<p><span style="color: #000000;"><strong>(នេប៉ាល់)៖</strong> យ៉ាងហោចណាស់មនុស្សចំនួន៣៣នាក់ ត្រូវបានសម្លាប់ នៅថ្ងៃចន្ទនេះ គ្រាដែលរថយន្តក្រុងដឹកអ្នកដំណើរ១គ្រឿង បានធ្លាក់ពីលើផ្លូវ ហើយបានបន្តធ្លាក់ចុះពីលើភ្នំមួយ នៅក្នុងស្រុក Kavrepalanchok ប្រទេសនេប៉ាល់។ នេះបើតាមការឲ្យដឹងពីក្រុមអាជ្ញាធរក្នុងតំបន់ ចុះផ្សាយដោយសារព័ត៌មានស៊ិនហួ នៅយប់ថ្ងៃទី១៥ ខែសីហា ឆ្នាំ២០១៦នេះ។</span></p>
<p><span style="color: #000000;">លោក Bhim Kanta Sharma អនុប្រធានការិល័យមន្រ្តីស្រុក បានឲ្យដឹងថា មានក្រុមអ្នកធ្វើដំណើរ ៣៥នាក់ទៀត បានទទួលរងរបួស ហើយកំពុងត្រូវបានបញ្ជូនតាមឧទ្ធម្ភាគចក្រ ទៅកាន់រដ្ឋធានី Kathmandu ដើម្បីទទួលការព្យាបាល ដែលមានចម្ងាយប្រមាណ៧០គីឡូម៉ែត្រ ពីកន្លែងកើតហេតុ។</span></p>
<p><span style="color: #000000;">លោកបញ្ជាក់ថា ចំនួននៃអ្នកស្លាប់ អាចនឹងមានការកើនឡើង។ «សាកសពបាននៅរ៉ាយប៉ាយលើភ្នំ បណ្តាលឲ្យក្រុមមន្ត្រីសន្តិសុខ មានការលំបាកក្នុងការប្រមូលសាកសព និងជួយសង្គ្រោះជនរងគ្រោះ» នេះបើតាមសម្តីលោក Sharma។</span></p>
<p><span style="color: #000000;">មូលហេតុដែលបណ្តាលឲ្យកើតមានគ្រោះថ្នាក់នេះ មិនទាន់ត្រូវបានបញ្ជាក់នៅឡើយនោះទេ។ រថយន្តក្រុងនេះ បានធ្លាក់ប្រមាណជាង៣០០ម៉ែត្រ ចុះពីលើភ្នំ៕</span></p>
<p><span style="color: #000000;"><img src="http://cnnwire.images.worldnow.com/images/11354605_G.jpg" alt="" width="730" /></span></p>
<p><span style="color: #000000;"><img src="http://i2.cdn.turner.com/cnnnext/dam/assets/160815134828-01-nepal-bus-crash-0815-exlarge-169.jpg" alt="" width="730" /></span></p>
<p><span style="color: #000000;"><img src="http://i2.cdn.turner.com/cnnnext/dam/assets/160815135105-02-nepal-bus-crash-0815-exlarge-169.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>