<p><span style="color: #000000;"><strong>(អាមេរិក)៖</strong> ខណៈដែលមនុស្សជាច្រើនកំពុងប្រារព្ធពិធីចូលឆ្នាំសកល២០១៧ ម្សិលមិញនេះ យើងងាកមកមើល តារាហូលីវូតដ៏ល្បី ដែលកំពុងមានក្តីក្តាំជាមួយស្វាមីឯណេះវិញគឺ Angelina Jolie កំពុងតែនាំកូនៗទៅណា។</span></p>
<p><span style="color: #000000;">កំឡុងថ្ងៃដែលគេអបអរពិធីចូលឆ្នាំថ្មីម្សិលមិញ Angelina បាននាំកូនទាំង៦ ទៅកន្លែងមួយក្នុងរដ្ឋ Colorado ដើម្បីឆ្លងឆ្នាំចាស់ដែលនាងបានមកដល់ Mile High state តាំងពីមុនគ្រីស្តម៉ាសម្ល៉េះហើយនាងក៏បាននាំកូនៗ ដើរផ្សារទិញរបស់ក្មេងលេង បំពេញចិត្តកូនផងដែរ។</span></p>
<p><span style="color: #000000;">អ្វីដែលមហាជនចាប់អារម្មណ៍នោះមិនមែនគ្រាន់តែរឿងនេះទេគឺពួកគេចង់ឃើញថា Brad Pitt ដែលជាឪពុកកូនៗរបស់ Angelina អាចចំណាយពេលនៅជាមួយពួកគេដែរទេតែវាជារឿងដែលកម្រនឹង ទៅរួចណាស់ព្រោះតារាស្រីម្នាក់នេះមិនអនុញ្ញាតឲ្យអតីតស្វាមីជួបជាមួយកូនៗឡើយតាំងពីពួកគេបែកគ្នាមក។</span></p>
<p><span style="color: #000000;">អ្នកគាំទ្រទាំងឡាយរបស់តារាប្រុសស្រីទាំងពីរដួង ពិតជាចង់ឃើញគ្រួសារមួយនេះ អាចសម្រួលគ្នាវិញបាននៅឆ្នាំ២០១៧នេះ ដើម្បីបំពេញបំណងកូនៗដែលចង់ឲ្យឪពុកម្តាយ រួមតុអាហារជាមួយគ្នាម្តងទៀត ប៉ុន្តែមើលទៅហាក់ដូចជារាងឆ្ងាយដែរព្រោះ Angelina នៅតែតតាំងខ្លាំងចំពោះរឿងសុំសិទ្ធិគ្រប់គ្រងកូនទាំងអស់ហើយ ចង់ធ្វើយ៉ាងណា ដាក់បន្ទុកលើ Brad Pitt ឲ្យមានកំហុសចៀសវាងបាន សិទ្ធិមើលថែកូនទៀតផង៕</span></p>
<p><a class="thickbox" title="" href="/FileManager/Commons/2017/1/2/60-02-01-2017--09-47-16.jpg"><img src="/FileManager/Articles/mce/2017/1/2/60-02-01-2017--09-47-16.jpg" alt="" /></a></p>
<p><span style="color: #000000;"><img class="irc_mi i5V_Ujo25tdI-pQOPx8XEepE" src="http://cdn.inquisitr.com/wp-content/uploads/2016/06/brad-pitt-angelina-jolie-money-fights.jpg" alt="Image result for Brad Pitt" width="741" height="403" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>