CamNews

ស្វែងរកកំរិតខ្ពស់

ណាសានឹងសាងសង់មូលដ្ឋាន នៅលើព្រះច័ន្ទ ក្រោយការចូលកាន់ តំណាងរបស់ Obama

ទីភ្នាក់ងារអវកាសណាសា នឹងប្រកាសពីគម្រោងសាងសង់មូលដ្ឋាននៅលើឋានព្រះច័ន្ទ ក្រោយ
ពីប្រធានាធិបតី Barack Obama ចូលកាន់តំណែងអាណត្តិថ្មីនេះ។

លោក John Logsdon សាស្ដ្រាចារ្យកិត្តិយសរបស់សាកលវិទ្យាល័យ George Washington បាន
មានប្រសាសន៍ថា អង្គការណាសា ធ្លាប់បានប្រកាសថា ពួកគេចង់បង្កើតមូលដ្ឋានមួយនៅលើ
ផ្នែកងងឹតរបស់ព្រះច័ន្ទ។ លោក បន្ដថា កាលពីមុននេះមន្ដ្រីរបស់លោក Obama បានយល់ព្រម
ចំពោះកម្មវិធីនេះ ប៉ុន្ដែមុនការបោះឆ្នោតជាតិ ក្រុមមន្ដ្រីរបស់ណាសាមិនបានពិភាក្សាអំពីរឿងនេះ
ដោយសារតែពួកគេយល់ថា ប្រសិនលោក Mitt Romney ឈ្នះឆ្នោត លោកនឹងបដិសេធកម្មវិធី
នេះ។ 

លោកប្រធានាធិបតី Obama ធ្លាប់បានណែនាំអោយណាសា ឆ្ពោះទៅកាន់ការនាំមនុស្សឡើងទៅ
ឋានព្រះច័ន្ទ នៅឆ្នាំ ២០២៥ និងឡើងទៅភពព្រះអង្គារ ក្រោយឆ្នាំ ២០៣០។ ដើម្បីសម្រេចគោល
ដៅនេះ ណាសា កំពុងច្នៃប្រភេទកាំជ្រួចធំដែលមានឈ្មោះថា SLS និងយានអវកាសថ្មី Orion ។
តាមគម្រោង យានអវកាស Orion នេះនឹងចាប់ដំណើរការពីឆ្នាំ ២០២១។

ការបង្កើតមូលដ្ឋានមួយនៅលើឋានព្រះច័ន្ទ គឺជាឈ្នាន់ដ៏សំខាន់មួយសម្រាប់គាំទ្រដល់ការរុករក
លើភពមួយនេះ និងដើម្បីជាទីតាំងមួយសម្រាប់ការហោះហើរទៅភពឆ្ងាយៗ ដូចជាព្រះអង្គារជា
ដើម៕

 

ដោយ ៖ សីហា
ប្រភព ៖ KH


Tags: NASA ,  moon,  Obama

ដែលមើលច្រើន

ប្រទេសទាំង ១០ ដែល​មហាអំណាច​អាមេរិក ជំពាក់លុយច្រើនបំផុត លើលោក

ប្រទេស​ចំនួន ១០ ដែល​ជា​ម្ចាស់​បំណុល​​ធំៗ នៃ​មហាអំណាច​អាមេរិក ច្រើន​ជាង​​គេ​ចិន និង ជប៉ុន

យដឹងថា ជំងឺវីរុសកូរ៉ូណា មានអ្នកឆ្លងដល់ទៅប្រទេសថៃ តារាថៃនាំគ្នាពាក់ម៉ាស់សឹងតែគ្រប់គ្នា

ជំងឺវីរុសថ្មី កូរ៉ូណា ដែលជាជំងឹឆ្លងតាមរយៈផ្លូវដង្ហើម និងភ្នែក ពិសេស នៅវូហានផ្ទាល់ គឺមានអ្នកឆ្លងបានកើនឡើងជំងឺមួយនេះ រហូតដល់ ២៧៦១នាក់ និងមានអ្នកស្លាប់ដោយសារជំងឺនេះ៨១នាក់ផងដែល។

ចៅក្រមញ៉ូវហ្ស៊ីលែន កាត់ទោសបុរសអូស្រ្ដាលីម្នាក់ ដាក់គុកមួយជីវិត ព្រោះតែ.......

នៅថ្ងៃព្រហស្បិ៍នេះ តុលាការញ៉ូវហ្ស៊ីលែន បានកាត់ទោសបុរសម្នាក់ ដែលសម្លាប់បរិស័ទកាន់សាសនាកាតូលីកចំនួន ៥១ នាក់ នៅក្នុងការបាញ់......