<p><span style="color: #000000;"><strong>ភ្នំពេញ៖</strong> ផលិតកម្មថ្មីមួយ ទើបតែដុះពន្លក ក្នុងពិភពសិល្បៈ ផ្នែកថតខ្សែភាពយន្ត មានឈ្មោះថា Eye Love Film បានចាប់ផ្ដើមក្រុងពាលី ថតរឿងថ្មីដំបូងរបស់ខ្លួន ដើម្បីប្រកួតប្រជែង ក្នុងទីផ្សារ ភាពយន្ត និងក្នុងគោលបំណងលើកស្ទួយវិស័យភាពយន្តខ្មែរ ដែលមានចំណងជើងថា "កូនខ្ញុំ ចម្លែក" ដោយក្នុងពិធី មានការអញ្ជើញចូលរួមយ៉ាងច្រើន ពីសំណាក់តារាសម្ដែងល្បីៗ និងក្រុម ការងារ ក្នុងផលិតកម្មទាំងមូល។</span></p>
<p><span style="color: #000000;">ពិធីក្រុងពាលីកាលពីថ្ងៃទី១ ខែមិថុនា ឆ្នាំ២០១៤ នេះ បានប្រព្រឹត្តិទៅ នៅក្នុងមូលដ្ឋាន ភូមិក្រោល គោ ក្នុងសង្កាត់ គីឡូម៉ែត្រលេខ៦ ខណ្ឌឫស្សីកែវ ដើម្បីដំណើរការថតរឿងខ្នាតធំដំបូង ដាក់បញ្ចាំង តាមរោងភាពយន្តនានា ខណៈដែលផលិតកម្ម ក៏ទើបតែបង្កើតឡើងថ្មីដូចគ្នាដែរ។</span></p>
<p><span style="color: #000000;">លោក គល់ ដារ៉ាចាន់ដាំ ចាងហ្វាងផលិតកម្ម Eye Love Film បានមានប្រសាសន៍ ក្នុងពិធីក្រុងពាលី នោះថា នេះជារឿងទី១សម្រាប់ ផលិតកម្មរបស់លោក ក្នុងការចូលរួមថតភាពយន្ត ដើម្បីលើក ស្ទួយវិស័យភាពយន្ត ក្នុងប្រទេសកម្ពុជា ដែលលោកបានមើលឃើញថា កំពុងតែងើប ឡើងវិញជា បណ្ដើរ ជាពិសេសការផលិតរឿងខ្នាតធំ ដាក់បញ្ចាំងក្នុងរោងភាពយន្តនានា និងការរីកដុះដាល នូវ ផលិតកម្មថ្មីៗជាច្រើនទៀត ។</span></p>
<p><span style="color: #000000;">ចាងហ្វាងវ័យក្មេងរូបនេះ បានបន្តទៀតថា ថ្វីត្បិតតែភាពយន្តនេះ ជារឿងទី១សម្រាប់ ផលិតកម្ម របស់លោក ប៉ុន្តែលោករំពឹងយ៉ាងមុតមាំថា នឹងទទួលបានជោគជ័យ និងការគាំទ្រច្រើន ព្រោះតារា សម្ដែងក្នុងរឿងនេះ សុទ្ធតែជាតារាល្បីៗ មានបទពិសោធន៍ច្រើនឆ្នាំ ព្រមទាំងឧបករណ៍ថតទំនើបៗ សុទ្ធសឹងតែនាំចូលមក ពីក្រៅប្រទេស ថតជាប្រភេទ 3G ខ្នាតធំ និងបច្ចេកទេសថ្មី ដោយផ្ដោត សំខាន់លើគុណភាពជាចំបង ពិតជាមិនធ្វើឲ្យអ្នកទស្សនា ខកបំណងឡើយ។</span></p>
<p><span style="color: #000000;">ក្រោយពីថតចប់ ខ្សែភាពយន្ត "កូនខ្ញុំចម្លែក" នឹងត្រូវដាក់បញ្ចាំងតាមរោងភាពយន្តធំៗ ក្នុងរាជធានី ភ្នំពេញ នៅក្នុងអំឡុងពាក់កណ្ដាលខែសីហា ឆ្នាំ២០១៤ ខាងមុខនេះ ៕</span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/June/id-065/PISETH-025.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/June/id-065/PISETH-026.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/June/id-065/PISETH-027.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/June/id-065/PISETH-028.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/June/id-065/PISETH-029.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/June/id-065/PISETH-030.jpg" alt="" width="500" /></span></p>
<p><span style="color: #000000;"><img src="http://image.lookingtoday.com:81/lookingtoday/looking-images/news/2014/June/id-065/PISETH-031.jpg" alt="" width="500" /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធិ ៖ ដើមអំពិល</span></p>