<p><span style="color: #000000;"><strong>ភ្នំពេញ៖</strong> តារាចម្រៀងល្បីឈ្មោះ ប្រចាំផលិតកម្ម សាន់ដេ កញ្ញា សុខ ពិសី ថ្មីៗនេះបានបញ្ចេញ ប្រតិកម្មខ្លាំងៗឆ្លើយតបនឹងបណ្តាញសាព័ត៌មាន ក្នុងស្រុកមួយចំនួន ដែលបានចុះផ្សាយព័ត៌មាន អំពីរឿងរ៉ាវជីវិតស្នេហាឯកជន ខាងក្រៅ របស់នាង ដោយពុំមែនជាការពិត ដោយបានសរសេរចោទ ប្រកាន់ថា នាងទទួលបានប្រាប់ឧបត្ថម្ភជាច្រើនម៉ឺនដុល្លារ ពីលោកឧញ៉ាម្នាក់ ដើម្បីបើកជំនួញរកស៊ី។</span></p>
<p><span style="color: #000000;">ប្រតិកម្មឆ្លើយតប នឹងការចុះផ្សាយ ពីសំណាក់ព័ត៌មាន ក្នុងស្រុកខាងលើ តារាចម្រៀងសាច់សខ្ចី កញ្ញា សុខ ពិសី បានសរសេរបង្ហោះសារ នៅបណ្ដាញសង្គមហ្វេសប៊ុក ផ្ទាល់ខ្លួនថា «បើមិនបានសម្ភាសន៍ នាងខ្ញុំផ្ទាល់ទេ សូមមេត្តាកុំចេះតែផ្សាយតាមតែ អំពើចិត្តពេក ប្អូនគេប្អូនឯង បើអ្នកមានបងប្អូន ជាស្រី លោកអ្នកមិនចុះផ្សាយ បែបនេះទេ មែនទេ? សូមកុំយកកិត្តិយសនាងខ្ញុំ ធ្វើជាអាជីវកម្ម របស់អស់លោកអី ។ លេខទូរស័ព្ទខ្ញុំក៏បានប្តូរដូច អស់លោកចុះផ្សាយដែរ អត់ស្គាល់លេខខ្ញុំសោះ មកថាខ្ញុំ ប្តូរលេខទៅវិញ កិត្តិយស មនុស្សស្រី គឺសំខាន់ណាស់...» ។</span></p>
<p><span style="color: #000000;">កញ្ញា សុខ ពិសី បានលើកឡើងទៀតថា «សូមបងសារព័ត៌មាន ពិចារណាផង មុនចុះផ្សាយមិនពិត ចុះផ្សាយ តែអ្នកនេះ អ្នកនោះ កាដូលុយឲ្យនាងខ្ញុំ ម៉េចបានច្បាស់ម្ល៉េះ? ជួយប្រាប់ឈ្មោះម្នាក់ ប្រុសឧកញ៉ាហ្នឹងតិចមក តើគាត់ឈ្មោះអី? ព្រោះតែមើលទៅ ចុះផ្សាយអត្ថបទហ្នឹង ដូចស្គាល់លោកឧកញ៉ា ដែលឲ្យកាដូលុយឲ្យនាងខ្ញុំច្បាស់ខ្លាំងណាស់ ទើបអត់សម្ភាសន៍ខ្ញុំ សូម្បីតែមួយម៉ាត់ ឯណាកាដូម៉េចបាន ខ្ញុំអត់ឃើញ? គេផ្ញើរទុកនៅបងមែន? បើឈប់បានគួរតែឈប់ទៅ ហត់ណាស់..»។</span></p>
<p><span style="color: #000000;">គួររំឭកថា កាលពីថ្មីៗកន្លងមកនេះ ព័ត៌មានក្នុងស្រុកមួយចំនួន បានសរសេរចុះផ្សាយថា តារាចម្រៀង កញ្ញា សុខ ពិសី បច្ចុប្បន្នកំពុងបង្កាត់ភ្លើងស្នេហ៍ ជាមួយកូនប្រុសលោកឧកញ៉ា ជំនួញប្រេងក្នុងស្រុកម្នាក់។ មិនតែប៉ុណ្ណោះព័ត៌មាន ខាងលើក៏បាន សរសេរទៀតថា សុខ ពិសី បានត្រៀមខ្លួនជាស្រេច ដើម្បីបើកមុខជំនួញថ្មី ដែលត្រូវចំណាយទុន មិនក្រោម៥០ ម៉ឺនដុល្លាទេ ដែលប្រភពនៃដើមទុននេះ គឺបានមកពីអ្នកកំលោះ គូស្នេហ៍កូនប្រុស លោកឧកញ៉ាជំនួញប្រេងនោះ។</span></p>
<p><span style="color: #000000;">ប៉ុន្តែយ៉ាងណាមិញ បន្ទាប់ពីមានការចុះផ្សាយព័ត៌មាននេះ មិនទាន់បានប៉ុន្មានម៉ោងផង គេក៏ឃើញមានប្រតិកម្មឆ្លើយតប វាយបកពីសំណាក់ តារាចម្រៀងសាច់ខ្ចី កញ្ញា សុខ ពិសី ភ្លាមៗផងដែរដោយនាង ចាត់ទុកព័ត៌មាននេះថា ជាការ សរសេរបំផ្លើស ផ្ទុយពីការពិតទាំងស្រុង៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/8/50-08-07-2015--11-37-04.jpg"><img src="/FileManager/Articles/mce/2015/7/8/50-08-07-2015--11-37-04.jpg" alt="" /></a></span></p>
<p><a class="thickbox" title="" href="/FileManager/Commons/2015/7/8/52-08-07-2015--11-37-33.jpg"><img src="/FileManager/Articles/mce/2015/7/8/52-08-07-2015--11-37-33.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/7/8/50-08-07-2015--11-37-04.jpg"></a></span></p>
<p><a class="thickbox" title="" href="/FileManager/Commons/2015/7/8/51-08-07-2015--11-37-41.jpg"><img src="/FileManager/Articles/mce/2015/7/8/51-08-07-2015--11-37-41.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>