ភ្នំពេញ : កម្លាំងនគរបាល នៃអគ្គនាយកដ្ឋាន អន្តោប្រវេសន៏ ក្រសួងមហាផ្ទៃ នៅវេលាម៉ោង ២និង៣០នាទី រសៀលថ្ងៃទី២ ខែកក្កដា ឆ្នាំ២០១៥នេះ កំពុងចុះត្រួតពិនិត្យ មើលលិខិតស្នាមផ្សេងៗ របស់ជនជាតិចិន នៅសណ្ឋាគារ Luxury World តាមផ្លូវ ២០០ សង្កាត់បឹងរាំង ខណ្ឌដូនពេញ ។
កម្លាំងសមត្ថកិច្ចបានសម្រេចឃាត់ខ្លួន នារីជនជាតិវៀតណាមចំនួន ៧នាក់ ដែលគ្មានលិខិតស្នាមត្រឹមត្រូវ ខណៈជនជាតិតៃវ៉ាន់ ដែលស្នាក់នៅសណ្ឋាគារនោះ គឺមានឯកសារត្រឹមត្រូវទាំងអស់។
ក្រោយឃាត់ខ្លួននារីបម្រើខារ៉ាអូខេ និងម៉ាស្សាទាំង ៧នាក់ ត្រូវបានដឹកបញ្ជូនភ្លាមៗ ទៅកាន់អគ្គនាយកដ្ឋានអន្តោប្រវេសន៍ ដើម្បីបន្តការសួរនាំ និងបណ្តេញចេញពីប្រទេសកម្ពុជា៕
ផ្ដល់សិទ្ធដោយ៖ ដើមអម្ពិល