<p>មិនត្រឹមតែអាចបង្ហាញភាពកំប្លែងប៉ុណ្ណោះទេ តែ មនុស្សយន្ដដែលទើបត្រូវបានឧទ្ទេសនាម<br /> នៅជប៉ុន ក៏អាចដឹងបានថា ពេលណា សម្ដីកំប្លែងរបស់ខ្លួន ធ្វើឱ្យគេមិនអាចយល់បាន។</p>
<p style="text-align: center;"><a class="thickbox" title="" href="/FileManager/Commons/2014/5/27/robot-emiew2-27-05-2014--15-47-16.jpg"><img src="/FileManager/Articles/mce/2014/5/27/robot-emiew2-27-05-2014--15-47-16.jpg" alt="" /></a></p>
<p>មនុស្សយន្ដ Robot EMIEW2 មានកម្ពស់ ៨០ស.ម អាចជជែកគ្នាលេង ជាមួយមនុស្ស ដោយ<br />មិនចាំបាច់សរសេរពាក្យសន្ទនាជាមុន។ មនុស្សយន្ដដែលមានពណ៌ក្រហម និងស នេះ នឹង<br />ជ្រើសរើសពាក្យគន្លឹះទាំងឡាយ ក្នុងឃ្លានិមួយៗ ដើម្បីរកនឹកចម្លើយ សម្រាប់សំនួរដែលបាន<br />សួរ ហើយបញ្ជាក់នូវសំនួរឡើងវិញ មុននឹងឆ្លើយតប។</p>
<p>ក្រុមវិស្វករនៃក្រុមហ៊ុនបច្ចេកវិទ្យា Hitachi បានបង្កើតកម្មវិធីសម្រាប់មនុស្សយន្ដ ជួយឱ្យវា<br />អាចយល់អំពីការប្រតិកម្មតបរបស់មនុស្ស រួមទាំងកាយវិការមិនមានសម្លេង ដូចជាងក់ក្បាល<br />ជាដើម។ តាមរយៈនេះ មនុស្សយន្ដនឹងអាចកំណត់បានថា តើមនុស្សដែលកំពុងសន្ទនាជា<br />មួយវា អាចយល់នូវការនិយាយកំប្លែងរបស់វាដែរ ឬអត់។</p>
<p style="text-align: center;"><a class="thickbox" title="" href="/FileManager/Commons/2014/5/27/robot-emiew2a-27-05-2014--15-47-54.jpg"><img src="/FileManager/Articles/mce/2014/5/27/robot-emiew2a-27-05-2014--15-47-54.jpg" alt="" /></a></p>
<p>ឧទាហរណ៍ នៅពេលត្រូវបានគេសួរថា ៖ “មានមនុស្សប៉ុន្មាននាក់ កំពុងធ្វើការនៅក្នុងរោងចក្រ<br /> Hitachi ?” មនុស្សយន្ដឆ្លើយថា “យើង មានទេពអប្សរចំនួន ២អង្គ” ។ ប្រសិនអ្នកដែលកំពុង<br />សន្ទនា បង្ហាញកាយវិការឆ្ងល់ ឬសង្ស័យ មនុស្សយន្ដនេះ នឹងនិយាយថា “នេះ គ្រាន់តែនិយាយ<br />លេងទេ” ហើយវា ក៏ឆ្លើយនូវចម្លើយត្រឹមត្រូវ ដោយយោងតាមទិន្នន័យដែលមានស្រាប់។</p>
<p>វិស្វករ Hisashi Ikeda ថ្លែងថា បច្ចេកវិទ្យាថ្មីនេះ នឹងបើកផ្លូវ ឱ្យមានមនុស្សយន្ដ ដែលអាចយល់<br />អំពីភាសារបស់មនុស្ស ក្នុងនោះ រួមទាំងកាយវិការ និងទឹកមុខផងដែរ។ តាមគម្រោង Hitachi <br />នឹងផលិតមនុស្សយន្ដនេះ ទៅតាមរូបរាងផ្សេងៗ ដូចជា សត្វចិញ្ចឹម ឬបុគ្គលិកទទួលភ្ញៀវជាដើម ដើម្បីឆ្លើយតបទៅនឹងតម្រូវការប្រើប្រាស់។</p>
<p><object width="492" height="422" data="http://www.youtube.com/v/i7WoBJmBwGY&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/i7WoBJmBwGY&rel=1" /></object></p>
<p><object width="492" height="422" data="http://www.youtube.com/v/7s-THEQ-tOo&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/7s-THEQ-tOo&rel=1" /></object></p>
<p> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ nydailynews/youtube</p>