<div class="article-content">
<p>ទូរស័ព្ទស៊ីមពីរថ្មី Nokia 301 ដែលសក្តិសមឥតខ្ចោះទាំងប៊ូតុងចុច ទាំងការរចនារូបរាង <br />ត្រូវបាន ក្រុមហ៊ុន Nokia ប្រចាំនៅកម្ពុជា ប្រកាសចេញលក់ នៅប្រទេសកម្ពុជាហើយ ។<br /> ក្រៅពីរូបរាងស្រស់ ស្អាត មានពណ៌ឆើតឆាយ Nokia 301 មានមុខងារពិសេសដ៏ច្រើន<br /> ដោយរាប់បញ្ចូលទាំងមុខងារ កាមេរ៉ា អ៊ិនធឺណិត និងបណ្តាញសង្គមផង ។</p>
<p><strong>កាមេរ៉ាមានកម្មវិធីច្រើន</strong><br />Nokia 301 មានកាមេរ៉ា 3.2 MP និងកម្មវិធីមួយចំនួនទៀតដូចជា <strong>(១) Self Timer ៖</strong> <br />សម្រាប់បញ្ជាថត រូបជុំគ្នាជាមួយអ្នកដទៃ ដោយស្វ័យប្រវត្តិដោយការកំណត់វិនាទី,<br /> <strong>(២) Self Portrait ៖</strong> សម្រាប់បញ្ជាថត រូបមុខខ្លួនឯង។ កម្មវិធីនេះ នេះណែនាំម្ចាស់<br />មុខឲ្យងាកទៅ ឆ្វេងឬទៅស្តាំដើម្បីថតឲ្យ បានរូបភាពស្ថិត នៅចំប្លង់កណ្តាលនៃកាមេរ៉ា,<br /> <strong>(៣) Panorama ៖</strong> សម្រាប់ថតរូបដែលមានបណ្តោយ លាតសន្ធឹងវែងឆ្ងាយ,<br /> <strong>(៤) Sequential shot ៖</strong> សម្រាប់ថតច្រើនប៉ុស្តិ៍ក្នុងពេលតែមួយដែលផ្តល់លទ្ធភាព<br />ឲ្យយើងជ្រើស រើសរូបដែលស្អាតជាងគេ ។ រូបភាពអាចដាក់បញ្ចូល ទៅក្នុងបណ្តាញ<br />សង្គម ឬ ផ្ញើទៅកាន់ទូរស័ព្ទដទៃ ដោយប្រើប្រាស់មុខងារ Slam ។</p>
<p><strong>អ៊ិនធឺណិត និងកម្មវិធីបណ្តាញសង្គម</strong><br />Nokia 301 ទ្រទ្រង់អ៊ិនធឺណិត 3.5G និងមាន Nokia Xpress Browser ដែលបង្រួម<br />ទំហំទិន្នន័យដល់ ទៅ 90% ធ្វើឲ្យអ៊ិនធឺណិតដើរលឿង និងចំណាយតិច ។ អ្នកប្រើប្រាស់<br /> អាចមើលវីដេអូនៅក្នុង YouTube, អាចទាញយកវីដេអូពីកម្មវិធី Vuclip ហើយអាចមើល<br />វីដេអូបាន ទោះជាដាក់ទូរស័ព្ទផ្តេក ឬ បញ្ឈរ ក៏ដោយ ។</p>
<p>កម្មវិធីបណ្តាញសង្គមល្បីៗដូចជា Facebook, eBuddy, WhatsApp និង Twitter ត្រូវបាន<br />ដាក់បញ្ចូល នៅលើអេក្រង់រួចជាស្រេចនៅក្នុង Nokia 301 ។ ក្រៅពីនេះទូរស័ព្ទ Nokia 301<br /> ក៏មានកម្មវិធី Mail for Exchange (Light version) ភ្ជាប់មកជាមួយស្រាប់ទៀតផង។ Nokia 301<br /> ដាក់លក់នៅលើទីផ្សារ ក្នុងតម្លៃប្រហាក់ប្រហែល ៨៣ ដុល្លារសហរដ្ឋអាមេរិក៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-065/PISETH-0415.jpg" alt="Looking Today" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>