<p><span style="color: #000000;"><strong>(ក្រុងឡុងដ៍)៖</strong> កីឡាករខ្សែប្រយុទ្ធជួរមុខ Jamie Vardy មកពីក្លឹបកញ្ជ្រោង Leicester City ខកខានជួយក្រុមជម្រើសជាតិអង់គ្លេស ១ប្រកួតពេលប៉ះក្រុមជម្រើសជាតិអូស្រា្តលីក្នុងមិត្តភាពអន្តរជាតិ នៅរាត្រីថ្ងៃសុក្រសប្តាហ៍នេះ ដោយសារ តែថ្ងៃរៀបមង្គលការរបស់ខ្លួន ។</span></p>
<p><span style="color: #000000;">កីឡាករដែលរកបានគ្រាប់ជ័យជំនះ ពេលឈ្នះក្រុមភ្ញៀវតួកគី ២-១ ក្នុងមិត្តភាពយប់មិញនេះនឹងខកខាន ១ប្រកួតដំបូង របស់អង់គ្លេស ក្រោយចាប់ផ្តើមចូលលេងបាន៣ប្រកួតមកនេះ ដោយសារតែចំថ្ងៃរៀបមង្គលការរវាងកីឡាករវ័យ២៩ឆ្នាំ ដែលបានពន្យារពេលរៀបការ១ឆ្នាំមកហើយ ។</span></p>
<p><span style="color: #000000;">ទន្ទឹមគ្នានោះដែរគ្រូបង្វឹកអង់គ្លេសលោក Roy Hodgson ក៏បានថ្លែងប្រាប់ BBC ដែរថា <strong>«វាដល់ពេលហើយសម្រាប់ Vardy ដែលត្រូវចូលរោងការ មុន២ថ្ងៃដែលអង់គ្លេស ត្រូវប៉ះក្រុមមកពីទ្វីបអាស៊ីអូស្រ្តាលី ដែលជាប្រកួតសំខាន់លើកទី២ មុនទៅលេង Euro 2016 នៅបារាំង»</strong> ។</span></p>
<p><span style="color: #000000;">លោក Hodgson បានបន្តថា <strong>«ខ្ញុំមិនគិតថា កន្លែងរបស់គាត់ក្នុងក្រុមជម្រើសជាតិខ្វះចន្លោះឡើយ ដោយយើងត្រូវតែ សំឡឹងរកកីឡាករណាផ្សេងទៀត ដើម្បីជំនួស»</strong> ។</span></p>
<p><span style="color: #000000;">សម្រាប់កីឡាករដែលស៊ុតបញ្ចូលទីបាន២៤គ្រាប់ ជួយក្រុម Leicester City ឈ្នះពាន Premier League រដូវកាលឆ្នាំ ២០១៥-២០១៦ នេះក៏បានបញ្ជាក់ផងដែរថា រូបគេនឹងចូលហ្វឹកក្នុងក្រុមជម្រើសជាតិអង់គ្លេសភ្លាមៗ ក្រោយពីរៀបមង្គលការរួច ពោលគឺនៅមុនប៉ះជម្រើសជាតិព័រទុយហ្គាល់ ថ្ងៃទី២ មិថុនា នៅកីឡដ្ឋាន Wembley និងធ្វើដំណើរទៅបារាំងរួមគ្នាថ្ងៃទី៥ មិថុនា ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/5/23/18-23-05-2016--15-46-11.jpg"><img src="/FileManager/Articles/mce/2016/5/23/18-23-05-2016--15-46-11.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>