<p>ស្រីស្អាតវ័យក្មេងម្នាក់ មកពីទីក្រុង Mianyang ខេត្ត Sichuan ភាគនិរតី ប្រទេសចិន បានធ្លាក់ចូលក្នុង ស្ថានភាពគួរឲ្យហួសចិត្តមួយ ដោយសារតែការធ្វេសប្រហែស ដើរបណ្តើរ ចុចផ្ញើសារនៅលើទូរស័ព្ទ បណ្តើរ។ ដោយសារភ្នែករវល់តែមើលទូរស័ព្ទ ដើម្បីផ្ញើសារទៅមិត្តភក្តិ នាងបានដើរផុងគម្របលូ ដែកប្រហោងៗ ជាប់ជើងដកមិនរួច។</p>
<p><a href="http://www.camnews.com.kh/News/Detail/29836/from-boy-become-famous-hot-girl-in-thailand"><span style="color: #3366ff;"><em>អាន៖ ពីក្មេងប្រុសខ្មៅស្រអែម ក្លាយទៅជា Hot Girl ដ៏ស្រស់ស្អាតល្បីឈ្មោះ នៅថៃ</em></span></a></p>
<p><a class="thickbox" title="" href="/FileManager/Commons/2015/6/20/202-20-06-2015--15-57-52.jpg"><img src="/FileManager/Articles/mce/2015/6/20/202-20-06-2015--15-57-52.jpg" alt="" /></a></p>
<p>បើទោះបីបានខិតខំគ្រប់វិធី ដើម្បីជួយស្រីស្អាតយីអ៊ុនដាក់ម្នាក់នោះ ប៉ុន្តែនៅតែមិនអាចជួយនាងបាន ទីបំផុតអ្នកដំណើរឆ្លងកាត់តាមផ្លូវនោះ ក៏បានទូរស័ព្ទហៅក្រុមអ្នកសង្គ្រោះ ដើម្បីជួយដល់រូបនាង។ បន្ទាប់ពីរង់ចាំអស់ពេល ៤៥នាទីមក សមាជិកក្រុមអ្នកជួយសង្រ្គោះក៏បានមកដល់កន្លែងកើតហេតុ ហើយបានធ្វើការកាត់របារដែកគម្របលូចេញ ដើម្បីជួយសង្រ្គោះនាង។ </p>
<p>លោក មីងឡាយ អ្នកនាំពាក្យក្រុមអ្នកជួយសង្រ្គោះ បានឲ្យដឹងថា "ពួកយើងខ្ញុំ បានធ្វើការកាត់របារ ដែកមួយចំនួនចេញ ដើម្បីជួយនារីម្នាក់នោះ។ បើទោះបីជាជើងរបស់នាង មានរបួសហើមជាំ និងស្ពឹក ប៉ុន្តែបន្តិចក្រោយមក នាងក៏បានធូរស្រាលយ៉ាឆាប់រហ័ស ដោយមិនចាំបាច់ត្រូវចូលមន្ទីរពេទ្យព្យាបាល នោះទេ"។</p>
<p><a href="http://www.camnews.com.kh/News/Detail/70589/neymar-get-red-card-in-the-match-brazil-lose-colombia"><span style="color: #3366ff;"><em>អាន៖ វីដេអូ Neymar ទទួលកាតក្រហម បន្ទាប់ពីទាត់បាល់បំបុកកីឡាករ កូឡុំប៊ី ដោយសារខឹងចាញ់</em></span></a></p>
<p><a class="thickbox" title="" href="/FileManager/Commons/2015/6/20/203-20-06-2015--15-58-08.jpg"><img src="/FileManager/Articles/mce/2015/6/20/203-20-06-2015--15-58-08.jpg" alt="" /></a></p>
<p>អ្នកដំណើរនៅកន្លែងកើតហេតុម្នាក់បានចែករំលែកឲ្យដឹងថា "នារីម្នាក់នោះ មានការខ្មាសគេយ៉ាងខ្លាំង ដល់ថ្នាក់អង្គុយឈ្ងោកមុខចុះរហូត។ ប្រហែលជានាងក៏មិនចង់ ឲ្យមានកើតមានហេតុការណ៍ដូច្នេះ នោះទេ"៕</p>
<p><a href="http://www.camnews.com.kh/News/Detail/84675/samsung-will-launch-galaxy-note-5-on-august"><span style="color: #3366ff;"><em>អាន៖ Samsung នឹងបង្ហាញណែនាំ Galaxy Note 5 មុនកាលកំណត់ ដើម្បីដណ្តើមទីផ្សារមុន iPhone 6S/ 6S Plus</em></span></a></p>
<p style="text-align: right;"> </p>
<p style="text-align: right;">ប្រែសម្រួល៖ ករុណា<br />ប្រភព៖ <em>Mirror, Kenh14</em></p>