<p><span style="color: #000000;"><strong>អាមេរិក៖</strong> តារាចម្រៀងដ៏ល្បីល្បាញ សមាជិកក្រុមចម្រៀងកូរ៉េ ខាងត្បូង 2NE1 កញ្ញា CL ដែលមានឈ្មោះ ពេញ Lee Chae-rin មួយរយៈចុងក្រោយនេះ មិនត្រឹមតែមានឈ្មោះបោះសំឡេង នៅបណ្តាប្រទេសអាស៊ីទេ គឺនាងកំពុងប្រឡូកខ្លួន ទៅក្នុងវិស័យ ចម្រៀងអាមេរិក ទៀតផង។</span></p>
<p><span style="color: #000000;">ទស្សនាវដ្តី អាមេរិកដ៏ល្បីល្បាញ Rolling Stone ថ្មីៗនេះ បានធ្វើការណែនាំតារាចម្រៀងវ័យ២៤ឆ្នាំ នាងCLដែលសព្វថ្ងៃ កំពុងសហការ ជាមួយតារា Rap អាមេរិកល្បីៗជាច្រើននាក់ រួមមាន Diplo, Skrillex, និង will.i.am.ផងនោះ ថានាងជាតារាថ្មី ម្នាក់ «ក្នុងចំណោម១០នាក់ ដែលអ្នក (ពលរដ្ឋអាមេរិក)គួរតែស្គាល់»។</span></p>
<p><span style="color: #000000;">តារាចម្រៀងម្ចាស់បទ «Baddest Female»នាង CL ដែលបានលេចមុខ ក្នុងតន្ត្រីនៅសហរដ្ឋអាមេរិក Mad Decent Block Part និង Ultra Music Festival នាពេលកន្លទៅនោះ ត្រូវបានទស្សនាវដ្តីRolling Stone បញ្ជាក់ថា នាងជាតារាRap ស្រីដែលលេចធ្លោបំផុត នៅកូរ៉េខាត្បូង សព្វថ្ងៃតារារូបនេះ កំពុងតែមមាញឹកជាមួយ ចម្រៀងទោលរបស់ខ្លួន នៅសហរដ្ឋអាមេរិក ក្នុងការជួយជ្រោមជ្រែង ពីតារាចម្រៀងដ៏ល្បីល្បាញ Justin Bieber , Ariana Grande និងអ្នកគ្រប់គ្រង Scooter Braun ។</span></p>
<p><span style="color: #000000;">កំពុងមានឈ្មោះល្បីរន្ទឺ យ៉ាងនេះ តារាចម្រៀងដែលមាន ទេព្យកោសល្យ ពេញលេញក្នុងសិល្បៈ រូបនេះ បាននិយាយថា «ខ្ញុំមិនចូលចិត្តហៅ ខ្លួនឯងថា តារាRap ទេ ព្រោះខ្ញុំចូលចិត្តសម្តែងច្រើនជាង ខ្ញុំមិនចង់ឃុំខ្លួនឯង ក្នុងជំនាញតែមួយទេ ព្រោះខ្ញុំចូលចិត្តច្រៀង និងស្រឡាញ់ការរាំផងដែរ គឺស្រលាញ់ទាំងអស់តែម្តង»។</span></p>
<p><span style="color: #000000;">នាង CL ក៏បានបញ្ជាក់ប្រាប់ ទស្សនាវដ្តីដែរថា «ខ្ញុំចង់ក្លាយជាតារាកូរ៉េទី២ បន្ទាប់ពីPsy ដែលឈានជើងចូលវិស័យចម្រៀងអាមេរិក ហើយខ្ញុំចង់ធ្វើជាតំណាង ឲ្យតារាស្រីអាស៊ី ដែលអាចល្បីរន្ទឺ នៅប៉ែកអឺរុប នេះសុបិនរបស់ខ្ញុំ ប៉ុន្តែវាមិនមែន ជាគោលដៅធំ ក្នុងជីវិតខ្ញុំទេ សម្រាប់ខ្ញុំ តន្ត្រីគឺជារឿងដែលខ្ញុំស្រឡាញ់បំផុត»៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/21/70-21-08-2015--10-51-09.jpg"><img src="/FileManager/Articles/mce/2015/8/21/70-21-08-2015--10-51-09.jpg" alt="" /></a></span></p>
<p><a class="thickbox" title="" href="/FileManager/Commons/2015/8/21/71-21-08-2015--10-51-18.jpg"><img src="/FileManager/Articles/mce/2015/8/21/71-21-08-2015--10-51-18.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/21/70-21-08-2015--10-51-09.jpg"></a></span></p>
<p><a class="thickbox" title="" href="/FileManager/Commons/2015/8/21/72-21-08-2015--10-51-25.jpg"><img src="/FileManager/Articles/mce/2015/8/21/72-21-08-2015--10-51-25.jpg" alt="" /></a></p>
<p><a class="thickbox" title="" href="/FileManager/Commons/2015/8/21/73-21-08-2015--10-51-32.jpg"><img src="/FileManager/Articles/mce/2015/8/21/73-21-08-2015--10-51-32.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>