<p><span style="color: #000000;"><strong>(គូឡាឡាំពួរ)៖</strong> រាជបុត្រាស្នងរាជ្យ របស់ក្រុមគ្រួសាររាជវង្សម៉ាឡេស៊ី បានបដិសេធថា ខ្លួនមិនបាន ទិញក្លឹបបាល់ទាត់ AC Milan នោះទេ បើទោះបីជាកន្លងមកព្រះអង្គម្ចាស់ ធ្លាប់បានបង្ហើបថា មានការចាប់អារម្មណ៍ខ្លាំង ចំពោះក្រុមបាល់ទាត់អ៉ីតាលីនេះក៏ដោយ។ នេះបើតាមការចេញផ្សាយ មុននេះបន្តិច ដោយទីភ្នាក់ងារព័ត៌មានចិនស៊ិនហួរ នៅយប់ថ្ងៃចន្ទ ទី២៥ ខែមេសា ឆ្នាំ២០១៦។</span></p>
<p><span style="color: #000000;">ព្រះអង្គម្ចាស់ Tunki Ismail Sultan Ibrahim នៃរដ្ឋ Johor ខាងត្បូងសហព័ន្ធម៉ាឡេស៊ី បានបង្ហោះក្នុងបណ្តាញសង្គមថា ការចង់ទិញក្លឹបបាល់ទាត់ខាងលើនេះ វាគ្រាន់តែជាក្តីស្រមៃ ប៉ុណ្ណោះ។ ព្រះអង្គម្ចាស់ Tunki បញ្ជាក់ដូច្នេះ «ខ្ញុំធ្លាប់ត្រូវបានគេសួរថា តើមានប្រយោជន៍អ្វី ក្នុងការទិញក្លឹបបរទេសនោះ។ ចម្លើយរបស់ខ្ញុំគឺប្រាកដណាស់ ប្រសិនបើខ្ញុំនឹងទិញក្លឹប នោះខ្ញុំនឹងជ្រើសយក Milan ព្រោះវាជាសុបិនមួយរបស់ខ្ញុំ»។</span></p>
<p><span style="color: #000000;">ទោះបីជាបានផ្តល់ចម្លើយ ដល់សារព័ត៌មានសិង្ហបុរីមួយដូច្នេះក៏ដោយ ក៏រាជបុត្រវ័យក្មេងរូបនេះ បានអះអាងថា មិនមានចេតនាណាមួយក្នុងការទិញក្លឹបនោះដែរ ហើយជាក់ស្តែងវាគ្រាន់តែ ក្លឹបដែលព្រះអង្គធ្លាប់បានកោតសរសើរ តាំងពីវ័យក្មេងប៉ុណ្ណោះ។ ដូច្នេះចម្លើយសម្រាប់ពេលនេះ គឺគ្មានការទិញក្លឹបអ្វីនោះទេ ហើយរាជបុត្ររូបនេះ ក៏គ្មានគម្រោង នឹងទិញនោះដែរ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/4/26/08-26-04-2016--10-50-52.jpg"><img src="/FileManager/Articles/mce/2016/4/26/08-26-04-2016--10-50-52.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span><br /><br /></p>