<p><span style="color: #000000;">ព័ត៌មានកីឡា៖ ប្រភពព័ត៌មានមួយបានចុះផ្សាយឲ្យដឹងថា Real Madrid កាន់តែរំកិលខ្លួនខិតជិតទៅរក ខ្សែបម្រើវ័យក្មេង Chelsea គឺកីឡាករ Eden Hazard ដែលទើបតែទទួលបានពានរង្វាន់កីឡាករឆ្នើម កាលពីចុងសប្ដាហ៍មុននេះ ហើយផ្ដល់ឱកាសឲ្យ Man United ធ្វើការទាក់ទង Gareth Bale ។ </span></p>
<p><span style="color: #000000;">មិនត្រឹមតែ Real Madrid ទេដែលកំពុងតែលង់ខ្លួនចង់បានខ្សែបម្រើរូបនេះ បើសូម្បីតែ Bayern Munich និង PSG របស់ប្រទេសបារាំងក៏មានចំណាប់អារម្មណ៍ចង់ផ្ទេរជើងចេញផងដែរ គ្រប់យ៉ាងត្រូវកីឡាករបានបដិសេធមិនទទួលសំណើរទាំងនោះ។ ប្រភពព័ត៌មានបានបន្ដទៀតថា Real Madrid មានទំនាក់ទំនងស្និទ្ធជាងគេ កាលពី ១ ថ្ងៃបន្ទាប់ពីកីឡាករ បានទទួលពានរង្វាន់ប្រចាំឆ្នាំ ក្រុមបានបញ្ជូនភ្នាក់ងារ មកធ្វើការទាក់ទង ប៉ុន្ដែត្រូវ កីឡាករបដិសេធ ។ ហើយមិនត្រឹមតែប៉ុណ្ណោះ ទៀតសោត លោក Jose Mourinho បានបង្ហើបពីតម្លៃទីផ្សារកីឡាករផងដែរ ទៅដល់ Real Madrid ថា គឺមានដល់ទៅ ១០០ លានផោន ដែលតម្លៃនេះ ស្មើនឹងកីឡាករម្នាក់ក្នុងចំណោមកីឡាករល្បីៗទាំង ៣ របស់ Real Madrid ។ </span></p>
<p><span style="color: #000000;">ប្រភពព័ត៌មានបានបន្ថែមទៀតថា តម្លៃនេះនៅមិនទាន់ជាមានការឆ្លើយតបពី ក្រុម Real Madrid នៅឡើយទេ ហើយបើវិញទៀត តម្លៃនេះ គឺក៏មិនទាន់ស្មើនឹងមហិច្ឆិតារបស់ Man United ចង់បាន Gareth Bale ដែរ ។ </span></p>
<p><span style="color: #000000;">Real Madrid ក៏បានបើកផ្លូវឲ្យ Man United ដើម្បីទាក់ទង Gareth Bale ខណៈដែលក្រុមធ្លាប់លេចឮដំណឹងថា ហ៊ានចំណាយទុនដល់ទៅ ១២០ លានផោន លើខ្លួនកីឡាករម្នាក់នេះ ហើយរឿងមួយទៀតសោត ប្រសិនបើ Real Madrid មិនអាចបញ្ចេញ Gareth bale ទេនោះ គឺនឹងមិនមានកន្លែង សម្រាប់ខ្សែបម្រើវ័យក្មេង Chelsea គឺកីឡាករ Eden Hazard ។</span></p>
<p><span style="color: #000000;"><a class="thickbox" title="" href="/FileManager/Commons/2015/4/28/4-28-2015-3-08-41-pm-28-04-2015--15-13-56.png"><img src="/FileManager/Articles/mce/2015/4/28/4-28-2015-3-08-41-pm-28-04-2015--15-13-56.png" alt="" /></a><br /></span></p>
<p style="text-align: right;">ដោយ៖ អឿ អ៊ុុយ</p>
<p style="text-align: right;">ប្រភព៖ dailystar</p>