<p><span style="color: #000000;">បច្ចុប្បន្ន Apple កំពុងប្រើប្រាស់អេក្រង់ LCD នៅលើបណ្តា iPhone ទាំងអស់របស់ក្រុមហ៊ុន។ ជាក់ស្តែងរឿងនេះវាអាចនឹងត្រូវបានផ្លាស់ប្តូរហើយ នៅឆ្នាំក្រោយ ពេលដែល Apple កំពុងតែដាក់ចេញផែនការស្វែងរកក្រុមហ៊ុនផ្គត់ផ្គង់អេក្រង់ OLED មានគុណភាពមួយ សម្រាប់ខ្លួន។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/10/2/1577156-02-10-2016--12-31-10.jpg"><img src="/FileManager/Articles/mce/2016/10/2/1577156-02-10-2016--12-31-10.jpg" alt="" /></a></span></p>
<p style="text-align: center;"><em>(រូបតំណាង)</em><span style="color: #000000;"><br /></span></p>
<p><span style="color: #000000;">តាមប្រភពពី 9to5mac បានឲ្យដឹងថា Apple កំពុងតែធ្វើការចរចារជាមួយក្រុមហ៊ុន Sharp ដើម្បីឲ្យក្រុមហ៊ុនជប៉ុននេះ ក្លាយជាក្រុមហ៊ុនផ្គត់ផ្គង់អេក្រង់ OLED ដល់ iPhone នៅក្នុងឆ្នាំ២០១៧ (លទ្ធភាពច្រើនវាជា iPhone 8)។ ដូច្នេះ កិច្ចសន្យានឹងត្រូវបានចុះហត្ថលេខា ប្រសិនបើ Sharp បានបង្ហាញឲ្យឃើញថាខ្លួនមានលទ្ធភាពគ្រប់គ្រាន់ ក្នុងការផលិតអេក្រង់ OLED មានគុណភាពខ្ពស់ ជាមួយនឹងបរិមាណដ៏ច្រើនមួយ។</span></p>
<p><span style="color: #000000;">មុននេះ កាលពីថ្ងៃទី ៣០ ខែកញ្ញា កន្លងទៅថ្មីៗនេះ Sharp បានប្រកាសពីផែនការវិនិយោគរបស់ខ្លួនជាមួយនឹងទឹកប្រាក់ប្រហែល ៥៦៦លានដុល្លារ ដើម្បីបង្កើនចំនួនម៉ាស៊ីនផលិត នៅតាមបណ្តារោងចក្រផលិតអេក្រង់ OLED របស់ខ្លួននៅខេត្តចំនួនពីរគឺ ខេត្ត Mie និងខេត្ត Osaka។ ក្រៅពីនេះ Sharp ក៏បានដាក់ចេញនូវគោលដៅ អាចសាងសង់រោងចក្រផលិតអេក្រង់ OLED ថ្មីៗជាច្រើនទៀតផងដែរ។ </span></p>
<p><span style="color: #000000;">គួរបញ្ជាក់ផងដែរថា នេះគឺជាផ្នែកមួយ នៅក្នុងកញ្ចប់គាំទ្រយុទ្ធសាស្រ្តតម្លៃជិត ២ពាន់លានដុល្លារ របស់ Foxconn ដែលជាម្ចាស់ថ្មីរបស់ Sharp ក្នុងគោលបំណងជួយឲ្យក្រុមហ៊ុនបង្កើនលទ្ធភាពផលិតអេក្រង់OLED បានច្រើនជាងមុន៕</span></p>
<p><span style="color: #000000;"><a href="http://www.camnews.com.kh/News/Detail/14971/another-iphone-7-battery-blew-up"><span style="color: #0000ff;"><em>- iPhone ស៊េរីថ្មីមួយគ្រឿងទៀត ហើបរបើកជាពីរ នៅក្នុងប្រអប់តែម្តង នៅប្រទេសចិន</em></span></a><br /><span style="color: #000000;"><span style="color: #000000;"><a href="http://www.camnews.com.kh/News/Detail/17996/samsung-galaxy-s8-will-have-a-4k-screen"><span style="color: #0000ff;"><em>- Samsung Galaxy S8 នឹងមានអេក្រង់យ៉ាងច្បាស់ ច្បាស់ជាង S7 ទៅទៀត រហូតដល់ទៅ 4K</em></span></a></span></span><br /></span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ 9to5mac, vreview</em></p>