<p><strong>ភ្នំពេញ៖</strong> ក្រុមតារាចម្រៀងស្រីដ៏ល្បី នៅក្នុងប្រទេសកូរ៉េខាងត្បូង RaNia នឹងមកបង្ហាញ<br />វត្តមានជួបអ្នកគាំទ្រ នៅក្នុងប្រទេសកម្ពុជា ជាលើកដំបូង ជាមួយនឹងការប្រគំតន្រ្តីដ៏ធំមួយ<br /> នៅក្នុងស្ថានីយទូរទស្សន៍បាយ័ន ដែលប្រព្រឹត្តទៅនៅវេលាម៉ោង ៧៖០០នាទី ថ្ងៃទី១៤ ខែ<br />កក្កដា ឆ្នាំ២០១៣ នៅលើឆាកតន្រ្តីបាយ័នស្ទឹងមានជ័យ។</p>
<p>អ្នកដឹកនាំកម្មវិធីសិល្បៈដ៏ល្បីឈ្មោះ ប្រចាំស្ថានីយទូរទស្សន៍បាយ័ន លោក គង់ វិសាល បាន<br />ថ្លែងប្រាប់មជ្ឈមណ្ឌលព័ត៌មានដើមអម្ពិល នាព្រឹកថ្ងៃទី៦ ខែកក្កដា ឆ្នាំ២០១៣ នេះថា ក្រុម<br />តារាចម្រៀងស្រី របស់ប្រទេសកូរ៉េ RaNia នឹងមកដល់អាកាសយានដ្ឋានអន្តរជាតិភ្នំពេញ <br />ប្រទេសកម្ពុជា នៅវេលាម៉ោង១១និង៥៥នាទី យប់ថ្ងៃទី១១ ខែកក្កដា ឆ្នាំ២០១៣ ខាងមុខ<br />នេះ ដោយមានអ្នកគាំទ្រជាច្រើន ចាំទទួលពួកគេដោយក្ដីរីករាយ។</p>
<p>លោក គង់ វិសាល បានបន្តឲ្យដឹងទៀតថា បន្ទាប់ពីបានមកដល់ប្រទេសកម្ពុជា ក្រុមអ្នក<br />គាំទ្រនឹងបានជួបក្រុម RaNia នៅឯសន្និសីទកាសែតមួយ ក្នុងសណ្ឋាគារ ណាហ្គាវើល <br />នៅថ្ងៃទី១៣ ខែកក្កដា ឆ្នាំ២០១៣នេះ។ ក្រោយមកក្រុមតារាចម្រៀងកូរ៉េ RaNia និងធ្វើ<br />ការប្រគំតន្រ្តីដ៏ធំអស្ចារ្យមួយ នៅយប់ថ្ងៃអាទិត្យ ទី១៤ ខែកក្កដា ឆ្នាំ២០១៣ ខាងមុខនេះ <br />នៅឯស្ទូឌីយោថ្មីរបស់ស្ថានីយទូរទស្សន៍បាយ័ន ស្ទឹងមានជ័យ ចាប់ពីម៉ោង៧ យប់តទៅ។</p>
<p>លោក គង់ វិសាល បានបញ្ជាក់ថា ការប្រគំតន្ត្រីដ៏ធំនេះ ត្រូវបាននាំមកជូន ដោយក្រុមហ៊ុន<br />រៀបចំកម្មវិធី "ViSal Talent Management" (VSTM) ដែលមានរូបលោកជាអ្នកដឹកនាំផ្ទាល់ <br />និងមានការសហការឧបត្ថម្ភពីក្រុមហ៊ុន Sabay Digital ផងដែរ ។</p>
<p>គួរបញ្ជាក់ថា ក្រុមតារាចម្រៀងស្រី ដ៏ល្បីនៅក្នុងប្រទេសកូរ៉េខាងត្បូង RaNia បានចាប់<br />ផ្ដើមល្បីឈ្មោះក្នុងប្រទេស ក៏ដូចជាទូទាំងពិភពលោក កាលពីអំឡុងឆ្នាំ២០១១ នៅពេល<br />ក្រុមតារាចម្រៀងមួយនេះ បានចេញអាល់ប៊ុមបទ "Dr. Feel Good" ដែលរហូតមកដល់<br />ពេលនេះ មានអ្នកចូលទស្សនាតាមប្រព័ន្ធ YouTube មានរហូតដល់ជាង២លាននាក់មក<br />ហើយ។ នេះជាលើកទី១ សម្រាប់ក្រុមតារាចម្រៀង RaNia ដែលបានមកជួបអ្នកគាំទ្រ<br />នៅក្នុងប្រទេសកម្ពុជា ខណៈក្រុមនេះធ្លាប់បានធ្វើការប្រគំតន្រ្តីជាច្រើន លើករួចមកហើយ <br />នៅតាមបណ្ដាប្រទេសនានា ក្នុងតំបន់អាស៊ី និងតំបន់អ៊ឺរ៉ុបផងដែរ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0211.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0208.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0209.jpg" alt="Looking Today" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/July/id-065/PISETH-0210.jpg" alt="Looking Today" width="500" /></p>
<p style="text-align: center;"><object width="500" height="400" data="http://www.youtube.com/v/gGN_W4VBZFo&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/gGN_W4VBZFo&rel=1" /></object></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>