<p><span style="color: #000000;">ខណៈដែលបេក្ខជនប្រធានាធិបតីមកពីបក្សសាធារណរដ្ឋ លោក Donald Trump បានអំពាវនាវឱ្យ</span><br /><span style="color: #000000;">ចាប់គូប្រជែងរបស់ខ្លួនគឺលោកស្រី Hillary Clinton ដាក់គុក ថ្មីៗនេះ អ្នកគាំទ្ររបស់លោក ថែមទាំង</span><br /><span style="color: #000000;">បានគំរាមថានឹងធ្វើឃាត បើសិនលោកស្រីជាប់ឆ្នោត។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/10/18/trump-1476748554699-18-10-2016--08-47-10.jpg"><span style="color: #000000;"><img src="/FileManager/Articles/mce/2016/10/18/trump-1476748554699-18-10-2016--08-47-10.jpg" alt="" /></span></a></span></p>
<p style="text-align: center;"><span style="color: #000000;">បេក្ខជនប្រធានាធិបតីមកពីបក្សសាធារណរដ្ឋ លោក Donald Trump</span><br /><span style="color: #000000;"><a class="thickbox" title="" href="/FileManager/Commons/2016/10/18/trump-1476748554699-18-10-2016--08-47-10.jpg"></a></span></p>
<p><span style="color: #000000;">យោងតាមគេហទំព័រ Independent របស់អង់គ្លេស អ្នកគាំទ្ររបស់មហាសេដ្ឋី Donald Trump នៅ</span><br /><span style="color: #000000;"> Cincinnati ថ្មីៗនេះបានប្រកាសថានឹងធ្វើសកម្មភាពប្រឆាំង បើសិនលោកស្រី Clinton បានយកឈ្នះ</span><br /><span style="color: #000000;">ក្នុងការប្រជែងចូលទៅកាន់សេតវិមាន ក្នុងនោះអាចរួមមានទាំងការធ្វើរដ្ឋប្រហារ ឬបដិវត្ត ហើយក៏</span><br /><span style="color: #000000;">អាចនឹងរួមបញ្ចូលទាំងការធ្វើឃាតបេក្ខភាពមកពីបក្សប្រជាធិបតេយ្យ។</span></p>
<p><span style="color: #000000;">ឆ្លើយតបទៅនឹងកិច្ចសម្ភាសរបស់ CNN កាលពីពេលថ្មីៗនេះ Dan Bowman អាយុ ៥០ឆ្នាំ ដែលជា</span><br /><span style="color: #000000;">អ្នកគាំទ្ររបស់លោក Trump និយាយថា “ខ្ញុំមានអារម្មណ៍ថា លោកស្រី Hillary គួរត្រូវបានគេវាយ</span><br /><span style="color: #000000;">ឱ្យខ្ទាតចេញ បើសិនជាលោកស្រីជាប់ឆ្នោត។ ខ្ញុំនឹងធ្វើអ្វីៗទាំងអស់ដែលអាចធ្វើបានដើម្បីវាយ</span><br /><span style="color: #000000;">លោកស្រីឱ្យខ្ទាតចេញមកក្រៅ។ បើសិនជាខ្ញុំត្រូវការបង្ហាញថា ខ្លួនជាអ្នកស្នេហាជាតិពិតប្រាកដ</span><br /><span style="color: #000000;"> ខ្ញុំនឹងធ្វើវា”។</span></p>
<p><span style="color: #000000;">នៅក្នុងកិច្ចសម្ភាសមុននេះជាមួយទីភ្នាក់ងារសារព័ត៌មាន Boston Globe បុរសខាងលើក៏ធ្លាប់បាន</span><br /><span style="color: #000000;">និយាយថា លោកសង្ឃឹមថានឹងមានរដ្ឋប្រហារមួយដើម្បីផ្ដួលលោកស្រី Clinton បើសិនលោកស្រី</span><br /><span style="color: #000000;">ជាប់ឆ្នោតជាប្រធានាធិបតី។</span></p>
<p><span style="color: #000000;">លោក Dan Bowman និយាយថា “លោកស្រីគួរណាស់តែត្រូវបានចាប់ដាក់គុក ឬប្រហារជីវិត។ </span><br /><span style="color: #000000;">នោះគឺជាអ្វីដែលខ្ញុំគិត។ បើសិនលោកស្រីជាប់ឆ្នោត ខ្ញុំសង្ឃឹមថាអាចនឹងមានរដ្ឋប្រហារមួយ។ </span><br /><span style="color: #000000;">យើងខ្ញុំត្រូវការធ្វើបដិវត្ត។ នឹងមានការបង្ហូរឈាម។ ខ្ញុំនឹងធ្វើអ្វីៗដែលអាចធ្វើបានដើម្បីប្រទេស</span><br /><span style="color: #000000;">ជាតិ”។</span></p>
<p><span style="color: #000000;">ឆ្លើយតបទៅនឹងកិច្ចសម្ភាសជាមួយ Independent អ្នកនាំពាក្យម្នាក់របស់ទីភ្នាក់ងារចារកម្មអាមេរិក</span><br /><span style="color: #000000;">និយាយថា ពួកគេឮនិយាយអំពីការគំរាមរបស់លោក Bowman ប៉ុន្តែ មិនបានផ្ដល់ព័ត៌មានណាមួយ</span><br /><span style="color: #000000;">ទាក់ទឹននឹងបញ្ហាការពារសន្តិសុខដល់បណ្ដាបេក្ខភាពប្រធានាធិបតី។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/10/18/trump-1476748554699jpgd-18-10-2016--08-47-44.jpg"><span style="color: #000000;"><img src="/FileManager/Articles/mce/2016/10/18/trump-1476748554699jpgd-18-10-2016--08-47-44.jpg" alt="" /></span></a></span></p>
<p style="text-align: center;"><span style="color: #000000;">បេក្ខភាពប្រធានាធិបតីមកពីបក្សប្រជាធិបតេយ្យ លោកស្រី Hillary Clinton </span><br /><span style="color: #000000;"><a class="thickbox" title="" href="/FileManager/Commons/2016/10/18/trump-1476748554699jpgd-18-10-2016--08-47-44.jpg"></a></span></p>
<p><span style="color: #000000;">នៅក្នុងការឃោសនារកសម្លេងឆ្នោតកាលពីពេលថ្មីៗនេះ លោក Trump ក៏ធ្លាប់បានគំរាមជាញឹក</span><br /><span style="color: #000000;">ញាប់ថានឹងចាប់លោកស្រី Clinton ដាក់គុក បើសិនលោកជាប់ឆ្នោត។ លោក Trump ថ្លែងថា “ខ្ញុំ</span><br /><span style="color: #000000;">មិនចង់និយាយចេញនូវប្រការនេះ ប៉ុន្តែ បើសិនខ្ញុំជាប់ឆ្នោត ខ្ញុំនឹងបញ្ជាឱ្យរដ្ឋមន្ដ្រីក្រសួងយុត្តិធម៌ </span><br /><span style="color: #000000;">តែងតាំងព្រះរាជអាជ្ញាពិសេសម្នាក់ដើម្បីស៊ើបអង្កេតទៅលើលោកស្រី។ មានការនិយាយបោក</span><br /><span style="color: #000000;">ប្រាស់ច្រើនហួសហេតុ។ ប្រជាជនទូទាំងប្រទេសកំពុងខឹងសម្បារខ្លាំង។ លោកស្រីគួរតែខ្មាស់ខ្លួន</span><br /><span style="color: #000000;">ឯង ដោយសារតែខ្លួនឯង...ព្រោះថា លោកស្រីនឹងត្រូវចូលគុក”៕</span></p>
<p style="text-align: right;"><span style="color: #000000;">ប្រែសម្រួល ៖ តារា</span><br /><span style="color: #000000;">ប្រភព ៖ Independent</span></p>