<div class="article-content">
<p><strong>ខេត្តបន្ទាយមានជ័យ៖</strong> ថ្ងៃទី១៤ ខែតុលា ឆ្នាំ២០១៣ កម្លាំង អ.ហ ឃាត់ខ្លួនក្មេងប្រុសម្នាក់ <br />ក្រោយធ្វើសកម្មភាព ល្បួងក្មេងស្រី២នាក់យកទៅរំលោភ បានសម្រេច នៅស្រុកម៉ាឡៃ <br />ខេត្តបន្ទាយមានជ័យ ខណៈម៉ែឪក្មេងស្រី ជនរងគ្រោះ រវល់ទៅទៅធ្វើការ មិនបាននៅផ្ទះ<br /> កាលពីថ្ងៃទី១១ ខែតុលា ឆ្នាំ២០១៣កន្លងទៅ។</p>
<p>លោក ម៉ែន ភិរម្យ មេបញ្ជាការរង និងជាប្រធានមន្ទីរស្រាវជ្រាវ យុត្តិធម៌ នៃទីបញ្ជាការ <br />អ.ហ ខេត្តបន្ទាយមានជ័យ បានឲ្យដឹងនៅថ្ងៃទី១៤ ខែតុលា ឆ្នាំ២០១៣ ថាជនសង្ស័យ<br />មាន ឈ្មោះ វិត នូវ ភេទប្រុស អាយុ១៥ឆ្នាំ រស់នៅ ស្រុកម៉ាឡៃ ខេត្តបន្ទាយមានជ័យ<br /> ត្រូវបានសមត្ថកិច្ចឃាត់ខ្លួន ពីបទរំលោភសេពសន្ថវៈលើកុមារី ២នាក់ រួមមាន ១/ឈ្មោះ <br /> ស ក អាយុ9ឆ្នាំ និងឈ្មោះ ស រ អាយុ៣ឆ្នាំ ដែលជាអ្នករស់នៅជិតខាង ។</p>
<p>លោក ម៉ែន ភិរម្យ បានបន្តថា ការឃាត់ខ្លួនជនសង្ស័យត្រូវបាន ធ្វើឡើងក្រោយពីមាន<br />ឪពុកម្តាយ របស់ក្មេងស្រី រងគ្រោះ ទាំង២បានមកប្តឹងសុំឲ្យ ជួយអន្តរាគមន៍ព្រោះកូន<br />ស្រីគាត់ ត្រូវគេចាប់រំលោភ និងយោងបទបញ្ជា របស់ លោក ឱ បូរិន មេបញ្ជាការ អ.ហ <br />ខេត្តបន្ទាយមានជ័យ ទើបកម្លាំង អ.ហ ស្នាក់ការ៩៩៩ប្រចាំ នៅចំណុចខ្លាងាប់ ស្រុក<br />ម៉ាឡៃចុះស្រាវជ្រាវ ក៏ឈានដល់ការចាប់ខ្លួន ជនសង្ស័យយកមកផ្តន្ទាទោស បាន<br />សម្រេចកាលពី ថ្ងៃទី១២ ខែតុលា ។</p>
<p>ក្រោយសួរនាំ នៅព្រឹកថ្ងៃទី១៤ ខែតុលា ឆ្នាំ២០១៣នេះ ជនសង្ស័យរូបនេះត្រូវបាន<br />ការិយាល័យជំនាញ កសាង សំណុំរឿងបញ្ជូន ទៅតុលាការចាត់ការតាមច្បាប់ ៕</p>
<p style="text-align: center;"><img src="http://image.dap-news.com:81/dap-news/dap-images/2013/october/id-078/Lay-150.jpg" alt="Photo by DAP-News" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>