<p><strong>ព័ត៌មានអន្តរជាតិ ៖</strong> ក្មេងស្រី វ័យ ៧ ឆ្នាំម្នាក់ ដែលមានឈ្មោះថា Nawaal Sayid បានស្លាប់<br />បាត់បង់ជីវិតយ៉ាងអណោចអធម បន្ទាប់ពីបានធ្លាក់ពីរានហាល ជាន់ទី ១១ កំពស់ប្រមាណ<br />ជាង ៣០ ម៉ែត្រ នេះបើតាមការដកស្រង់អត្ថបទផ្សាយ ពីគេហទំព័រសារព័ត៌មានបរទេស<br />ស្កាយ ដែលទើបតែបានចេញផ្សាយកាលពីប៉ុន្មានម៉ោងមុននេះ។</p>
<p>ប្រភពសារព័ត៌មានដដែលបន្ថែមថា ករណីឧបទ្ទេវហេតុ ដែលជាគ្រោះថ្នាក់ចៃដន្យខាងលើ<br />នេះ បានកើតឡើងកាលពីវេលាល្ងាចម៉ោងប្រមាណជាង ៦ និង ៣០ នាទីល្ងាច នៅភាគ<br />កណ្តាលទីក្រុងឡុងដ៍ ប្រទេសអង់គ្លេស។</p>
<p><a class="thickbox" title="" href="/FileManager/Commons/2013/6/28/flat-1-522x293-28-06-2013--08-33-40.jpg"><img src="/FileManager/Articles/mce/2013/6/28/flat-1-522x293-28-06-2013--08-33-40.jpg" alt="" width="439" height="245" /></a></p>
<p>យ៉ាងណាមិញ បន្ទាប់ពីទទួលបានទូរស័ព្ទជម្រាបអោយដឹង ពីព័ត៌មានគ្រោះថ្នាក់មួយនេះ<br />ក្រុមការងារជួយសង្គ្រោះក៏ដូចជាឡានសង្គ្រោះបន្ទាន់ បានទៅដល់កន្លែងកើតហេតុភ្លាមៗ<br />តែជាអកុសល នាងតូចវ័យ ៧ ឆ្នាំនោះ បានស្លាប់បាត់បង់ជីវិតបាត់ទៅហើយ នៅឯមន្ទីរ<br />ពេទ្យក្នុងស្រុកមួយកន្លែង បន្ទាប់ពីបានបញ្ជូនទៅដល់ទីនោះ ។</p>
<p>គួររំឭកផងដែរថា សារព័ត៌មានជឿថា មូលហេតុដែលបានបណ្តាលអោយក្មេងស្រីតូចវ័យ<br />៧ ឆ្នាំរូបនេះ ធ្លាក់ពីរានហាល ជាន់ទី ១១ បានមែននោះ ទំនងមកពីការធ្វេសប្រហែស<br />របស់ម្តាយ ដែលទុកនាងចោលតែឯង រួចរត់ទៅបើកទ្វារផ្ទះ តែទោះជាយ៉ាងណា ក្រុមមន្រ្តី<br />ប៉ូលីស ក៏កំពុងតែធ្វើការតាមដានស៊ើបអង្កេត ដើម្បីរកមូលហេតុពិត ដែលបានបណ្តាល អោយកើតមានឡើងនូវសោកនាដកម្មខ្លោចចិត្តមួយនេះ៕</p>
<p style="text-align: right;">ដោយ ៖ ពិសី<br />ប្រភព ៖ ស្កាយ</p>