" data="http://www.youtube.com/v/OvhlET39RnM&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/OvhlET39RnM&rel=1" /></object></p>
<p style="text-align: right;"> </p>
<p style="text-align: right;">ប្រែសម្រួល៖ សិលា<br />ប្រភព៖ PhoneArena, zing</p>