<div class="article-content">
<p><strong>កំពង់ចាមៈ</strong>ស្ត្រីម្នាក់ ត្រូវបានគេ ប្រទះឃើញ ស្លាប់នៅក្បែរ ព្រៃឬស្សី ក្រោយវត្តម៉ីនង់ កាល<br />ពីវេលាម៉ោង១០ ព្រឹកថ្ងៃទី២១ ខែមីនា ឆ្នាំ២០១៣ ស្ថិតក្នុងភូមិម៉ីនង់ ឃុំកោះពីរ ស្រុកក្រូចឆ្មារ <br />ខេត្តកំពង់ចាម ។ សពស្ត្រីរងគ្រោះគេឃើញមានស្នាមកាប់ ជិតដាច់ ក និងស្នាមកាប់២កន្លែង<br /> ផ្សេងទៀត ដេកស្លាប់ក្នុងថ្លុកឈាមតែម្តង។</p>
<p>វរសេនីយ៍ត្រី សាំ ហេង អធិការនគរបាល ស្រុកក្រូចឆ្មារ បានប្រាប់ឲ្យដឹងថា សពស្ត្រីរងគ្រោះ<br /> មានឈ្មោះស្រ៊ាង សាង អាយុ ២៣ឆ្នាំ ស្នាក់នៅភូមិ ជួរកណ្តាល ឃុំកោះពីរ ស្រុកក្រូចឆ្មារ ។ <br />លោក អធិការបានបញ្ជាក់ថា ស្រ្តីរងគ្រោះ ជានារីមានចរិតមិនប្រក្រតីទេ ហើយនៅក្នុងភូមិឲ្យ<br />តែមានពីធីបុណ្យ ឬពិធីមង្គលការ គេតែងតែឃើញ នារីនោះទៅចូលរួម ហូបចុក រាំលេង ដោយ<br />មិនបាច់អញ្ជើញ ។</p>
<p>លោក អធិការបានឲ្យដឹងទៀតថា តាមការពិនិត្យសាកសព សមត្ថកិច្ច បានសន្និដ្ឋានថា សពស្ត្រី<br />រងគ្រោះអាចឃាតក សម្លាប់ ក្នុងចន្លោះម៉ោង១០ទៅម៉ោង១១ យប់ថ្ងៃទី២០ ខែមីនា ។ លោក <br />អធិការបន្តថា ក្នុងយប់កើតហេតុ នៅចម្ងាយពីកន្លែង សពស្ត្រី នោះ ប្រហែល៦០ម៉ែត្រ មានពិធី<br />ចាក់ធុងបាស់រាំកម្សាន្ត ហើយយប់នោះ គេបានឃើញស្ត្រីរងគ្រោះ នៅរាំលេង ទីនោះដែរ លុះ<br />រហូតដល់វេលាម៉ោង១០យប់ ទើបឈប់រាំដូច្នេះ ពេលបែកគ្នាត្រឡប់ទៅផ្ទះវិញនោះ អាចឃាត<br /> ក ធ្វើសកម្មភាព នៅចន្លោះម៉ោង១០ទៅម៉ោង១១យប់នោះតែម្តង ។ ចំណែកសពស្ត្រីរងគ្រោះ <br />ឃើញមានស្លាកស្នាមគេកាប់ចំ ៣កន្លែង គឺត្រង់ ក កាប់ជិតដាច់ ជាប់តែស្បែកបន្តិចប៉ុណ្ណោះ <br />មួយកន្លែងទៀត ត្រូវចង្កេះផ្នែកខាងស្តាំ និង១កន្លែងទៀត ត្រូវត្រកៀក ។</p>
<p>លោក អធិការបានឲ្យដឹង ករណីឃាតកម្មនោះ អាចជារឿងគំនុំ ហើយបច្ចុប្បន្ន សមត្ថកិច្ចកំពុងធ្វើ<br />ការស្រាវជ្រាវ ដើម្បីតាមចាប់ ជនដៃ ដល់យកមកផ្តន្ទាទោសទៅតាមផ្លូវច្បាប់៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-011/Hong-0334.jpg" alt="Photo by DAP-NEWS" width="400" /></p>
<p style="text-align: center;"><img title="" src="http://111.92.240.170:81/dap-news/dap-images/2013/March/id-011/Hong-0335.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>