<div class="article-content">
<p><strong>ភ្នំពេញ ៖</strong> កម្លាំងនគរបាលព្រហ្មទណ្ឌ ខណ្ឌដូនពេញ ដឹកនាំបញ្ជាផ្ទាល់ ពីសំណាក់ លោកអធិការ<br /> ហ៊ុន សុធី ដោយអនុវត្ដតាមដីកាបញ្ជា ឱ្យចាប់ខ្លួន របស់តុលាការបានឃាត់ខ្លួនជន សង្ស័យម្នាក់ <br />នៅមជ្ឈមណ្ឌលកំសាន្ដកោះ ពេជ្រ កាលពីយប់រំលងអាធ្រាត្រឈានចូល ថ្ងៃទី១៩ ខែតុលា ឆ្នាំ<br />២០១៣ ដោយជាប់ ពាក់ព័ន្ធនឹងសកម្មភាពបាញ់ប្លន់ យកស្បោង លុយ និងទូរស័ព្ទពីនារី ២នាក់ <br />កាលពីជាង ១០ថ្ងៃមុន ។</p>
<p>មន្ដ្រីនគរបាលព្រហ្មទណ្ឌ ខណ្ឌដូនពេញ បានឱ្យដឹងថា ជនសង្ស័យដែលត្រូវចាប់ខ្លួន ខាងលើនេះ<br /> ឈ្មោះ សោម រស្មីអារុណ ហៅ ទុន ភេទប្រុស អាយុ ២៤ឆ្នាំ ស្នាក់នៅផ្ទះ លេខ ២១៣ អឺសូន្យ ផ្លូវ<br />លេខ ១៩ សង្កាត់ ជ័យជំនះ ខណ្ឌដូនពេញ ហើយពេលឃាត់ ខ្លួននេះ សមត្ថកិច្ចបានដក ហូតម៉ូតូ<br />១ គ្រឿង ម៉ាកសេ ១២៥ ស៊េរី ២០១៤ គ្មានស្លាក លេខ ។</p>
<p>បើតាមមន្ដ្រី នគរបាលព្រហ្មទណ្ឌការ ឈានទៅដល់ចាប់ខ្លួនជនសង្ស័យរូបនេះ បានកើតឡើង<br /> ដោយសារតែជនសង្ស័យ បានធ្វើសកម្មភាព បាញ់គំរាម មួយគ្រាប់ ប្លន់យកលុយ ៤០០ដុល្លារ <br />ទូរស័ព្ទដៃ អាយ ហ្វូន៥ ពីរគ្រឿង និងលុយម៉ាឡេស៊ី ៣០០ រីងហ្គីត ពីនារី ២នាក់ ពេលកំពុង <br />ជជែកគ្នា រង់ចាំមិត្ដភ័ក្ដិ កាលពីវេលាម៉ោង ៩ និង ៣០នាទីយប់ ថ្ងៃទី២៩ ខែកញ្ញា ឆ្នាំ២០១៣ នៅ<br />ចំណុចមុខផ្ទះលេខ ១០០អឺសូន្យ ផ្លូវ លេខ ១៣៦ សង្កាត់ផ្សារកណ្ដាលទី២ ខណ្ឌ ដូនពេញ ។</p>
<p>ជនរងគ្រោះដែលត្រូវជនសង្ស័យធ្វើ សកម្មភាពភ្ជង់ប្លន់នេះ ឈ្មោះ មុំ ឃែ អាយុ ២០ឆ្នាំ ស្នាក់នៅ<br />សង្កាត់ស្រះចក ខណ្ឌដូន ពេញ ។ បច្ចុប្បន្នជនសង្ស័យរូបនេះត្រូវបាន ឃុំខ្លួនជាបណ្ដោះអាសន្ន <br />នៅអធិការដ្ឋាន នគរបាលខណ្ឌដូនពេញ ដើម្បីកសាងសំណុំ រឿង បញ្ជូនទៅតុលាការ ៕</p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0434.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/October/id-067/CH-0435.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>