<p><span style="color: #000000;"><strong>(ភ្នំពេញ)៖</strong> លោក លី សុវណ្ណ អ្នកនាំពាក្យក្រសួងសុខាភិបាល បានប្រាប់ Fresh News ឲ្យដឹងថា គិតចាប់ពីថ្ងៃទី១៩ ខែវិច្ឆិកា រហូតមកដល់ថ្ងៃទី១៤ ខែធ្នូ ឆ្នាំ២០១៥នេះ អ្នកពុលស្រានៅខេត្តក្រចេះ មានចំនួនរហូតដល់១៩០នាក់ ហើយអ្នកស្លាប់កើនដល់២១នាក់ ខណៈអ្នកពុលមួយចំនួនទៀត កំពុងសង្រ្គោះនៅតាមមន្ទីរពេទ្យនៅឡើយ។</span></p>
<p><span style="color: #000000;">បើតាមលោក លី សុវណ្ណ ការពុលនេះ ដោយសារក្នុងស្រា មានជាតិមេតាណុលខ្ពស់ ដែលធ្វើឲ្យអ្នកផឹកអាចស្លាប់ភ្លាមៗតែម្តង។ ចាប់តាំងពីថ្ងៃទី១៩ ខែវិច្ឆិកា មកដល់ថ្ងៃទី១២ ខែធ្នូ ឆ្នាំ២០១៥ ករណីពុលស្រានៅក្នុងខេត្តក្រចេះ បានផ្ទុះឡើងជាបន្តបន្ទាប់ នៅក្នុងឃុំខ្សឹម ឃុំស្នួល ឃុំបុសលាវ និង ឃុំសំបុក នៅក្នុងស្រុកស្នួល និងស្រុកចិត្របុរី ខេត្តក្រចេះ។</span></p>
<p><span style="color: #000000;">ក្រោយផ្ទុះករណីពុលស្រា.ស នាំឲ្យប្រជាពលរដ្ឋពុល និង ស្លាប់ជាបន្តបន្ទាប់នេះ អាជ្ញាធរខេត្តក្រចេះ បានចុះបិទ និងផ្អាករាល់អាជីវកម្មបិតស្រានៅក្នុងខេត្ត។ មិនមែនតែខេត្តក្រចេះនោះទេ ដែលប្រជាពលរដ្ឋ បានរងគ្រោះដោយសាស្រាស កាលពីប៉ុន្មានឆ្នាំមុន នៅខេត្តពោធិ៍សាត់ ក៏កើតមានករណីនេះផងដែរ ហើយបណ្តាលឲ្យប្រជាពលរដ្ឋរងគ្រោះ និង ស្លាប់មួយចំនួនធំ។</span></p>
<p><span style="color: #000000;">ស្រា.ស ធ្វើពីអង្ករ និងមេដំបែ ដែលប្រៀបដូចជា សម្បត្តិវប្បធម៌មួយរបស់ខ្មែរដែរនោះ គេមិនដែលឃើញមានអ្នកផឹក ហើយពុលរហូតស្លាប់បែបនេះឡើយ។ ការពុលនេះ ត្រូវបានមន្រ្តីបញ្ជាក់ថា បណ្តាលមកពីបិទខុសបច្ចេកទេស និងមិនគោរពតាមស្តង់ដារ។</span></p>
<p><span style="color: #000000;">លោក ហេង សុខគង់ អ្នកនាំពាក្យក្រសួងឧស្សាហកម្ម និងសិប្បកម្ម បានប្រាប់ Fresh News ថា ការពុលនេះ ដោយសារតែអ្នកបិតស្រា បានធ្វើខុសបច្ចេកទេស និងគោលការណ៍ណែនាំ ពោលពួកគេមិនបានប្រើជាតិ អេតាណុលនោះទេ បែរជាប្រើជាតិមេតាណុល មានកម្រិតជាតិពុលខ្ពស់ ហើយអ្នកបិតស្រាទាំងនោះ ក៏មិនបានសុំច្បាប់អនុញ្ញាត ពីក្រសួងសិប្បកម្ម ដើម្បីដំណើរការអាជីវកម្មរបស់ខ្លួនផងដែរ។</span></p>
<p><span style="color: #000000;">បន្ទាប់ពីមានការពុលនេះ លោក ហេង សុខគង់ បានបញ្ជាក់ថា ក្រសួងសិប្បកម្ម បាននិងកំពុងត្រួតពិនិត្យរកប្រភព នៃការនាំចូលជាតិមេតាណុល។</span></p>
<p><span style="color: #000000;">ក្នុងពិធីផ្សព្វផ្សាយការបញ្ជ្រាប ទស្សនទាន សីលធម៌ សាសនា ដើម្បីសុខុដមនីយកម្ម ក្នុងប្រទេសនាព្រឹកថ្ងៃទី១៤ ខែធ្នូ ឆ្នាំ២០១៥នេះ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានសូមប្រជាពលរដ្ឋ មានការប្រុងប្រយ័ត្ន ចំពោះម្ហូបអាហារ និងទទួលទានស្រា។ សម្តេចតេជោ បានរិះគន់ចំពោះអ្នកបិតស្រាស ដែលបានធ្វើខុសបច្ចេកទេស ដើម្បីកេងចំណេញប្រាក់កាន់តែច្រើន ប៉ុន្តែមិនបានគិតពីសុវត្ថិភាព របស់អ្នកទទួលទាន។</span></p>
<p><span style="color: #000000;">ជាវិធានការ ដើម្បីទប់ស្កាត់ការពុលស្រានេះ លោក ហេង សុខគង់ បានទទូចឲ្យអាជ្ញាធរពាក់ព័ន្ធទាំងអស់ ត្រូវបង្កើតការផ្សព្វផ្សាយអប់រំ ដល់ប្រជាពលរដ្ឋពីបច្ចេកទេស និងផលប៉ះពាល់ នៃការបិតស្រាខុសបច្ចេកទេស។ មិនតែប៉ុណ្ណោះលោកចង់ ឲ្យអ្នកបិតស្រាត្រូវសុំការអនុញ្ញាតពីអាជ្ញាធរ និងមានការត្រួតពិនិត្យត្រឹមត្រូវ មុនពួកគេបើកអាជីវកម្មបិតស្រា៕</span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12341176_1531858460461853_357833163458797923_n.jpg?oh=b22bfe215df9b7a087c245887d5235fd&oe=56D8FE91" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xap1/v/t1.0-9/12369105_1531858467128519_8071402885768482388_n.jpg?oh=0aa8a384dac8993b19f3d7789ac77821&oe=56E6A549" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xfp1/v/t1.0-9/12359826_1531858463795186_8092590095177340676_n.jpg?oh=f1be4066a6e618655a2106dc7f5c05f0&oe=5715AE60" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xaf1/v/t1.0-9/12347914_1531858507128515_8828642301254142920_n.jpg?oh=5d40cbd3ab840d1fadaace36d4f8a327&oe=56D615E4&__gda__=1456945747_d705fd0829f59bdccb76c1f8b93e9e0b" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xfl1/v/t1.0-9/12308808_1531858513795181_8418404155495413615_n.jpg?oh=b51e70479c15ef3254ea80fa7bf4ab19&oe=56E13FF4" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12316359_1531858523795180_8042721434343119568_n.jpg?oh=4c5b36540d4a6d150e333939f804dcd0&oe=56E1BE9E" alt="" width="730" /></span></p>
<p><span style="color: #000000;"><img src="https://fbcdn-sphotos-f-a.akamaihd.net/hphotos-ak-xap1/v/t1.0-9/12366444_1531858570461842_3007410708108698196_n.jpg?oh=914db519772bcf50ea73dce1051b1a00&oe=56DEB04E&__gda__=1456978807_5a723471a38b4169048060fb7f9f9de0" alt="" width="730" /></span></p>
<p style="text-align: right;">ផ្ដល់សិទ្ធដោយ៖ ហ្រ្វេសញ៉ូវអាស៊ី</p>