ព័ត៌មានអន្តរជាតិ ៖ ពិធីបុណ្យ អន្តរ វប្បធម៌ ចម្លែក ប្រចាំឆ្នាំ ដោយមានឈ្មោះថា Burning Man ដែលត្រូវបានប្រារព្ធឡើង កាលពីពេលកន្លង ទៅនេះ មិនត្រឹមតែ ទាក់ទាញ ក្រុមសិល្បៈករ តន្រ្តី ករតែប៉ុណ្ណោះទេ ក៏ប៉ុន្តែ ក៏បានទាក់ទាញដូចគ្នាដែរ FBI សហរដ្ឋអាមេរិក ។
យោងតាមឯកសារ បង្ហោះផ្សាយសប្តាហ៍នេះនៅលើទំព័រ MuckRock.com អោយដឹងថា FBI ធ្លាប់ បានឃ្លាំមើល កម្មវិធីបុណ្យដ៏ធំប្រចាំឆ្នាំមួយនេះ កាលពីឆ្នាំ ២០១០ ខណៈរបកគំហើញរក អោយ ឃើញថា ប្រឈមមុខជាមួយនឹងហានិភ័យ ជាមួយនឹងក្រុមមនុស្ស កុះករ ក៏ដូចជា ការ ប្រើប្រាស់ គ្រឿងញៀនដូចគ្នាដែរ ។ ឯកសារ ត្រូវបានបង្ហោះផ្សាយ ជាសាធារណៈ អំឡុងឆ្នាំ ២០១២ កន្លង ទៅនេះ បន្ទាប់ពីមានការស្នើសុំ ពីសំណាក់ អ្នកកាសែត ឈ្មោះ Inkoo Kang ។ លោកស្រី អ្នក នាំ ពាក្យអោយ FBI បដិសេធទៅលើរាល់មតិខមមិន ពាក់ព័ន្ធទៅនឹងរបាយការណ៍ មាននៅ លើទំព័រ MucKRock.com ។
Burning Man គឺជាកម្មវិធីបុណ្យប្រចាំឆ្នាំ ដ៏ធំសម្បើមមួយ ដែល ទាក់ ទាញ មនុស្សរាប់ពាន់នាក់ ចូលមកទស្សនាកំសាន្ត នៅលើវាលខ្សាច់ដ៏ធំល្វឹងល្វើយ នាភាគខាងជើង រដ្ឋ Nevada សហរដ្ឋ អាមេរិក ខណៈរកប្រាក់ចំនូលដល់សេដ្ឋកិច្ចជាតិបានដល់ទៅ ៣៥ លានដុល្លារ ឯណោះ ។ កម្មវិធី បុណ្យដ៏ធំប្រចាំ ឆ្នាំ មួយនេះ មានអ្នក ចូលរួម ជិត ៧០,០០០ នាក់ កាលពីឆ្នាំ ២០១៤ ខណៈឆ្នាំ ២០១០ នៅពេល ដែល មានការលេចធ្លាយ ឯកសារពី FBI នោះ មានអ្នកចូលរួមសរុប ដល់ទៅ ៥០,០០០ នាក់ ។
"អ្វីដែលត្រូវបានគេដឹងថា ជាការគម្រាមគំហែងខ្លាំងនៅក្នុងកម្មវិធីបុណ្យដ៏ធំ ប្រចាំឆ្នាំមួយនេះ គឺ បញ្ហាស្តីពីការគ្រប់គ្រងហ្វូងមនុស្ស ក៏ដូចជា ការប្រើប្រាស់គ្រឿងញៀនខុសច្បាប់ ពីក្រុមអ្នកចូល រួមកម្មវិធីបុណ្យទាំងអស់" ទាំងអស់នេះ គឺជាអ្វីដែល បានលើក ឡើង នៅលើឯកសារ FBI ដែល បានបង្ហោះផ្សាយ ឡើង នៅលើទំព័រ MuckRock.com ។ របាយ ការណ៍ដដែល បន្តអោយដឹងថា អង្គភាពស៊ើបអង្កេត មួយនេះ នឹងធ្វើការសហការ ជាមួយនឹងដៃគូពាក់ព័ន្ធមួយចំនួនដទៃទៀត ឈានទៅធ្វើការការពារ និងដោះស្រាយ ដោយភាពឆ្លាតវៃ ទៅលើបញ្ហាប្រឈមទាំងអស់ ។ ជាអ កុសលឯកសារដែលបានបង្ហោះឡើងនៅលើគេហទំព័រ នោះ ត្រូវបានលុបចោលទាំងស្រុង ។
ពុំទាន់ច្បាស់នៅឡើយទេ ថាតើ FBI នៅតែបន្តឃ្លាំមើល កម្មវិធីធំប្រចាំឆ្នាំ Burning Man នៅឆ្នាំបន្តបន្ទាប់ទៀត ឬក៏យ៉ាងណា នោះទេ ។ គួរបញ្ជាក់ថា ពិធីបុណ្យ Burning Man រៀប ចំឡើងនៅវាលខ្សាច់ធំទូលាយមួយក្នុងរដ្ឋ Nevada សហរដ្ឋអាមេរិក ដើម្បីអបអរភាពចំរើនរុងរឿងនៃសិល្បៈវប្បធម៌ ដោយក្នុងនោះមានការដង្ហែរូបចំលាក់ខ្នាតយក្ស១២រូប។នៅពេលយប់ ខណៈ តន្ត្រីប្រគំឡើងនឹងមានការអុជភ្លើងដុតរូបចម្លាក់នោះចោល ដោយក្នុងមួយឆ្នាំៗមានអ្នកចូលរួមទស្សនាពិធីបុណ្យនោះមិនតិចជាង ៥០ ០០០ នាក់នោះទេ ៕
ប្រែសម្រួល ៖ កុសល
ប្រភព ៖ CNA