<p>ព័ត៌មានអន្តរជាតិ ៖ បើយោងតាមប្រភពសារព័ត៌មានបរទេស ដេលីម៉ែល ដែលទើបតែបាន<br /> ចេញផ្សាយនូវអត្ថបទរបស់ខ្លួន កាលពីវេលាល្ងាចម្សិលមិញនេះ បានគូសបញ្ជាក់អោយដឹង<br /> ថា នៅប្រទេស ប៉ាពូញ៉ូហ្គានៀ ឯណោះវិញ កូនស្រីវ័យ ១៨ ឆ្នាំមួយរូប ត្រូវបានរកអោយ<br /> ឃើញថា បានអារ ក កាត់ផ្តាច់ក្បាលឪពុករបស់ខ្លួន បន្ទាប់ពីឪពុករូបនេះ បានចាប់រំលោភ<br /> នាងបានសម្រេចកាលពីយប់កន្លងទៅ។</p>
<p>យ៉ាងណាមិញ បើយោងតាមសម្តីលោក Pastor Lucas Kumi ដែលជាមេភូមិប្រចាំតំបន់<br />កើតហេតុមួយនេះ បានអះអាងអោយដឹងថា ក្រុមអ្នកភូមិបានមកប្រមូលផ្តុំគ្នា ដោយមិន<br />អនុញ្ញាតអោយក្រុមមន្រ្តីប៉ូលីស ធ្វើការចាប់ឃាត់ខ្លួនយុវតីស្រីរូបនោះ ទៅសាកសួរចម្លើយ<br />នោះទេ ដោយពួកគេបានអះអាងថា នាងធ្វើនេះពិតជាត្រូវ ព្រោះឪពុកចិត្តខ្មៅរូបនោះ គួរតែ<br />ស្លាប់បែបនេះ។</p>
<p><a class="thickbox" title="" href="/FileManager/Commons/2013/6/17/article-2342526-1a589ef4000005dc-596634x411-17-06-2013--09-12-17.jpg"><img src="/FileManager/Articles/mce/2013/6/17/article-2342526-1a589ef4000005dc-596634x411-17-06-2013--09-12-17.jpg" alt="" width="445" height="288" /></a></p>
<p>គួររំឭកផងដែរថា ខណៈពេលដែលក្រុមអ្នកភូមិ ក៏ដូចជា មេភូមិ លោក Pastor ផ្អើលទៅ<br />មើលសាកសពកំបុតក្បាលនោះ យុវតីស្រីដែលជាជនដៃដល់នោះ ក៏បានពន្យល់ប្រាប់ពួក<br />គេផងដែរថា មូលហេតុដែលបានបណ្តាលអោយនាង ហ៊ានធ្វើបែបនេះនោះ ក៏ព្រោះតែ<br />ឪពុកចិត្តខ្មៅ បានចាប់រំលោភនាងរហូតទាល់តែបានសម្រេច បើទោះជាមានការអង្វរករ <br />ក៏ដូចលន់តួសុំចិត្តយ៉ាងណាក៏ដោយ ។ ហើយគាត់អាចធ្វើបែបនេះបាន ស្របពេលដែល<br />ពួកគេនៅផ្ទះ តែពីរនាក់ ខណៈពេលដែលសមាជិកក្រុមគ្រួសារឯទៀត បានចាកឆ្ងាយ<br />ចេញពីផ្ទះទៅលេងផ្ទះបងប្អូន។</p>
<p>មិនត្រឹមតែប៉ុណ្ណោះ នាងក៏បានបន្ថែមថា ជាមួយនឹងអំពើស្មោគគ្រោក កាលពីរាត្រីឪពុកចិត្ត<br />ខ្មៅរូបនេះ នៅមិនទាន់អស់ចិត្តនោះទេ លុះមកដល់ព្រឹកឡើង គាត់ក៏បានចាប់រំលោភនាង<br />សាជាថ្មី ដោយទ្រាំនឹងអំពើអគតិមួយនេះមិនបាន កូនស្រីរូបនេះ ក៏បានស្ទុះយកកាំបិទ មក<br />អារ ក និងកាត់ផ្តាច់ក្បាលឪពុករបស់ខ្លួន ស្លាប់តែម្តង។</p>
<p><a class="thickbox" title="" href="/FileManager/Commons/2013/6/17/article-2342526-1a589ba5000005dc-348634x366-17-06-2013--09-15-38.jpg"><img src="/FileManager/Articles/mce/2013/6/17/article-2342526-1a589ba5000005dc-348634x366-17-06-2013--09-15-38.jpg" alt="" width="444" height="255" /></a></p>
<p>ដោយឡែក បន្ទាប់ពីបានកើតមានឡើងនូវករណីដ៏គួរអោយរន្ធត់ ក្នុងភូមិបុរាណមួយនេះ<br />ហើយនោះ ក្រុមអ្នកភូមិបានមកប្រមូលផ្តុំគ្នា ដោយធ្វើការការពារយុវតីស្រីវ័យ ១៨ ឆ្នាំនោះ<br /> នឹងមិនព្រមអនុញ្ញាត អោយក្រុមសមត្ថកិច្ចណាមួយ ចុះចាប់រូបនាងនោះទេ ដោយពួកគេ<br />បានយល់ស្របគ្នា និងបញ្ជាក់យ៉ាងច្បាស់ថា ក្មេងស្រីនេះត្រូវតែមានសិទិ្ធរស់នៅក្នុងភូមិ<br />នេះដដែល ក៏ព្រោះនាងធ្វើបែបនេះពិតជាត្រឹមត្រូវ ខណៈឪពុកចិត្តខ្មៅរបស់នាង គួរតែ<br />ស្លាប់បែបនេះទើបបានសមនឹងអំពើអគតិរបស់គាត់៕</p>
<p style="text-align: right;">ដោយ ៖ ពិសិដ្ឋ<br />ប្រភព ៖ ដេលីម៉ែល<span style="font-size: 1.2em;"><br /></span></p>