<p><span style="color: #000000; font-size: 12px;">ព័ត៌មានអន្តរជាតិ ៖ ក្រុមមន្រ្តីអាមេរិក និងអាហ្គានីស្ថានបានឱ្យដឹង កាលពីថ្ងៃអាទិត្យថា មេបញ្ជាការកំពូលរបស់ក្រុម ISIS ត្រូវបានសម្លាប់ នៅក្នុងវាយឆ្មក់មួយ នៅអាហ្វហ្គានីស្ថាន ជាកន្លែង ដែលកងទ័ព Rangers ពីរនាក់ បានស្លាប់កាលពីខែមុន ។</span></p>
<p><span style="color: #000000;"> មេបញ្ជាការលោក Abdul Hasib បានត្រួតត្រាសាខាក្រុម ISIS -K ក្នុងតំបន់អាស៊ីខាងត្បូង ជាក្រុម ដែលយកឈ្មោះតាមខេត្ត Khorasan ។</span></p>
<p><span style="color: #000000;">ប្រធានាធិបតីអាហ្វហ្គានីស្ថាន លោក Ashraf Ghani បានឱ្យដឹងថា Hasib បាននៅពីក្រោយការវាយប្រហារបង្ហូរឈាមមួយ នៅរដ្ឋធានីកាប៊ុល ប្រទេសអាហ្វហ្គានីស្ថាន កាលពីថ្ងៃទី ៨ ខែមីនា ជាថ្ងៃដែលខ្មាន់កាំភ្លើង បានក្លែងធ្វើជាគ្រូពេទ្យ សម្រុកចូលមន្ទីរពេទ្យយោធាមួយ ដោយបានសម្លាប់មនុស្សយ៉ាងហោច ៣០ នាក់ និងរងរបួស ៥០ នាក់។</span></p>
<p><a class="thickbox" title="" href="/FileManager/Commons/2017/5/9/1-09-05-2017--08-17-26.png"><img src="/FileManager/Articles/mce/2017/5/9/1-09-05-2017--08-17-26.png" alt="" /></a><br /><span style="color: #000000;"> ក្នុងសេចក្តីថ្លែងការណ៍មួយ ក្រុមមន្ត្រីមន្ទីរបញ្ចកោណបាននិយាយថា Hasib បានបញ្ជាឱ្យពួកសកម្មប្រយុទ្ធ ISIS កាត់ក្បាលពួកព្រឹទ្ធាចារ្យក្នុងតំបន់ នៅចំពោះមុខក្រុមគ្រួសាររបស់ពួកគេនិងដឹកនាំការចាប់ជំរិតក្មេងស្រី និងស្ត្រី ដោយបង្ខំឱ្យពួកគេរៀបការ ជាមួយពួកសកម្មប្រយុទ្ធ។</span></p>
<p><span style="color: #000000;">សេចក្តីថ្លែងការណ៍នេះបានបញ្ជាក់ផងដែរថា Sgt. Joshua Rodgers អាយុ ២២ ឆ្នាំ និង Sgt. Cameron Thomas អាយុ ២៣ ឆ្នាំត្រូវបានគេសម្លាប់ នៅក្នុងការប្រតិបត្ដិការក្នុងតំបន់មួយ កាលពីថ្ងៃទី ២៧ ខែមេសា នៅក្នុងខេត្តដាច់ស្រយាល Nangarhar ភាគខាងកើតប្រទេសអាហ្វហ្គានីស្ថាន។</span><br /> <br /><span style="color: #000000;"> សេចក្តីថ្លែងការណ៍បន្ថែមថា ពួកសកម្មប្រយុទ្ធ ISIS ៣៥ នាក់ និងថ្នាក់ដឹកនាំមិនស្គាល់អត្តសញ្ញាណមួយចំនួនទៀត ត្រូវបានសម្លាប់ផងដែរ នៅក្នុងការបង្រ្កាបរួមគ្នា អាហ្គានីស្ថាន និងអាមេរិច។</span></p>
<p><span style="color: #000000;">កាលពីដើមខែនេះ កងកម្លាំងសហរដ្ឋអាមេរិក បានកំណត់គោលដៅ ទៅលើផ្លូវរូងក្រោមដីរបស់ក្រុម ISIS នៅក្នុងតំបន់មួយ នៅពេលដែល កងកម្លាំងនេះ បានទម្លាក់គ្រាប់បែកដ៏ធំបំផុត ដែលមិនធ្លាប់ប្រើ នៅក្នុងការធ្វើកូដកម្ម៕</span></p>
<p><span style="color: #000000;"><br /><a class="c_tab" href="http://mekongnet.com.kh/pages/SpecialOfferCamnews.aspx" target="_blank"><img src="/FileManager/Articles/mce/2017/5/9/mkn-09-05-2017--08-17-43.png" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល៖ សារ៉ាត</span></p>