<p>សម្ភារៈឆ្លាតវៃ សម្រាប់ប្រើប្រាស់ក្នុងគ្រួសារ ដូចជាម៉ាស៊ីនអាំងនំ ដែលអាចបង្ហាញពីអារម្មណ៍<br />របស់ខ្លួន តាមរយៈ Twitter គឺមិនមែនជារឿងព្រេងបុរាណនោះទេ វាជាការពិសោធមួយ ដែល<br />មានពិត។<br /><br />អ្នករចនា Simone Rebaudengo បច្ចុប្បន្នធ្វើការឱ្យក្រុមហ៊ុន Frog នៅ Munich ប្រទេសអាល្លឺម៉ង់ <br />កំពុងផ្ដោតទៅលើការពិសោធ ទាក់ទិននឹងទំនាក់ទំនងរវាងឧបករណ៍ដែលត្រូវបានតភ្ជាប់ជាមួយ<br />គ្នា។<br /><br />កាលពីឆ្នាំទៅ គម្រោង “Addicted Products" ដែលអនុវត្តដោយក្រុមហ៊ុន Rebaudengo សហ<br />ការណ៍ជាមួយ Haque Design + Research នៅ London បានឧទ្ទេសនាមប្រព័ន្ធម៉ាស៊ីនអាំងនំប៉័ង<br /> ដែលចេះគិត។ ទោះជាកំពុងស្ថិតក្នុងដំណាក់កាលពិសោធ ប៉ុន្ដែ គម្រោងនេះ បានទទួលពានរង្វាន់<br />ធំបំផុត របស់ Interaction Awards 2014 (ពានរង្វាន់ស្ដីអំពីរចនាអន្ដរកម្ម ដែលប្រារព្ធឡើងដោយ<br />សមាគមរចនាអន្ដរកម្ម IxDA)។<br /> </p>
<p style="text-align: center;"><a class="thickbox" title="" href="/FileManager/Commons/2014/3/12/toaster1-12-03-2014--17-15-22.jpg"><img src="/FileManager/Articles/mce/2014/3/12/toaster1-12-03-2014--17-15-22.jpg" alt="" /></a></p>
<p style="text-align: center;"><em>ម៉ាស៊ីនអាំងនំប៉័ង អាចបញ្ចេញអារម្មណ៍បាន? (រូប ៖ discovery.com)</em></p>
<p><br />នៅក្នុងបណ្ដាពិសោធរបស់ខ្លួន Rebaudengo បានសរសេរកម្មវិធីសម្រាប់ជួយឱ្យ បណ្ដាម៉ាស៊ីន<br />អាំងនំ អាចបញ្ចេញអារម្មណ៍របស់ខ្លួន តាមរយៈទំព័រ Twitter ។ គេអាចនិយាយបានថា ម៉ាស៊ីន<br />ទាំងនេះ មានអារម្មណ៍ដូចទៅនឹងការញៀននឹងការអាំងនំ ៖ មានអារម្មណ៍សប្បាយចិត្ត នៅពេល<br />មាននំដើម្បីអាំង ខឹងខ្លាំង នៅពេលឃើញម៉ាស៊ីនអាំងដទៃ បានអាំងនំច្រើនជាងខ្លួន ព្រមទាំង<br />អាចស្នើទៅកាន់ទូរទឹកកក ដើម្បីរំឭកដល់មនុស្ស ឱ្យទិញនំប៉័ងច្រើនបន្ថែមទៀត។ ម៉ាស៊ីនអាំងនំ<br />ដែលមានការខកចិត្ត អស់សង្ឃឹម ថែមទាំងអាចសម្រេចចិត្តធ្វើអត្ដឃាត។</p>
<p>Adele Peters បានឱ្យដឹងនៅលើទំព័រ FastCo.Exist ថា ៖ “បើទោះជា មនុស្សមួយចំនួនធំ មិនចង់<br />ប្រើប្រាស់ឧបករណ៍ទាំងនេះ ប៉ុន្ដែ វាអាចត្រូវបានតភ្ជាប់ជាមួយសម្ភារៈប្រើប្រាស់ដទៃ នៅក្នុងផ្ទះ <br />ដើម្បីបង្កើតជាប្រព័ន្ធមួយ ដោយងាយស្រួល”។<br /><br />គំនិតនេះ អាចជួយឱ្យអ្នកប្រើប្រាស់ សន្សំសំចៃបានច្រើន ក្នុងការប្រើប្រាស់សម្ភារៈទាំងនេះ ប្រចាំ<br />ថ្ងៃ។ សម្ភារៈមួយ អាចរាយការណ៍ដោយស្វ័យប្រវត្តថា ជាយូរមកហើយ វាមិនត្រូវបានប្រើប្រាស់ <br />ដូច្នេះ យើងអាចសំចៃថាមពល ក៏ដូចជាប្រាក់ចំណាយ ដោយការប្រើប្រាស់ឡើងវិញ ឬលក់ចេញ <br />ប្រសើរជាងរក្សាវាទុក ដោយឥតប្រយោជន៍៕</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ Discovery/KH<br /><br /></p>