<p><strong>ទីក្រុងស៊ីដនី៖ </strong>បុរសម្នាក់ ត្រូវបានប៉ូលីសបាញ់សម្លាប់ បន្ទាប់ពីមានការប្រឈមមុខដាក់គ្នាមួយ នៅខាងក្រៅស្ថានីយ៍រថភ្លើង ដែលមមាញឹកបំផុតរបស់អូស្ត្រាលី។<br /> <a class="thickbox" title="" href="/FileManager/Commons/2017/7/27/9709376637999d44-cdbc-40ff-83e5-7f5d6bee6b00-27-07-2017--11-41-47.jpg"><img src="/FileManager/Articles/mce/2017/7/27/9709376637999d44-cdbc-40ff-83e5-7f5d6bee6b00-27-07-2017--11-41-47.jpg" alt="" /></a><br /> ឧបទ្ទវហេតុនេះ បានកើតឡើងនៅជិតហាងលក់ផ្កាមួយកន្លែង ស្ថិតនៅច្រកទ្វារធំមួយ ឆ្ពោះទៅកាន់ស្ថានីយ៍កណ្តាលក្រុងស៊ីដនី ក្នុងអំឡុងពេលមមាញឹកបំផុត នៅល្ងាចថ្ងៃពុធ។</p>
<p>ប៉ូលីសត្រូវបានប្រជាពលរដ្ឋតេទូរស័ព្ទឱ្យមកកន្លែងកើតហេតុ បន្ទាប់ពីមានការរាយការណ៍ពីការប្លន់ប្រដាប់អាវុធមួយ ហើយមិនទាំងបានប៉ុន្មានផង បុរសម្នាក់នេះ ក៏ត្រូវប៉ូលិសបាញ់សម្លាប់ ។ មន្រ្ដីប៉ូលីសរដ្ឋ New South Wales បាននិយាយថា ឧបទ្ទវហេតុនេះមិនមែនពាក់ព័ន្ធនឹងអំពើភេរវកម្មទេ។<br /> <br /> សាក្សីឃើញហេតុការណ៍ បានប្រាប់ប្រព័ន្ធផ្សព្វផ្សាយ ក្នុងស្រុកថា បុរសម្នាក់នេះត្រូវបានគេឃើញ មានកាន់កន្ត្រៃក្នុងដៃ នៅពេលគាត់ត្រូវបានបាញ់សម្លាប់។ ម្ចាស់ហាងផ្កាលោក Manuel Theoharas បាននិយាយថា បុរសម្នាក់នេះ កាលពីមុនបានយកដបមកភ្ជង់កគាត់ ហើយបញ្ជាឱ្យគាត់ទូរស័ព្ទទៅប៉ូលីស។</p>
<p>លោក Theoharas បានប្រាប់ BBC ថា៖ "គាត់បាននិយាយមកកាន់ខ្ញុំថា៖" នៅឱ្យស្ងៀម ហើយឆាប់តេទូរស័ព្ទទៅប៉ូលីសភ្លាម "។ នៅពេលដែលខ្ញុំរត់ចេញពីគាត់ គាត់បានឆក់យកកន្ត្រៃពីហាងផ្កា។ "<br /> <br /> ស្នងការនគរបានរងលោក Mark Walton បាននិយាយថា៖ "ការស៊ើបអង្កេតពីឧប្បត្តិហេតុដ៏សំខាន់មួយនេះ បានចាប់ផ្តើម បន្ទាប់ពីការស្លាប់របស់បុរសម្នាក់នេះ ក្នុងពេលតដៃជាមួយប៉ូលីស" ។</p>
<p>បុរស ដែលមានរូបរាងបែបអាស៊ីម្នាក់នេះ បានស្លាប់ បន្ទាប់ពីតដៃជាមួយប៉ូលីស។ "ក្រុមមន្រ្ដីទទួលបន្ទុកផ្នែកឃាតកម្ម នឹងធ្វើការស៊ើបអង្កេតឱ្យគ្រប់ជ្រុងជ្រោយជុំវិញឧបទ្ទវហេតុ ដែលរួមមានការបាញ់កាំភ្លើងរបស់ប៉ូលីស ក្នុងអំឡុងពេលប្រឈមមុខដាក់គ្នា ជាមួយបុរសម្នាក់នោះ" ៕</p>
<p><a class="thickbox" title="" href="/FileManager/Commons/2017/7/27/97093534mediaitem97093528---copy-27-07-2017--11-41-30.jpg"><img src="/FileManager/Articles/mce/2017/7/27/97093534mediaitem97093528---copy-27-07-2017--11-41-30.jpg" alt="" /></a></p>
<p><a class="c_tab" href="https://goo.gl/Kac8TY" target="_blank"><img src="/FileManager/Articles/mce/2017/7/27/mkn-19-05-2017--15-51-28-27-07-2017--10-41-13.jpg" alt="" /></a><br />ប្រែសម្រួល៖ សារ៉ាត</p>
<p>ប្រភព៖ BBC</p>
<p> </p>