<p><span style="color: #000000;">ព័ត៌មានអន្តរជាតិ ៖ សេរ៉ូម ផលិតចេញពីឈាម អ្នកជម្ងឺជាសះស្បើយ ពីជម្ងឺ អា សន្នរោគ Ebola អាច នឹងរួចរាល់ក្នុងរយៈពេល ប៉ុន្មានសប្តាហ៍បន្ទាប់ នាពេលដ៏ខ្លីខាងមុខនេះ នៅឯប្រទេស Liberia ប្រទេស មួយក្នុងចំណោមប្រទេស ដទៃៗទៀត ដែលទទួលការវាយប្រហារ អាក្រក់បំផុត ពី វីរុស Ebola នេះបើ យោងតាមការគូសបញ្ជាក់អោយដឹង ពីអង្គការ សុខភាពពិភពលោក WHO ។</span></p>
<p><span style="color: #000000;"><a class="thickbox" title="" href="/FileManager/Commons/2014/10/22/7842001376889093-22-10-2014--10-38-28.jpg"><img src="/FileManager/Articles/mce/2014/10/22/7842001376889093-22-10-2014--10-38-28.jpg" alt="" /></a><br /></span></p>
<p><span style="color: #000000;">សេចក្តីថ្លែងការណ៍ នៅឯទីក្រុង Geneva លោកវេជ្ជបណ្ឌិត Dr Marie Paule Kienyសរបញ្ជាក់អោយដឹង ថាការងារមួយនេះ ត្រូវបានគេពន្លឿនតាមតែអាចធ្វើទៅបាន ដើម្បី ទទួលបានថ្នាំ ក៏ដូច ជា វ៉ាក់សាំង សម្រាប់ដើមខែ មករា ឆ្នាំ ២០១៥ ។ គួរបញ្ជាក់ ការផ្ទុះឡើងនូវជម្ងឺ អាសន្ន រោគ Ebola ដ៏កាចសាហាវ មួយនេះ ក្នុងរយៈពេល ប៉ុន្មានខែចុងក្រោយនេះ បានសម្លាប់ មនុស្ស ច្រើនជាង ៤,៥០០ នាក់ហើយ ដោយនៅក្នុងនោះ ជនរងគ្រោះ ភាគច្រើន មកពីប្រទេស Guinea, Liberia និង Sierra Leone ។</span></p>
<p><span style="color: #000000;">វេជ្ជបណ្ឌិត Kieny ជំនួយការ អគ្គនាយកចាត់ការទូទៅ អង្គការ សហប្រជាជាតិ ទទួលបន្ទុក ប្រព័ន្ធសុខា ភិបាលអោយដឹងថា ភាពសហការគ្នា ត្រូវតែមានជាចាំបាច់ ចំពោះ ប្រទេស ទាំង ៣ ដែលរៀបរាប់ខាង ដើម ជាប្រទេស រងគ្រោះខ្លាំងបំផុត ក្នុងការធានាអោយបានថា មានសុវត្ថិភាព ទាក់ ទិនទៅនឹង ប្លាស្មា និងការរៀបចំដ៏ត្រឹមត្រូវ ទៅតាមបទដ្ឋាន បច្ចេកទេស សម្រាប់ការព្យាបាល អ្នកជម្ងឺ ឆ្លងវីរុសទាំងនោះ </span></p>
<p><span style="color: #000000;"><a class="thickbox" title="" href="/FileManager/Commons/2014/10/22/10-22-10-2014--10-38-41.jpg"><img src="/FileManager/Articles/mce/2014/10/22/10-22-10-2014--10-38-41.jpg" alt="" /></a><br /></span></p>
<p><span style="color: #000000;">គួរបញ្ជាក់ ភាពជាដៃគូ សហការណ៍គ្នា ដែលមានសកម្មភាព លឿនជាង គេ បំផុតនោះគឺ មាននៅក្នុង ប្រទេស Liberia ជាទីកន្លែងតែមួយគត់ ដែលពួកយើងសង្ឃឹមថា ក្នុងប៉ុន្មានសប្តាហ៍បន្ទាប់នេះ នឹងមាន ការដាក់តម្លើងឡើង នូវសម្បទារូបវ័ន ក្នុងការប្រមូលឈាម រក្សាឈាម និងដំ ណើរការ ឈាម សម្រាប់ ការប្រើប្រាស់ ជាដើម ។ ដោយឡែក ពុំទាន់ជាក់ច្បាស់នៅឡើយទេ ពី កម្រិត នៃភាពជឿជាក់ ក្នុងការ ប្រើប្រាស់ និង ថាតើវាអាចបំពេញតម្រូវការបានឬក៏យ៉ាងណា ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/22/ebola-outbreak-camnews-22-10-2014--10-40-01.jpg"><img src="/FileManager/Articles/mce/2014/10/22/ebola-outbreak-camnews-22-10-2014--10-40-01.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ប៊ីប៊ីស៊ី</span></p>