ព័ត៌មានកីឡា៖ ក្រោយពីសេចក្ដីសម្រេចបានចេញជាផ្លូវការថា អ្នកប្រដាល់វីរៈបុរសប្រចាំប្រទេស ហ្វីលីពីន ត្រូវចាញ់ភ្លាម ប្រជាជាតិអ្នកគាំទ្រមួយចំនួនបានស្រក់ទឹកភ្នែក និងការបង្ហាញលទ្ធផលបែបនោះ ។
សេចក្ដីសម្រេចពីចៅក្រម ដែលមិនត្រូវបានយល់ស្រប ពីប្រិយមិត្ដគាំទ្រ ធ្វើឲ្យជនជាតិហ្វីលីពីន ស្រក់ទឹកភ្នែក ដោយមិនអាចហារស្ដីបានឡើយ ។ ប្រភពព័ត៌មានបានបន្ដទៀតថា មិនត្រឹមតែប្រិយមិត្ដចូលរួមប្រកួតនោះទេដែល មិនពេញចិត្ដនឹងការសម្រេចនេះ បើសូម្បីតែតាមបណ្ដាញផ្សព្វផ្សាយនានា ក៏ក្ដៅក្រហាយ និង ជេរ ថ្កោលទោសលើការសម្រេចនេះដែរ ។ ប៉ាក់គីអៅ ត្រូវបានគេមើលឃើញថា ខិតខំប្រឹងវាយសម្រុក ជាខ្លាំង ចាប់ផ្ដើមពីទឹកទី ១ រហូតចប់ទឹកទី ១២ ចំណែក Floyd វិញប្រើក្បាច់ដ៏ស្ទាត់ទំនាញរបស់ ខ្លួនគេចវេស ចាំវាយឆ្មក់ ម្ដងៗប៉ុណ្ណោះ ។
ដូចគ្នានឹងអ្វីដែលបានលើកឡើងនេះផងដែរ ប៉ាក់គីអៅ ធ្លាប់បានចេញសេចក្ដីសថ្លែងការមួយមុនពេលនៃការប្រកួត ដោយបានបង្ហាញពីចំណាប់អារម្មណ៍របស់គាត់ចំពោះការប្រកួតនេះថា គាត់ពិតជាសប្បាយចិត្ដនឹងការសម្រេចចិត្ដរបស់ Floyd ដែលយល់ព្រមផ្ដល់ឱកាសឲ្យគាត់បានសាកល្បងថ្វីដៃ ហើយការសម្រេចចិត្ដនេះ គាត់នឹងធ្វើបានល្អប្រឈមនឹងការប្រកួតពេញលេញ ដោយមិនរត់គេចវេសនោះឡើយ ។ ប៉ុន្ដែអ្វីដែលគាត់បានលើកឡើង គឺដូចការពិតជាដែលបានជួបមែន ។
ដោយ៖ អឿ អ៊ុយ
ប្រភព៖ bleacherreport