<p><span style="color: #000000;"><strong>(ភ្នំពេញ)៖</strong> មន្រ្តីតុលាការបានឲ្យដឹងថា ស្រ្តីអ្នកជំនួញម្នាក់ ឈ្មោះ ស៊ុន ម៉ារា ត្រូវបានកម្លាំងសមត្ថកិច្ចរាជធានីភ្នំពេញ ចាប់ខ្លួនតាមដីការបស់សាលាឧទ្ធរណ៍ នៅម្តុំផ្សារថ្មីនាព្រឹកថ្ងៃទី០១ ខែកញ្ញា ឆ្នាំ២០១៦នេះ ពីបទ ចេញសែកអត់លុយជាង២៤ម៉ឺនដុល្លារ ។ ស្រ្តីដែលត្រូវសមត្ថកិច្ចចាប់ខ្លួនពីបទឆរបោកប្រាក់គេ នោះមានឈ្មោះ ស៊ុន ម៉ារា ភេទស្រី អាយុ៥៦ឆ្នាំ សញ្ជាតិខែ្មរ មុខរបរសិប្បករ ទីកន្លែងកំណើតនៅសង្កាត់លេខ៣ ក្រុងភ្នំពេញ, មានប្តីឈ្មោះ សេង ហាក់ មានកូនចំនួន០៤នាក់។</span></p>
<p><span style="color: #000000;">ពាក់ព័ន្ធនឹងករណីចាប់ខ្លួនអ្នកស្រី ស៊ុន ម៉ារា បញ្ជូនទៅកាន់មណ្ឌលអប់រំកែប្រែទី២នេះ ត្រូវបានមន្រ្តីតុលាការអះអាងថា មានម្ចាស់ពាក្យបណ្តឹងជាច្រើននាក់ បានដាក់ពាក្យបណ្តឹងឈ្មោះ ស៊ុន ម៉ារា បន្ទាប់ពីអ្នកស្រីត្រូវបានសមត្ថកិច្ច ចាប់ខ្លួនហើយភ្លាមៗពីបទឆរបោក។</span></p>
<p><span style="color: #000000;">លោក ឃុន លាងម៉េង ចៅក្រមសាលាឧទ្ធរណ៍បានបញ្ជាក់នៅក្នុងដីកាថា <strong>«ស្រ្តីអ្នកជំនួញនោះ ត្រូវបានតុលាការដាក់ក្រោម ការពិនិត្យពីបទ៖ ឆបោក និងមិនបំពេញកាតព្វចំពោះ ឧបករណ៍ អាចជួញដូរបាន ប្រព្រឹត្តនៅរាជធានីភ្នំពេញ កាលពីអំឡុងខែកុម្ភៈ ឆ្នាំ២០១៣ និងថ្ងៃទី១៥ ខែមិថុនា ឆ្នាំ២០១៥ បទល្មើសដែលមានចែង ឲ្យផ្តន្ទាទោសតាមបញ្ញត្តិមាត្រា ៣៧៧ ៣៧៨ នៃក្រមព្រហ្មទណ្ឌ និងមាត្រា ២៣១ នៃច្បាប់ស្តីពីឧបករណ៍ អាចជួញដូរបាន និងប្រតិបត្តិការទូទាត់សងប្រាក់»</strong>។</span></p>
<p><span style="color: #000000;">នៅក្នុងដីកាសភាស៊ើបសួរបានបញ្ជាក់ថា <strong>«បង្គាប់មកភ្នាក់ងារមានសមត្ថកិច្ចឲ្យស្វែងរកចាប់ខ្លួន និងនាំខ្លួនឈ្មោះខាងលើនេះ ទៅឃុំខ្លួននៅមណ្ឌលអប់រំកែប្រែទី២ នៃក្រសួងមហាផ្ទៃ»</strong>៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-01-09-03-30-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-01-09-03-33-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-01-09-03-33-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>