<p><strong>ភ្នំពេញៈ</strong> តារាស្រីរាងតូច ច្រឡឹងចង្កេះអង្ក្រង កញ្ញា រតនៈ ពិសី បានបង្ហើបឲ្យដឹងថា ក្នុងមួយរយៈពេល ចុងក្រោយនេះ នាងមានការមមាញឹក ជាមួយការងារ សិល្បៈ ស្ទើរតែរក ពេលសម្រាកគ្មាន ។ ជាក់ស្ដែងសូម្បីតែ ថ្ងៃខួបកំណើត ក៏នាងត្រូវបង្ខំចិត្ត លើកពេល ព្រោះតែគ្មានពេល ទំនេររៀបចំកម្មវិធី ឲ្យបានត្រឹមត្រូវ ។</p>
<p>កញ្ញា រតនៈ ពិសីបានប្រាប់ LookingTODAY កាលពីពេលថ្មីៗនេះថា សម្រាប់ខួបកំណើត របស់នាងឆ្នាំនេះ ត្រូវលើកពេលទៅធ្វើក្នុងអំឡុង ខែមិថុនាជំនួសវិញ ដោយសារនាង មានការមមាញឹកហត់នឿយ ជាមួយការងារច្រើន គ្មានពេលក្នុងការរៀបចំពិធីធំដុំទេ ។ ដូច្នេះនាងត្រូវលើក ទៅធ្វើពេលក្រោយប្រហែលជា អាចមានពេលទំនេរ ឆ្លៀតពេល បានខ្លះ ។</p>
<p>តារាស្រីស្រស់ក្មេងរូបនេះ បានប្រាប់ឲ្យដឹងបន្ថែមទៀតថា "កាលដែលខ្ញុំលើកពេលនេះ គឺដោយសារខ្ញុំជាប់រវល់ការងារ សិល្បៈ មិនមែនដូចព័ត៌មាន ដែលលេចឮថា ខ្ញុំមិនធ្វើខួបកំណើត ដោយសារគ្មានអ្នកទំនុកបម្រុងទេ ។ សម្រាប់ខ្ញុំរៀងរាល់ឆ្នាំ ការរៀបចំពិធីខួបកំណើតនេះ ខ្ញុំធ្វើដោយខ្លួនឯង មិនចាំបាច់ទទួលយក ការឧបត្ថម្ភពីអ្នកណាឡើយ ។</p>
<p>ម្យ៉ាងទៀតការ រៀបចំពិធីនោះ ខ្ញុំក៏មិនដែលរៀបចំជាលក្ខណៈធំដុំ ចាយទុនរាប់ពានរាប់ម៉ឺនដុល្លារទេ គឺខ្ញុំធ្វើលក្ខណៈធម្មតាៗ រៀបចំកម្មវិធី ជួបជុំមិត្តភក្តិក្រុមគ្រួសារគ្មានអីធំដុំ នោះទេ "។</p>
<p>សម្រាប់ការលើកពេល ធ្វើខួបកំណើតគម្រប់២២ឆ្នាំ ត្រូវបានម្ចាស់សាម៉ីខ្លួន កញ្ញា រតនៈ ពិសី បង្ហើបឲ្យដឹងថា នាងពន្យារពេលដល់ខែមិថុនា ហើយនាង ក៏មិនទាន់អាច និយាយបាននៅឡើយទេ ថាពិធីនោះមានការរៀបចំធំដុំ កម្រិតណាទេ ពោលគឺគម្រោងនៅមិនទាន់ច្បាស់ ទាល់តែសោះ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-099/v_0642.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-099/v_0643.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-099/v_0644.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-099/v_0645.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-099/v_0646.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/March/id-099/v_0647.jpg" alt="" width="600" /></p>
<p style="text-align: right;"><a href="http://www.lookingtoday.com/index.php/entertainment-general-news/29040-2014-03-31-06-30-37.html" target="_blank">ផ្តល់សិទ្ធដោយ ៖ ដើមអម្ពិល</a></p>