<p><strong>ភ្នំពេញ៖</strong> លោក ម៉ៃ សុគន្ធ ដែលជាជនរងគ្រោះត្រូវបានម្ចាស់ ផលិតកម្មក្លាស៊ីក លោក ហួរ<br /> សុផល ចេញមូលប្បទានប័ត្រ (សែក) អត់សាច់ប្រាក់ចំនួន ២ម៉ឺនដុល្លារនោះ បានធ្វើការទទូច<br /> ស្នើរឲ្យសាលាដំបូង ពន្លឿននីតិវិធីដោះស្រាយលើករណីនេះ ឲ្យបានឆាប់រហ័សដោយឲ្យ លោក<br /> សុផល សងសំណងសមស្របណាមួយ ក្នុងពេលឆាប់ៗខាងមុខនេះ ។</p>
<p>ក្រោយពីម្ចាស់ផលិតកម្មក្លាស៊ីក លោក ហួរ សុផល ត្រូវបានជនរងគ្រោះដាក់ ពាក្យបណ្តឹងប្តឹង<br />ទៅ តុលាការសាលាដំបូងរាជធានីភ្នំពេញ ពីបទឆបោកចេញ មូលប្បទានប័ត្រ (សែក) អត់ទឹក<br />ប្រាក់ចំនួន ២ម៉ឺនដុល្លារ ហើយកាលពីរសៀលថ្ងៃទី១០ ខែតុលា ឆ្នាំ២០១៣កន្លងទៅនេះ ព្រះរាជ<br />អាជ្ញារងអមសាលាដំបូងរាជធានីភ្នំពេញ លោក ឯក ឆេងហួត បានធ្វើការចោទប្រកាន់ និងឃុំខ្លួន<br />ជនជាប់ចោទ បណ្តោះអាសន្ននៅពន្ធនាគារ ។ ប៉ុន្តែត្រូវបានចៅក្រមស៊ើបសួរដោះលែង ជនជាប់<br />ចោទឲ្យនៅក្រៅឃុំ នៅថ្ងៃបន្ទាប់ដោយជនរងគ្រោះ មិនទាន់បានទទួលសំណងឬ ការសាកសួរ<br />ណាមួយឡើយ ។</p>
<p>បុរសម្នាក់ដែលជាដើមបណ្តឹង និងជាជនរងគ្រោះ លោក ម៉ៃ សុគន្ធ បានប្រាប់ LookingTODAY <br />ឲ្យដឹង នៅព្រឹកថ្ងៃទី១៧ ខែតុលា ឆ្នាំ២០១៣នេះថា ចាប់តាំងពីថ្ងៃទី១០ ខែតុលារហូតមក ដល់<br />ពេលបច្ចុប្បន្ននេះ “ តុលាការសាលាដំបូងមិនទាន់មាន វិធានការឬក៏បង្ហាញពីកាលបរិច្ឆេទ បើក<br />សវនាការក្នុង សំនុំរឿងនេះនៅឡើយទេ ហើយក្នុងនាមខ្ញុំជាជនរងគ្រោះ ស្នើរសុំដល់តុលាការ<br /> ពន្លឿននីតិវិធី ដោះស្រាយក្នុងសំណុំរឿងនេះ ឲ្យបានឆាប់រហ័ស ដើម្បីសងសំណង ដល់ខ្ញុំនិង<br />ផ្តន្ទាទោស លើជនជាប់ចោទ តាមផ្លូវច្បាប់” ។</p>
<p>ជនរងគ្រោះបានបន្តឲ្យដឹងទៀតថា លោកហួរ សុផល ដែលទស្សនិកជន ភាគច្រើនបាន ស្គាល់<br />យ៉ាងច្បាស់ថា ជាបងប្រុសបង្កើត របស់តារាចម្រៀង កញ្ញា សុគន្ធ អារីយ៉ា បានសារភាពថា<br />លោក សុផល ពិតជាបានខ្ចីលុយពីលោក (ជនរងគ្រោះ) ចំនួនទឹកប្រាក់ ២ម៉ឺនដុល្លារ ប្រាកដ<br />មែនហើយក្រោយមក លោក សុផល បានចេញសែកមួយសន្លឹក អត់ទឹកប្រាក់ឲ្យទៅលោក ។</p>
<p>លោកម៉ៃ សុគន្ធបានប្រាប់បន្ថែមទៀតថា នៅក្នុងនោះខាង ធនាគារអេស៊ីលីដា ក៏បានចេញ<br />លិខិតបញ្ជាក់ ថាក្នុងលេខកុងធនាគាររបស់ លោក ហួរ សុផល អត់មានសាច់ប្រាក់ទេ ដោយ<br />នៅក្នុងនោះ មានទាំងស្នាម មេដៃផ្តិតនៅលើសែក អត់សាច់ប្រាក់និងស្នាមមេដៃ ដែលបើក<br />កុងនៅធនាគារ និងអត្តសញ្ញាណប័ត្រ គឺជារបស់ជនជាប់ចោទ តែម្នាក់គត់ ។</p>
<p>គួរបញ្ជាក់ផងដែរថា លោក ហួរ សុផល គឺជាម្ចាស់ផលិតកម្មក្លាស៊ីក ហើយនាពេលកន្លងមក<br />ម្ចាស់ ផលិតកម្មរូបនេះ ក៏ធ្លាប់បានបោកបក់ប៉ះពាល់ ព័ត៌មានអាស្រូវ មិនតិចដែល ដោយកាល<br />ពីពេលថ្មីៗនេះ ទើបតែលេចឮព័ត៌មាន ថាលោកបាន សម្រេចចិត្តបិទផលិតកម្ម ដោយសារតែ<br />ក្ស័យធន មិនទាន់ស្ងប់ផង ក៏ស្រាប់តែលោកត្រូវ បានព្រះរាជអាជ្ញា រងអមសាលាដំបូងសម្រេច<br />ឃុំខ្លួន បណ្តោះអាសន្ន នៅរសៀល ថ្ងៃទី១០ ខែតុលា តែក្រោយមកត្រូវបានចៅក្រម ស៊ើប<br />សួរដោះលែងឲ្យនៅក្រៅឃុំវិញ ៕</p>
<p><img src="http://image.lookingtoday.com:81//lookingtoday/looking-images/news/2013/October/id-017/chetha-59.jpg" alt="Photo by LookingTODAY" width="500" /></p>
<p style="text-align: center;">(ឆ្វេង) ជនរងគ្រោះ លោក ម៉ៃ សុគន្ធ និង លោក ហួរ សុផល</p>
<p><img src="http://image.dap-news.com:81/dap-news/dap-images/2013/october/id-078/Lay-056.jpg" alt="Photo by DAP-News" width="500" /></p>
<p><img src="http://image.dap-news.com:81/dap-news/dap-images/2013/october/id-078/Lay-055.jpg" alt="Photo by DAP-News" width="500" /></p>
<p><img src="http://image.dap-news.com:81/dap-news/dap-images/2013/october/id-078/Lay-054.jpg" alt="Photo by DAP-News" width="500" /></p>
<p><img src="http://image.dap-news.com:81/dap-news/dap-images/2013/october/id-078/Lay-053.jpg" alt="Photo by DAP-News" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>