<div class="article-content">
<p><strong>-បុរសអតីតមេការម្នាក់ ត្រូវឃាត់ខ្លួនសួរនាំ តែមិនជាប់ពាក់ព័ន្ឋ</strong></p>
<p><strong>ភ្នំពេញ :</strong> ករណីខ្ចប់កាដូគ្រាប់ បែកផ្លែទៀប ជូនម្ចាស់ហាង ព្រីមកាហ្វេ ស្ថិតនៅតាមផ្លូវ លេខ៣១៥ សង្កាត់ បឹងកក់២ ខណ្ឌទួលគោក កាលពីរសៀលថ្ងៃម្សិលមិញ ត្រូវបានសមត្ថកិច្ច បង្ហើបអោយដឹងថា ផ្តើមចេញពីការ ជំរិតទារលុយ៥០០០ដុល្លារមិនបានសម្រេច ។</p>
<p>ជាមួយគ្នានេះ បុរសអតីត មេការម្នាក់ នៅក្នុងហាង កាហ្វេ ត្រូវបានកម្លាំងអាវុធហត្ថឃាត់ខ្លួន ដោយមុនដំបូង សង្ស័យថា អាចជាប់ពាក់ព័ន្ឋ ព្រោះទើបឈប់ពីការងារ បាន១០ថ្ងៃ ប៉ុន្តែក្រោយការ ជជីកសួរនាំរហូតទៅដល់ ការឡោម និងឆែកឆេរផ្ទះ ស្ថិតនៅតាមផ្លូវលំ សង្កាត់ស្វាយប៉ាក ខណ្ឌប្ញស្សីកែវ នៅតែមិនទាន់អាចរកឃើញ និងបញ្ជាក់ពិតប្រាកដថា មេការរូបនេះ ជាអ្នកប្រព្រឹត្ត ឡើយ ។</p>
<p>មន្ត្រីនគរបាលព្រហ្មទណ្ឌ រាជធានីភ្នំពេញមួយរូប បាននិយាយថា នៅវេលាម៉ោង ប្រមាណ១០ និង៥០នាទី ព្រឹកថ្ងៃទី២៧ ខែកក្កដា ឆ្នាំ២០១៤នេះ មានជនមិនស្គាល់មុខ បានទូរស័ព្ទមកហាងកាហ្វេ ដោយជំរិតទារប្រាក់ ៥០០០ដុល្លារ ដែលសកម្មភាពដដែលនេះ បានកើតឡើង ខណ:ដែលអតីតមេការ កំពុងត្រូវបានឃាត់ខ្លួន ដូច្នេះអាចមិនជាប់ពាក់ព័ន្ឋ នោះឡើយ ។</p>
<p>បុរសមេការរូបនេះ ត្រូវបាន មន្ត្រីអាវុធហត្ថប្រាប់ថា មានឈ្មោះ សុខ កក្កដា អាយុ ២៧ឆ្នាំ ។</p>
<p>យ៉ាងណាក៏ដោយ ករណីខាង លើនេះ ស្ថិតក្រោមការសើុបអង្កេត យ៉ាងយកចិត្តទុកដាក់ ពីសមត្ថកិច្ចទាំង នគរបាល និងអាវុធហត្ថ ដើម្បីតាមចាប់ ជនជំរិតទារលុយតាមទូរស័ព្ទ យកមកផ្តន្ទាទោសតាមផ្លូវច្បាប់ ។</p>
<p>សូមបញ្ជាក់ថា កាលពីវេលា ម៉ោង ១១៖៣០នាទី ព្រឹកថ្ងៃ សៅរ៍ ទី២៦ ខែកក្កដា មានជនមិនស្គាល់មុខ បានខ្ចប់ គ្រាប់បែកប្រភេទក្រឡាទៀប មួយគ្រាប់ ឱ្យសន្តិសុខ យកទៅជូនម្ចាស់ហាងព្រីម កាហ្វេ ដែលមានទីតាំង ចំណុច ផ្លូវ៣១៥ សង្កាត់បឹងកក់២ ខណ្ឌទួលគោក បង្កឱ្យមានការភ្ញាក់ផ្អើល ពេញហាង ។</p>
<p>ប្រភពព័ត៌មានពីកន្លែងកើតហេតុ បានឱ្យដឹងថា គ្រាប់បែកនេះ មានសភាពចាស់ពុកផុយ ដោយមិនមានក្រវិល នោះទេ ហើយត្រូវបាន ជនមិនស្គាល់មុខ យកមកឱ្យសន្តិសុខម្នាក់ឈ្មោះ សឿន ប៊ុនធឿន យកទៅឱ្យម្ចាស់ហាង ព្រីមកាហ្វេ ៕</p>
<p><img style="display: block; margin-left: auto; margin-right: auto;" src="http://image.dap-news.com:81/dap-news/dap-images/2014/July/id-030/Kosal-0414.jpg" alt="" width="550" /></p>
<p style="text-align: center;"><a class="thickbox" title="" href="/FileManager/Commons/2014/7/27/01-27-07-2014--16-01-57.jpg"><img src="/FileManager/Articles/mce/2014/7/27/01-27-07-2014--16-01-57.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2014/7/27/02-27-07-2014--16-02-05.jpg"><img src="/FileManager/Articles/mce/2014/7/27/02-27-07-2014--16-02-05.jpg" alt="" /></a></p>
<p style="text-align: center;"><a class="thickbox" title="" href="/FileManager/Commons/2014/7/27/03-27-07-2014--16-02-14.jpg"><img src="/FileManager/Articles/mce/2014/7/27/03-27-07-2014--16-02-14.jpg" alt="" /></a></p>
<p style="text-align: center;"><img src="http://image.dap-news.com:81/dap-news/dap-images/2014/July/id-010/chanroth014-july-253.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-010/chanroth014-july-254.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2014/July/id-030/Kosal-0411.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-030/Kosal-0412.jpg" alt="" width="550" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-030/Kosal-0413.jpg" alt="" width="550" /></p>
</div>
<p style="text-align: right;"><a href="http://www.dap-news.com/2011-06-14-02-39-55/91370-2014-07-27-04-35-06.html" target="_blank">ផ្តល់សិទ្ធដោយ ៖ ដើមអម្ពិល</a></p>