CamNews

បុរសវ័យចំណាស់ម្នាក់ឈ្មោះថា Gheorghe Ungureanu បានប្រកបរបរជាអ្នកបើករថយន្ដ អស់រយៈពេល​ជាង ៤០ ឆ្នាំមកហើយ ចាប់តាំងពីឆ្នាំ ១៩៧៦ មកម្ល៉េះ។ ក្នុងកំលុងពេល គាត់មានអាយុ ២៤ ឆ្នាំគាត់បាន បើករថយន្ដ ក្នុងពេលស្រវឹង ហើយប៉ូលីស ប្រចាំនៅ រដ្ឋកាលីហ្វ័រញ៉ា ក៏បានចាប់ខ្លួន ហើយ​ថែមទាំងដក​ហូត​យក បណ្ណបើកបររបស់គាត់ ចាប់តាំងពីពេលនោះមក គាត់មិនដែលមានចិត្ដចង់ទទួលបាន របស់គាត់​ត្រលប់មកវិញនោះទេ ហើយប៉ូលីសដែល បានដកហូតបណ្ណបើកបររបស់គាត់ ក៏យល់​ថា គាត់នឹងមិនបន្ដអាជីពជាអ្នកបើកបរទៀតដែរ។ ប៉ុន្ដែខុសពីការស្មានទាំងអស់ គាត់នៅតែបន្ដការបើក​​បររបស់គាត់ រហូត​មកទល់ពេលនេះ ។

យោតាមពាក្យសម្ដីដែលគាត់អះអាងប្រាប់អ្នកការសែត បានឲ្យដឹងថា គាត់បើកបររហូតមកទល់នឹងពេល នេះអស់ រយៈពេល ៤០ ឆ្នាំមកហើយ ដោយគ្មានបណ្ណបើកនោះទេ...កន្លងមកគាត់ក៏មានបណ្ណបើកបរត្រឹមត្រូវដែរ ប៉ុន្ដែត្រូវប៉ូលីដកហូត យកទៅបាត់ហើយកាលពីគាត់អាយុ ២៤ ឆ្នាំក្នុងកំលុងពេលគាត់ បានបើក​បរខណៈដែលមានកំពុងស្រវឹង​ ចាប់ពីពេលនេាះមក គាត់មិនដែលនឹកចងប់បានវាត្រលប់មកវិញនោះទេ រហូតដាច់ចិត្ដ បន្ដអាជីពនេះដោយគ្មានបណ្ណបើកបរ។ មានពេលខ្លះ ក៏ត្រូវបាន ប៉ូលីស​ចាប់ឆែកឆេរសួររក ដែល ប៉ុន្ដែគាត់ដោះសារថា ត្រូវចោលួចបាត់ទៅហើយ ជាមួយឯកសារដែលពាក់ព័ន្ធ។ គាត់បានបន្ដអាជីពជាអ្នកបើកបរតាំងពីរថយន្ដតូចរហូត រថយន្ដខ្នាតធំ ដោយគ្មានបណ្ណបើកបរ​។

Gheorghe Ungureanu ត្រូវប៉ូលីសចាប់ឃាត់ខ្លួន កាលពីម្សិលមិញ ខណៈដែលគាត់ធ្វើដំណើរត្រឡប់ទៅផ្ទះវិញ ដោយបើកបរហួសល្បឿន​កំណត់ ដែលច្បាប់បានកំណត់ ក្នុងកម្រិត ២៥ គ.ម/ម៉ ហើយក៏ត្រូវប៉ូលីស សួរនាំ ប៉ុន្ដែគ្មានឯកសារណាបញ្ជាក់ឲ្យបានច្បាស់លាស់ ។ Gheorghe Ungureanu បានសារ​ភាព​ប្រាប់ការពិតដែលកើតឡើងលើខ្លួនគាត់ ហើយសម្រចរបស់ រូបគាត់ត្រូវបានពិន័យឲ្យជាប់គុក រយៈ​ពេល ៣ ឆ្នាំ ។