<div class="article-content">
<p><strong>ភ្នំពេញ ៖</strong> ករណីបាក់ប្លង់សេនិងរន្ទារនៅ ផ្ទះល្វែងដែលកំពុងសាងសង់មួយកន្លែងនៅ ភូមិព្រែកតាគង់២ សង្កាត់ចាក់អង្រែលើ ខណ្ឌ មានជ័យ កាលពីរសៀលថ្ងៃ ទី៣១ ខែកក្កដា ឆ្នាំ២០១៤នោះ កម្លាំងនគរបាល មូលដ្ឋាន បានឈានទៅដល់ការឃាត់ខ្លួនបុរសមេការ សំណង់ម្នាក់ ក្រោយពីមានការដាក់ពាក្យ បណ្ដឹងពីម្ចាស់ផ្ទះខាងលើ ដោយចោទថា មេ ការសំណង់រូបនេះ បានធ្វេសប្រហែសលើការ សាងសង់ បណ្ដាលឱ្យកើតរឿងយ៉ាងដូច្នេះ។</p>
<p>សូមបញ្ជាក់ថា ករណីបាក់ប្លង់សេនិងបាក់ រន្ទាផ្ទះល្វែងដែលកំពុងសាងសង់ខាងលើនេះ បាននាំឱ្យសង្កត់ បុរសមេជាងម្នាក់ រហូតដល់ ស្លាប់ពេលបញ្ជូនទៅ កាន់មន្ទីរពេទ្យ ខណៈ ដែលកូនជាងម្នាក់ទៀត បានរត់រួចពីគ្រោះ ថ្នាក់មួយនេះ ។</p>
<p>ម្ចាស់ផ្ទះរងគ្រោះជាប្រពន្ធឈ្មោះអៀង វណ្ណា បាននិយាយថា នៅពេលដែលកំពុង សាងសង់ ពោលពេល ដែលមេជាងកំពុងបាញ់ ស៊ីម៉ង់ត៍ចាក់ប្លង់សេនោះ រូបគាត់ឃើញសភាព មិនស្រួល ដោយសង្ស័យថា អាចនឹងបាក់ ប៉ុន្ដែមេការសំណង់ឈ្មោះកាន់ លីន អាយុ ជាង៣០ឆ្នាំ ឆ្លើយថាមិនអី ។ គ្រាន់តែនិយាយ មិនទាន់ចប់ផង ស្រាប់តែប្លង់សេនិងរន្ទាបាន បាក់សង្កត់បុរសមេជាងលោកសុខ ជា អាយុ ៥៨ឆ្នាំ បណ្ដាលឱ្យរងរបួសធ្ងន់ ប៉ុន្ដែបាន ស្លាប់នៅតាមផ្លូវពេល បញ្ជូនទៅកាន់មន្ទីរ ពេទ្យ ខណៈដែលកូន ជាងសំណង់បានរត់រួច ពីសេចក្ដីស្លាប់ ។</p>
<p>ភ្លាមៗបានធ្វើឱ្យមានការភ្ញាក់ផ្អើលដល់ សមត្ថកិច្ចនិងអាជ្ញាធរមូលដ្ឋាន ចុះទៅជួយ អន្ដរាគមន៍នៅកន្លែង ផ្ទះកើតហេតុ ដែលដឹក នាំដោយលោកអភិបាលរង ខណ្ឌមានជ័យ ហៀក ចាន់លាង ដោយយករថយន្ដ ស្ទូច ទាញយកជនរងគ្រោះមកក្រោមដើម្បីបញ្ជូន ទៅកាន់មន្ទីរពេទ្យ ប៉ុន្ដែជាអកុសល ជនរង គ្រោះបាន ស្លាប់ តាមផ្លូវបាត់ទៅហើយ ។</p>
<p>ក្រោយពីរឿងនេះកើតឡើង ទើបម្ចាស់ ផ្ទះបានប្ដឹងទៅសមត្ថកិច្ចឱ្យឃាត់ខ្លួនបុរស មេការឈ្មោះកាន់ លី កាលពីវេលាម៉ោង១១ យប់ថ្ងៃទី៣១ ខែកក្កដា ឆ្នាំ២០១៤ ដើម្បី យកទៅសួរនាំ ចាត់ការបន្ដតាមផ្លូវច្បាប់៕</p>
<p style="text-align: center;"><object width="439" height="377" data="http://www.youtube.com/v/a9_EpvHED0M&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/a9_EpvHED0M&rel=1" /></object></p>
<p style="text-align: center;"><img src="http://image.dap-news.com:81/dap-news/dap-images/2014/July/id-011/Hong-0800.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-011/Hong-0801.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-011/Hong-0802.jpg" alt="" width="500" /></p>
<p style="text-align: center;"><img title=" " src="http://image.dap-news.com:81/dap-news/dap-images/2014/July/id-011/Hong-0803.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-011/Hong-0804.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-011/Hong-0808.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/July/id-067/CH-01562.jpg" alt="" width="550" /></p>
</div>
<p style="text-align: right;"><a href="http://www.dap-news.com/2011-06-14-02-39-55/91819-2014-08-01-08-10-55.html" target="_blank">ផ្តល់សិទ្ធដោយ ៖ ដើមអម្ពិល</a></p>