<div class="summary">
<p>ផលិតនេះ នឹងត្រូវបានក្រុមហ៊ុនប្រព័ន្ធទូរស័ព្ទ Verizon ធ្វើការដាក់លក់នៅអាមេរិច នៅខែវិច្ឆិកា<br />ដោយបំពាក់នូវអេក្រង់ទំហំ 5 inch Full HD និងមានតំលៃលក់ ៥០០ ដុល្លារ (Version Unlock)។</p>
</div>
<div class="content">
<p>Nokia កំពុងតែរៀបចំគំរោងបង្ហាញនូវគំរូ Lumia 929 មួយសំរាប់ប្រព័ន្ធទូរស័ព្ទ Verizon (អាមេរិច)<br /> នៅចុងខែនេះ ហើយត្រូវនឹងធ្វើការដាក់លក់នៅក្នុងខែ វិច្ឆិកា ខាងមុខនេះ។ Lumia 929 មានចំនុច<br />គួរឲ្យចាប់អារម្មណ៍ជាច្រើនដូចនឹង Lumia 1520 សំរាប់ AT&T ដែលលេចចេញព័ត៌មាន ចចាម<br />អារាម កាលពីមុនផងដែរ។</p>
<p><a class="thickbox" title="" href="/FileManager/Commons/2013/10/1/lumia929-01-10-2013--21-04-44.jpg"><img src="/FileManager/Articles/mce/2013/10/1/lumia929-01-10-2013--21-04-44.jpg" alt="" /></a></p>
<p>ដូចទៅនឹង Lumia 1520, ស្មាតហ្វូន Lumia 929 បានបំពាក់នូវអេក្រង់ 1.080p, camera PureView<br /> 20 megapixel ជាមួយនឹង Feature Oversampling។ ចំនុចខុសគ្នានោះគឺ Lumia 1520 បំពាក់នូវ<br />អេក្រង់ទំហំដល់ 6 inch រីឯ Lumia 929 នឹងមានទំហំតែ 5 inch ប៉ុណ្ណោះ។</p>
<p>តាមប្រភពព័ត៌មានពីគណនី @evleaks ស្មាតហ្វូននេះ នឹងដាក់លក់ មាន ២ពណ៌សំរាប់ជ្រើសរើស<br />គឺពណ៌ខ្មៅ និងពណ៌ស (អាចជាពណ៌ក្រហម) ជាមួយតំលៃលក់ Version Unlock គឺ ៥០០ ដុល្លារ<br />ទាបជាងកំរិតតំលៃ ៦០០ ដុល្លារ របស់ Lumia 1520។</p>
<p><a class="thickbox" title="" href="/FileManager/Commons/2013/10/1/evleaks-6532-1380615454-01-10-2013--21-06-10.jpg"><img src="/FileManager/Articles/mce/2013/10/1/evleaks-6532-1380615454-01-10-2013--21-06-10.jpg" alt="" /></a></p>
<p>ក្រៅពី Lumia 929, @evleaks ក៏បានចែករំលែកព័ត៌មាន ស្តីពីគំរូ Windows Phone 8 តំលៃថោក<br />មានឈ្មោះកូដថា “Glee”។ តាមប្រភពដដែល ផលិតផលនេះមានឈ្មោះថា Lumia 525 គឺជាផលិត<br />ផលមួយ ក្នុងចំណោមផលិតផលថ្មីទាំង ៥ ដែល Nokia នឹងធ្វើការបង្ហាញខ្លួន នៅក្នុងព្រឹត្តិការណ៍<br />នៅឯ Abu Dhabi ថ្ងៃទី២២ ខែ តុលា ខាងមុខនេះ៕</p>
</div>
<p style="text-align: right;">ដោយ៖ សិលា<br />ប្រភព៖ zing</p>