<p><span style="color: #000000;"><strong>(បាត់ដំបង)៖</strong> ប្រធានសាខាកាំកុងត្រូលខេត្តបាត់ដំបងលោក ហាក់ សុខរិន សហការជាមួយមន្រ្តីមន្ទីរពាណិជ្ជកម្ម និងសមត្ថកិច្ចមូលដ្ឋាន បានចុះត្រួតពិនិត្យ និងដកហូតណែមសាច់ត្រី ដែលក្រុម អាជីវករបានដាក់លក់ តាមបណ្តោយផ្លូវជាតិលេខ៥ ចាប់ពីរង្វង់មូលព្រាបសន្តិភាព ក្រុងបាត់ដំបង ដល់ចំណុច ឃុំអន្លូងវិល ស្រុកសង្កែ ខេត្តបាត់ដំបង។ ក្រោយពីក្រុមជំនាញខាងលើនេះត្រួតពិនិត្យរួចហើយ ឃើញថាណែមទាំងនេះមានសារធាតុដែលហាមឃាត់ (បូរ៉ាក់) ពិតប្រាកដមែន។</span></p>
<p><span style="color: #000000;">មន្រ្តីកាំកុងត្រូល បានប្រាប់អង្គភាព Fresh News នៅរសៀលថ្ងៃទី២៩ ខែកក្កដា ឆ្នាំ២០១៦នេះថា <strong>«ណែមដែលត្រូវបានដាក់តាំងលក់យ៉ាងច្រើនស្កេះស្កះ បន្តកន្ទុយគ្នានេះ ភាគច្រើនអ្នកធ្វើដំណើរ ឬក៏ភ្លៀវទេសចរណ៍ ចូលទិញដើម្បីទុកបរិភោគ ហើយក្រុមអាជីវករទាំងអស់ ដែលជាអ្នកលក់នេះ មិនមែនពួកគាត់ជាអ្នកធ្វើខ្លួននោះទេ គឺនាំចូលពីថៅកែធំៗដែលជាផលិត»</strong>។ មន្រ្តីកាំកុងត្រូលបានបន្តថា <strong>«នៅពេលដែលញាំអ្វីមួយ ដែលមានសារធាតុបូរ៉ាក់នេះនឹងបង្កឲ្យទៅជាមានជំងឺ ហើយអាចបណ្តាលឲ្យស្លាប់ផងដែរ»</strong>។</span></p>
<p><span style="color: #000000;">ក្នុងបេសកកម្មចុះដកហូតណែមដែលមានសារធាតុហាមឃាត់នេះ បានធ្វើឡើងពេញមួយថ្ងៃតែម្តងកាលពីថ្ងៃទី២៧ ខែកក្កដា ឆ្នាំ២០១៦។ ក្រោយពីប្រតិបត្តិការចុះដកហូតណែមរបស់ក្រុមអាជីវកររួចមក មន្រ្តីជំនាញក៏បានបន្តដំណើរទៅកន្លែង ដែលជាអ្នកផលិតធំតែម្តង។ មន្រ្តីជំនាញបានបញ្ជាក់ថា <strong>«ពេលមកដល់កន្លែងផលិតហើយ យើងបានពិនិត្យឃើញ នៅក្នុងប្រហិតត្រី ដែលត្រូវយកមកផលិតជាណែមនោះ មានជាតិបូរ៉ាក់ ដូច្នេះយើងក៏បានដកហូតយកទៅកម្ទេចចោលផងដែរ»</strong>។</span></p>
<p><span style="color: #000000;">ប្រធានសាខាកាំកុងត្រូលខេត្តបាត់ដំបងលោក ហាក់ សុខរិន បានថ្លែងថា ក្នុងបេសកម្មនេះ ក្រុមអាជីវករបានចូលរួមសហការ ជាមួយសមត្ថកិច្ចបានយ៉ាងល្អ ដោយយល់ព្រមឲ្យពិនិត្យ ដោយស្ម័គ្រចិត្តពុំមានការប្រកែកអ្វីទេ។ ដោយឡែកលោក ហេង លុយ ព្រះរាជអាជ្ញារអមសាលាដំបូងខេត្តបាត់ដំបង ដែលដឹកនាំសម្របសម្រួលផ្នែកច្បាប់ បានថ្លែងថា ការចុះត្រួតពិនិត្យសិប្បកម្មផលិតណែមសាច់ត្រី ដែលស្ថិតនៅឃុំព្រែកខ្ពប ស្រុកឯកភ្នំ ខេត្តបាត់ដំបង ជាលើកទី២ហើយ ដែលមន្រ្តីជំនាញបានចុះមកពិនិត្យ រកសារធាតុហាមឃាត់នេះ។ លោកថា<strong>«ទោះបីជាយ៉ាងណា ក៏មានសិប្បកម្មខ្លះទៀត គេមិនបានដាក់សារធាតុបូរ៉ាក់នេះទេ»</strong>។</span></p>
<p><span style="color: #000000;">សម្រាប់ម្ចាស់សិប្បកម្មវិញបានឲ្យដឹងថា ពួកគាត់ទិញត្រីយកមកធ្វើណែមនេះ ពីប្រទេសវៀតណាម ព្រោះត្រីធម្មជាតិមានតម្លៃថ្លៃខ្លាំងពេក ចំណែកត្រីទិញពីវៀតណាមានតម្លៃថោក ហើយការលាយធ្វើណែមយកមកលក់នេះ រស់ជាតិរបស់វាក៏មានប្រហាក់ប្រហែលគ្នា ទៅនឹងត្រីធម្មជាតិផងដែរ។</span></p>
<p><span style="color: #000000;">សម្រាប់មន្រ្តីមន្ទីរពាណិជ្ជកម្មខេត្ត បានថ្លែងថា សិប្បកម្មដែលផលិតណែមនេះ ពុំមានច្បាប់អនុញ្ញាតនោះទេ គឺពួកគេចេះតែលួចធ្វើតៗគ្នា។ ក្រោយបញ្ចប់ពិនិត្យសិប្បកម្មផលិតណែមហើយ ក៏បានបន្តដំណើរទៅពិនិត្យកន្លែងយឿត្រី នៅឃុំក្តូលកូនទាវ ក្រុងបាត់ដំបង ដើម្បីស្វែងរកកន្លែងផលិតប្រហិតត្រី ហើយក៏ពិនិត្យឃើញមានជាតិបូរ៉ាក់ នៅក្នុងប្រហិតត្រីជាង១ពាន់គីឡូក្រាម ហើយក៏ត្រូវរឹបអូសយកមកតម្កល់ទុកនៅ អធិការដ្ឋាននគរបាល ស្រុកសង្កែ ដើម្បីដុតចោលនាពេលខាងមុខ និងម្ចាស់សិប្បកម្មផលិតណែម ដែលមានជាតិបូរ៉ាក់ ក៏បានបិទជាបណ្តោះអាសន្នផងដែរ។</span></p>
<p><span style="color: #000000;">ក្រុមមន្រ្តីជំនាញកាំកុងត្រូលខាងលើ បានអះអាងទៀតថា ដោយមានការណែនាំពីអគ្គនាយកកាំកុងត្រូលលោក ម៉ក់ ពេជ្ជរិទ្ធ នៅថ្ងៃទី២៩ ខែកក្កដានេះ នឹងបន្តចុះត្រូតពិនិត្យកន្លែង ផលិតណែម ដែលដាក់សារធាតុហាមឃាត់ ដើម្បីធ្វើយ៉ាងណា ជួយលើកកម្ពស់សុខភាព របស់ប្រជាពលរដ្ឋឲ្យជៀសឆ្ងាយ ពីជំងឺតម្កាត់ ផ្សេងៗ ដែលបង្កឡើងពីការហូបណែម ដែលមានជាតិហាមឃាត់៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-29-13-48-48-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-29-13-48-49-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-29-13-48-49-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-29-13-48-49-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-29-13-48-49-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-29-13-48-49-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-07-29-13-48-50-6.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>