<p><span style="color: #000000;"><strong>(ភ្នំពេញ)៖</strong> នៅថ្ងៃទី០៧ ខែឧសភា ឆ្នាំ២០១៦នេះ ម៉ោងប្រមាណ០៤៖១២ព្រឹក មានក្រុមចោរប្លន់វេបសាយ (Hacker) បានចូលមកប្លន់ (Hacked) វេបសាយ សម្តេចតេជោ ហ៊ុន សែន www.samdechhunsen.gov.kh ដោយបានលួចប្តូររូបភាព និងបានលួចប្តូរដាក់សារសម្លេង ជាភាសាខ្មែរ តាមទ្រង់ទ្រាយ HACKER ដែលបានបំផ្លាញកិត្តិយស សម្តេចនាយករដ្ឋមន្រ្តី នៃព្រះរាជាណាចក្រកម្ពុជាព្រមទាំងបង្ក ការរំខាន និងធ្វើឲ្យបាត់បង់ទិន្ន័យមួយចំនួនធំ នៅក្នុងវេបសាយផងដែរ។</span></p>
<p><span style="color: #000000;">យោងតាម Facebook ផ្លូវការរបស់សម្តេចតេជោ ហ៊ុន សែន ចេញផ្សាយនៅមុននេះបន្តិច បានបញ្ជាក់ថា៖ «នេះជាបទឧក្រិដ្ឋផ្នែក ព័ត៌មានវិទ្យា ដែលជនល្មើសបានប្រព្រឹត្តិដោយចំហរ មកលើទំព័រផ្លូវការរបស់ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រ កម្ពុជា។ ភស្តុតាងទាំងនេះ គឺជាទង្វើមិនអាចប្រកែកបានរបស់ក្រុមបក្សប្រឆាំងដែលតែងតែរិះរកវិធីទុច្ចរិត គម្រក់ៗគ្រប់យ៉ាងធ្វើការ វាយប្រហារមកលើ សម្តេចតេជោ ហ៊ុន សែន។ ជនល្មើសទោះបីមានប្រភពមកពីណាក៏ដោយ គឺត្រូវទទួលខុសត្រូវចំពោះមុខច្បាប់ជាតិ និងអន្តរជាតិ»។</span></p>
<p><span style="color: #000000;">នៅពេលនេះក្រុមជំនាញស្រាវជ្រាវឧក្រិដ្ឋកម្មព័ត៌មានវិទ្យា (IT Crimes) របស់រាជរដ្ឋាភិបាលកម្ពុជា កំពុងស្រាវជ្រាវរកប្រភពជនល្មើស HACKER យកមកផ្តន្ទារទោសតាមច្បាប់ជាធរមាន៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/7/grandpa-07-05-2016--10-32-03.png"><img src="/FileManager/Articles/mce/2016/5/7/grandpa-07-05-2016--10-32-03.png" alt="" /></a><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>