<p>Petra Nemcova កំពូលតារាម៉ូដែល ដែលធ្លាប់បានដើរម៉ូដនៅលើឆាកធំៗរបស់ពិភពលោក ចាប់<br />ពី Milan, Paris រហូតដល់ក្រុង New York នាងក៏ធ្លាប់បានធ្វើការជាមួយក្រុមអ្នកថតរូបដ៏ល្បីល្បាញ<br />បំផុត ប៉ុន្ដែ Petra Nemcova មិនធ្លាប់បានគិតថា ខ្លួនបានក្លាយជាអ្នកជំនួញដូច បច្ចុប្បន្ន។<br /><br />Petra Nemcova (Petra Němcová)បានចាកចេញពីស្រុកកំណើតរបស់ខ្លួន (សាធារណរដ្ឋ ឆេក កាល<br />ពីនាងមានអាយុ ១៨ឆ្នាំ ដើម្បីតាមចាប់អាជីពជាអ្នកបង្ហាញម៉ូដ។ មិនយូរប៉ុន្មាន នាងក៏បានក្លាយជា<br />តារាម៉ូដែល ដែលត្រូវបានគេវាយតម្លៃខ្ពស់ ក្នុងវិស័យសិល្បៈ ហើយនាងក៏ធ្លាប់មានវត្តមាននៅលើ<br />ក្របមុខនៃទស្សនាវដ្ដីល្បីៗជាច្រើន ដូចជ Elle, Glamour និង Sports Illustrated ជាដើម។</p>
<p style="text-align: center;"><br /> <a class="thickbox" title="" href="/FileManager/Commons/2013/8/12/petra-nemcova-១-12-08-2013--13-21-30.png"><img src="/FileManager/Articles/mce/2013/8/12/petra-nemcova-១-12-08-2013--13-21-30.png" alt="" /></a><br />បច្ចុប្បន្ន ក្រៅពី ជាតារាបង្ហាញម៉ូដ និងប្រធានអង្គការមនុស្សធម៌មួយ Petra Nemcova ក៏ជាម្ចាស់ <br />ក្រុមហ៊ុន Be The Light ផងដែរ។</p>
<p style="text-align: left;">នៅក្នុងវ័យ ៣៤ឆ្នាំ Petra Nemcova នៅតែបន្ដសកម្មភាពដូចតារាបង្ហាញម៉ូដដទៃ ប៉ុន្ដែនាងបានប្ដូរ<br />ទិសមកកាន់វិស័យថ្មី គឺជាបេសកជនមនុស្សធម៌ អគ្គរដ្ឋទូតគោចរ (ambassador-at-large) របស់ <br />Haiti ហើយបច្ចុប្បន្ន ជាម្ចាស់ក្រុមហ៊ុនមួយ។<br /><br />ការងារជំនួញដំបូងរបស់ស្រីស្អាតកើតឆ្នាំ ១៩៧៩ រូបនេះ គឺគ្រប់គ្រងក្រុមហ៊ុនផ្គត់ផ្គង់គ្រឿង<br />សង្ហារឹមប្រណិតមួយ ដែលមានឈ្មោះថា Be The Light ។<br /><br />ផលិតផលដំបូង គឺបណ្ដាប្រភេទទៀនដ៏ប្លែកភ្នែក ដោយទៀនមួយប្រភេទៗគឺមានអត្ថន័យតំណាង<br />ឱ្យវប្បធម៌មួយ ឧទាហរណ៍ដូចជា ទៀនក្រអូប Holiday Cookie របស់សាធារណរដ្ឋឆេក តំណាង<br />ឱ្យភាពកក់ក្ដៅ នៅពេលសមាជិកគ្រួសារជួបជុំគ្នាក្នុងពេលសម្រាកកាយ។<br /><br />ទៀនដែលមានតម្លៃ ៩៨ដុល្លារ ផលិតនៅ អាមេរិក នឹងត្រូវបានដាក់លក់នៅក្នុងបណ្ដាហាងទំនើប<br /> Bergdorf Goodman និងលក់តាមអ៊ីនធើរណិត ចាប់ពីខែសីហាឆ្នាំ ២០១៣ នេះតទៅ។ ផលិតផល<br />នេះដែរ ក៏នឹងត្រូវបានដាក់លក់ក្នុងហាង Neiman Marcus ចាប់ពីដើមឆ្នាំ ២០១៤ ។</p>
<p style="text-align: center;"><a class="thickbox" title="" href="/FileManager/Commons/2013/8/12/petra-nemcova-២-12-08-2013--13-22-36.jpg"><img src="/FileManager/Articles/mce/2013/8/12/petra-nemcova-២-12-08-2013--13-22-36.jpg" alt="" /></a><br />Petra Nemcova នៅលើក្របមុខនៃទស្សនាវដ្ដី Sports Illustrated</p>
<p style="text-align: left;">ក្រៅពីនេះ ក្រុមហ៊ុន Be The Light កំពូលតារាបង្ហាញម៉ូដរូបនេះ ក៏ផ្គត់ផ្គង់ផលិតផល សម្ភារៈ<br />គ្រួសារ ដូចជា ពូក ខ្នើយ ផើងផ្កា ថាស ឬសុំរូបថត ។ល។<br /><br />គួររំឭកថា មុននេះ Nemcova ធ្លាប់បានប្រឈមមុខនឹងការខ្លោចផ្សាចិត្ដ និងអស់សង្ឃឹមក្នុងជីវិត<br />ជាខ្លាំង។ Simon Atlee ដែលជាស្វាមីរបស់នាង គឺជាអ្នកថតរូបអាជីពម្នាក់ បានបាត់បង់ជីវិតនៅ<br /> Indonesia ក្នុងគ្រោះធម្មជាតិរលកយក្សកាលពីឆ្នាំ ២០០៤ ។ កាលណោះ Nemcova ក៏ប៊ិះនឹងបាត់<br />បង់ជីវិត ប៉ុន្ដែដោយសារនាងខំប្រឹងឱបជាប់ទៅនឹងដើមដូងប្រេងមួយដើម ក្នុងរយៈពេល ៨ម៉ោង<br />រហូតដល់នាងត្រូវបានគេមកជួយសង្គ្រោះទាន់ពេល។ Nemcova បាក់ឆ្អឹងត្រគាក និងរងរបួសយ៉ាង<br />ធ្ងន់ធ្ងរ ជាច្រើនកន្លែង។<br /><br />មួយឆ្នាំក្រោយការជួបនឹងគ្រោះថ្នាក់ Nemcova ក៏បង្កើតមូលនិធិមនុស្សធម៌ Happy Hearts Fund ។<br /> អង្គការមួយនេះ បានរួមចំណែកក្នុងការសាងសង់សាលារៀនឡើងវិញ និងជួយដល់កុមារ បន្ទាប់ពី<br />មានគ្រោះធម្មជាតិ នៅជុំវិញពិភពលោក។<br /><br />Petra Nemcova ក៏មានមុខតំណែងជាអគ្គរដ្ឋទូតគោចរ (Ambassador-at-Large) របស់ប្រទេស Haiti <br />ជាកន្លែងដែលនាងកំពុងរស់នៅ និងធ្វើការរួមនឹងក្រុមអ្នកជំនួញជាច្រើន ដើម្បីបង្កើតការងារបន្ថែម<br />ទៀត សម្រាប់មនុស្សនៅលើកោះនេះ។</p>
<p style="text-align: center;"><a class="thickbox" title="" href="/FileManager/Commons/2013/8/12/petra-nemcova-៣-12-08-2013--13-24-00.png"><img src="/FileManager/Articles/mce/2013/8/12/petra-nemcova-៣-12-08-2013--13-24-00.png" alt="" width="473" height="282" /></a><br />Petra Nemcova បានបង្កើតមូលនិធិ Happy Hearts Fund បន្ទាប់ពីគ្រោះធម្មជាតិ រលកយក្ស នៅ<br />សមុទ្រឥណ្ឌា ឆ្នាំ ២០០៤ ។ រូប ៖ Nemcova ទស្សនាសាលារៀនមួយនៅ Chincha ប្រទេស Peru ។</p>
<p style="text-align: left;">នៅក្នុងកិច្ចសម្ភាសមួយ Nemcova ថ្លែងថា ៖ “ការបង្កើតជាយុទ្ធសាស្ដ្រមួយសម្រាប់មូលនិធិ Happy <br />Hearts Funds ឬបង្កើតផលិតផល គឺសុទ្ធតែជាក្ដីរីករាយរបស់នាងខ្ញុំ” ។<br /> <br />សូមបញ្ជាក់ថា ការប្ដូរមកធ្វើជំនួញរបស់ Nemcova គឺជាការគិតផ្ទាល់របស់នាង ប៉ុន្ដែ កំពូលតារា<br />រូបនេះ ក៏មិនបានធ្វើឡើងដូចទៅនឹងមនុស្សពិការភ្នែកនោះដែរ។ Nemcova បានចូលរួមវគ្គសិក្សា<br />មួយចំនួន ស្ដីអំពីទីផ្សារ ការបង្កើតយីហោ ហិរញ្ញវត្ថុ និងយុទ្ធសាស្ដ្រនៃការចរចា នៅសកលវិទ្យា<br />ល័យ Cambridge និងសាលាជំនួញ London របស់អង់គ្លេស។ ពេលនេះ Nemcova មានភាពជឿជាក់<br />គ្រប់គ្រាន់ ក្នុងការជួបប្រជុំជាមួយបណ្ដា CEO ដើម្បីចរចា និងសហការណ៍គ្នាធ្វើជំនួញ។<br /><br />នៅពេលស្ថិតក្នុងអំឡុងពេលដែលមានការមមាញឹកបំផុត ប៉ុន្ដែ Nemcova បានឱ្យដឹងថា នាងនៅតែ<br />សប្បាយចិត្ត បើទោះជាការងារបច្ចុប្បន្នរបស់នាង មិនអនុញ្ញាតឱ្យនាងបានរស់នៅដូចជីវភាពនៃតារា<br />ម៉ូដែល ដូចកាលពីមុន៕<br /><br /></p>
<p style="text-align: right;"><br />ដោយ ៖ តារា<br />ប្រភព ៖ Huffingtonpost / TTTT<br /><br /></p>