បើជាំភ្នែក សូមសាកវិធីទាំងនេះ ធានាថា នឹងឆាប់បាត់
ភ្នែកជាំអាចបណ្ដាលឈឺចាប់ ព្រិលភ្នែក ហើមភ្នែក និងឈឺក្បាល។ ម្យ៉ាងទៀត វាក៏អាចជាប្រភេទនៃការជាំខៀវជាលិកាជុំវិញភ្នែកផងដែរ។ ភ្នែកជាំខ្មៅ និងហើមជុំវិញភ្នែក អាចបណ្ដាលពីមូលហេតុជាច្រើនដូចជា របួសច្រមុះ ការវះកាត់មុខកែសម្ផស្ស ការវះកាត់ចង្ការ ប្រតិកម្មអាលែក្ស៊ី។
១. ស្អុំទឹកកក៖ រឿងដំបូងគេ ដែលអ្នកត្រូវធ្វើ គឺត្រូវស្អុំទឹកកកត្រង់កន្លែងជាំនោះឱ្យបានរហ័សតាមតែអាចធ្វើបាន។ ទឹកកកនឹងជួយកាត់បន្ថយអាការៈជាំ និងបង្ហាប់សរសៃឈាមដើម្បីកាត់បន្ថយការហូរឈាមនៅខាងក្នុង និងកាត់បន្ថយសភាពជាំខៀវ។ ម្យ៉ាងទៀត វាជួយពន្លឿននូវដំណើរការព្យាបាលឱ្យឆាប់ជា។
- ខ្ចប់ដុំទឹកកកក្នុងក្រណាត់កប្បាស ឬក្រណាត់មូស្ស៊ីលីន
- ដាក់ស្អុំត្រង់ភ្នែកជាំឱ្យបានប្រហែល ១០នាទី
- អនុវត្ដការស្អុំនេះឱ្យបានច្រើនដងក្នុងមួយថ្ងៃ អំឡុងរយៈពេល ៤៨ម៉ោង
ការស្អុំនេះនឹងជួយបន្ថយការឈឺចាប់។ អ្នកមិនត្រូវប្រើទឹកកកដោយផ្ទាល់ទៅលើភ្នែករបស់អ្នកនោះទេ និងមិនត្រូវយកទឹកកកទៅលុញនៅត្រង់ស្បែកដូចជាស្បែកស្ថិតនៅជុំវិញភ្នែកនោះទេ។
២. ស្អុំកម្ដៅ៖ ក្រោយរយៈពេលមួយ ឬពីរថ្ងៃនៃការជាំភ្នែក អ្នកត្រូវស្អុំកម្ដៅនៅក្នុងកម្រិតក្ដៅឧណ្ហៗ។ វិធីនេះនឹងជួយបង្កើនលំហូរឈាមទៅកាន់ជាលិកាជុំវិញភ្នែក និងជួយឱ្យជាសះស្បើយឆាប់រហ័ស។
- ជ្រលក់ក្រណាត់ស្អាតទៅក្នុងទឹកក្ដៅឧណ្ហៗ ហើយពូតទឹកចោលកុំឱ្យនៅសល់ច្រើនពេក
- ដាក់ស្អុំក្រណាត់ក្ដៅឧណ្ហៗនោះ នៅត្រង់ភ្នែកជាំនោះ រហូតដល់ក្រណាត់នោះត្រជាក់
- អនុវត្ដវិធីនេះឱ្យបានច្រើនដងក្នុងមួយថ្ងៃ
ប្រសិនបើវាមិនបង្កការឈឺចាប់ទេ អ្នកអាចធ្វើការម៉ាស្សាត្រង់កន្លែងនោះថ្នមៗ។ ការម៉ាស្សានេះ នឹងជួយលើកកម្ពស់ចរន្ដឈាមរត់៕
ប្រែសម្រួល៖ សារ៉ាត
ប្រភព ៖ top10homeremedies
- ក្រសួងសុខាភិបាល៖ ប្រយ័ត្នជំងឺ ៧មុខ ដែលកើតមានញឹកញាប់ក្នុងរដូវភ្លៀង (21/05/2019 10:41:00)
- បង្អែមគ្រាប់ត្នោត ធ្វើតាមវិធីនេះទើបឆ្ងាញ់!! (20/07/2018 11:13:00)
- រូបមន្ដធម្មជាតិ ទប់ស្កាត់ការជ្រុះសក់ ដែលអ្នកគួរសាកល្បង (19/07/2018 15:04:00)
- ធ្លាប់តែញ៉ាំសាច់វា ដល់ពេលគៀបធ្វើភេសជ្ជៈ មានប្រយោជន៍ដល់សុខភាពណាស់តើ! (19/07/2018 11:50:00)
- អ្នកខ្ចិលក្នុងការរក្សាអនាម័យមាត់ធ្មេញ នឹងសប្បាយចិត្ត (18/07/2018 11:03:00)
- អាថ៌កំបាំងសម្រាប់ប្រុសៗ ដើម្បីបង្កើនគុណភាពមេជីវិតឈ្មោល (06/07/2018 10:38:00)
- ទល់លាមកខ្លាំង មិនដឹងធ្វើយ៉ាងណា សាករូបមន្ដទឹកម្នាស់នេះលមើល! (26/06/2018 15:01:00)
- អាហារ ៣ ប្រភេទនេះ ឧស្សាហ៍ញ៉ាំធ្វើឱ្យស្បែកស្រស់ថ្លា និងសុខភាពល្អ (25/06/2018 15:08:00)
- មិននឹកស្មានថា ទឹកអំពៅ មានប្រយោជន៍ចំពោះសុខភាពយ៉ាងនេះសោះ! (12/05/2018 11:27:00)
- ញ៉ាំទឹកក្រូចឆ្មាររាល់ថ្ងៃ តិចមិនដឹងពីគុណប្រយោជន៍របស់វា!!! (25/04/2018 15:04:00)
សុខភាព ដែលមើលច្រើន
