ចិនរៀបផែនការ រើការិយាល័យរដ្ឋបាល ចេញពីប៉េកាំង
គម្រោងការប្រកបដោយមហិច្ឆតា ក្នុងការបង្កើតក្រុងរណបដែលមានផ្ទៃដីធំល្មមសម្រាប់ប្រជា
ជនប្រមាណ ១៣០លាននាក់នេះ គឺដើម្បីរើការិយាល័យរដ្ឋបាល ចេញពីក្រុងប៉េកាំង។
រយៈពេលជាង ៦៥ឆ្នាំកន្លងមកនេះ រដ្ឋបាលចិន តែងតែធ្វើទៅតាមទម្លាប់ដែលបន្សល់ពីជំនាន់
មុនៗ ពោលគឺមន្ត្រីធំៗ រស់នៅ និងធ្វើការនៅក្នុងរដ្ឋធានី ប៉ុន្តែគម្រោងថ្មីរបស់រដ្ឋាភិបាលចិន
នឹងកែប្រែទម្លាប់នេះ នៅពេលការិយាល័យរដ្ឋបាល ត្រូវបានគេរើទៅនៅតំបន់ Tongzhou។
នេះគឺជាការប្រឹងប្រែងរបស់ប្រធានាធិបតីចិន លោក ស៊ី ជីនពីង ដើម្បីបង្កើតទីក្រុងថ្មីមួយដែល
មានទំហំ ជាង ២០០.០០០គីឡូម៉ែត្រក្រឡា សម្រាប់មនុស្សប្រមាណជា ១៣០លាននាក់។
ទីក្រុងថ្មីនេះត្រូវបានគេហៅថា Jing-Jin-Ji។ Jing សំដៅទៅលើ Beijing (ប៉េកាំង) ចំណែក Jin
គឺ Tianjin រីឯ Ji សំដៅលើឈ្មោះខែតពីដើមរបស់ Hebei។ គំនិតនេះ មានបំណងអភិវឌ្ឍបណ្ដា
តំបន់ដែលបានរៀបរាប់។
បណ្ឌិត Li Junfu អនុប្រធានមន្ទីរស្រាវជ្រាវអំពីបញ្ហាទីក្រុងប៉េកាំង ឱ្យដឹងថា ការរើការិយាល័យ
រដ្ឋបាលថ្នាក់ទាប ចេញទៅកន្លែងផ្សេងៗ ត្រូវបានគេធ្វើឡើងជាបន្តបន្ទាប់ ចាប់ពីក្រុងប៉េកាំង
មានប្រជាជនកាន់តែច្រើន។ ទីក្រុងរណបដូចជា Tongzhou គឺអាចជម្រុញការអភិវឌ្ឍនៅតំបន់
ក្បែរខាង។
ថ្វីបើព័ត៌មានលំអិត មិនទាន់ត្រូវបានគេបង្ហើបឱ្យដឹង ប៉ុន្តែ សេចក្ដីប្រកាសមួយចំនួន បានបញ្ជាក់
ថា ទីស្នាក់ការគណកម្មការបក្សក្រុង ក៏ដូចជាគណកម្មការនយោបាយមួយចំនួន ក៏នឹងត្រូវរើទៅ
កាន់ខណ្ឌ Lucheng ក្នុងក្រុង Tongzhou ដែលមានផ្លូវរថភ្លើងក្រោមដី តភ្ជាប់មករដ្ឋធានីប៉េកាំង។
ទំព័រសារព័ត៌មានរបស់អាជ្ញាធរតំបន់ បានដាក់បំរាមមិនឱ្យធ្វើការសាងសង់នានា។ បំរាមនេះក៏
បានកំណត់ថា ប្រជាជនក្នុងតំបន់អាចនឹងត្រូវបានបែងចែកជាពីរប្រភេទ គឺអ្នកក្រុង និងអ្នកក្រៅ
ក្រុង។ ប្រការនេះនឹងបញ្ចប់សកម្មភាពកសិកម្ម ហើយអនុញ្ញាតឱ្យមានការអភិវឌ្ឍខ្លាំងក្លាជាង
មុន។
មន្ត្រីអាជ្ញាធរមួយចំនួន នៅក្រុងប៉េកាំង មិនបានទទួលស្គាល់ ហើយក៏មិនបានបដិសេធអំពី
គម្រោងដ៏ធំខាងលើនេះ។ ក៏ប៉ុន្តែ មន្ត្រីមួយចំនួនដែលសុំមិនបញ្ចេញឈ្មោះ ឱ្យដឹងថា ការ
ប្រកាសអំពីគម្រោងរើទីតាំងរដ្ឋបាលនេះ ប្រាកដជានឹងត្រូវបានធ្វើឡើងនៅក្នុងថ្ងៃបុណ្យឯក
រាជ ទី ១តុលាខាងមុខ៕
ប្រែសម្រួលដោយ ៖ តារា
ប្រភព ៖ New York Time
- ចិន ថា ការចង់បានឯករាជ្យរបស់កោះតៃវ៉ាន់ គឺជារឿងយល់សប្តិ ដែលគ្មានថ្ងៃក្លាយជាការពិត (29/03/2017 16:16:00)
- "គ្រោះថ្នាក់" ស្រីស្រស់ អ្នកជំនួញវ័យក្មេង ស្លាប់ ក្រោយវះកាត់កែសម្ភស្ស ៣ កន្លែង ក្នុងពេលតែមួយ (29/03/2017 14:45:00)
- រកឃើញ បំណែកសាកសព នៅក្នុងនាវា Sewol ដែលគ្រប់គ្នាគិតថា បំណែកសាកសព មនុស្ស តែការពិត បានភ្ញាក់ផ្អើល (29/03/2017 10:06:00)
- ស្លាប់សិស្សសាលាបឋម ២នាក់ ព្រោះតែរត់ជាន់គ្នា ពេលទៅបន្ទប់ទឹក ក្នុងសាលារៀន (24/03/2017 15:35:00)
- ដល់ក, មិត្តស្រី ជួលរថយន្ត តាក់ស៊ី ៩០០គ្រឿង សុំមិត្តប្រុសរៀបការ ចឹងដឹងទេ ថាមានអ្វីកើតឡើង?? (23/03/2017 09:39:00)
- នារីម្នាក់ ស្លុយ ហួស ជក់តាំងពីបារី, បាចលុយជាង 2300$ ព្រោះតែមួរម៉ៅ (មានវីដេអូ) (17/03/2017 14:35:00)
- រកឃើញ មឈូសទូកបុរាណ ច្រើនដល់ទៅ ២០០ សង្ស័យជារបស់ស្តេច ស៊ូ (16/03/2017 09:52:00)
- មុននេះ ក្រឡាប់លិច ទូកអ្នកនេសាទ បាត់មនុស្ស ១៣នាក់ មិនដឹងស្លាប់ ឬរស់ (25/02/2017 10:15:00)
- គ្រោះថ្នាក់!! បាក់ដីនៅ «កោះបាលី» ដ៏ល្បីល្បាញ ឆក់យកជីវិតមនុស្ស ១២នាក់! (10/02/2017 15:34:00)
- អាសន្ន, ៥នាក់ ឆ្លងមេរោគ អេដស៍ នៅមន្ទីរពេទ្យ ក្រោយគ្រូពេទ្យ ធ្វេសប្រហែស ព្រោះ.... (10/02/2017 11:19:00)
ព័ត៌មានអន្តរជាតិ ដែលមើលច្រើន
