<p>កាលពីវេលាម៉ោងជិត ៨ព្រឹក ថ្ងៃទី១០ ខែកក្កដា ឆ្នាំ២០១២ ប្រជាពលរដ្ឋបានប្រទះឃើញសព<br />ស្រ្តីម្នាក់ នៅក្នុងវាលស្រែមួយ ក្នុងភូមិត្នោត ឃុំត្នោតចុងស្រង់ ស្រុកបន្ទាយមាស ខេត្តកំពត <br />ដោយមានសភាពស្អុយហើមរលួយ អស់ទៅហើយ។ ការប្រទះឃើញសពស្រ្តីនេះ ធ្វើឲ្យអ្នកស្រុក<br />មានការផ្ញាក់ផ្អើលយ៉ាងខ្លាំង ដោយនៅលើរាងកាយសព មានស្លាកស្នាមវះពោះផងដែរ។</p>
<p>តាមប្រភពព័ត៌មានដើមអម្ពិលបានឲ្យដឹងថា សពស្រ្តីរងគ្រោះនេះត្រូវបានប្រជាពលរដ្ឋរស់នៅ<br />ជាមួយគ្នាស្គាល់ មានឈ្មោះ សៅ លី អាយុ៤០ មានទីលំនៅ ក្នុងភូមិ-ឃុំកើតហេតុខាងលើ។បើយោងតាមប្រភពសមត្ថកិច្ចនគរបាលជំនាញ មិនទាន់ហ៊ានសន្និដ្ឋាននៅឡើយទេ អំពីការ<br />ស្លាប់របស់ស្ត្រីខាង លើនេះ ថាតើជាការស្លាប់ ដោយករណីធ្វើឃាត ឬដោយវិធីណានោះ។</p>
<p>នគរបាលដដែល បានបញ្ជាក់ទៀតថា សពស្រ្តីខាងលើនេះ បានស្លាប់យ៉ាងតិចណាស់ ក៏រយៈ<br />ពេល៣ថ្ងៃមកហើយ ស្របពេលដែលក្រុមគ្រួសារ បានរាយការណ៍ពីដំណឹងបាត់ខ្លួនតាំងពីថ្ងៃ<br />ទី០៧ ខែកក្កដា ឆ្នាំ២០១២ មកម្ល៉េះ។ នគរបាលជំនាញ កំពុងធ្វើការស៊ើបអង្កេតស្រាវជ្រាវទៅ<br />លើករណីខាងលើនេះ។</p>
<p><a class="thickbox" title="" href="/FileManager/Commons/2012/7/11/ch-0139-11-07-2012--09-45-51.jpg"><img style="display: block; margin-left: auto; margin-right: auto;" src="/FileManager/Articles/mce/2012/7/11/ch-0139-11-07-2012--09-45-51.jpg" alt="" /></a></p>
<p>គួរបញ្ជាក់ថា ចំណុចដែលគេប្រទះឃើញសពស្រ្តីរូបនេះ គឺជាតំបន់សម្បុកជួញដូរគ្រឿងញៀន <br />កន្លងមក សមត្ថកិច្ច ធ្លាប់បង្រ្កាបជាច្រើនករណីមកហើយ៕</p>
<p style="text-align: right;">ដោយ៖ មិនា<br />ប្រភព៖ DAP news</p>