CamNews

ស្វែងរកកំរិតខ្ពស់
ព័ត៌មានជាតិ 

អាជ្ញាធរអប្សរា៖ អង្គរវត្តមិនបានជួល ឬបញ្ចាំ ឲ្យក្រុមហ៊ុនឧកញ៉ា សុខ គង់ ទេ

 ១០ខែ ឆ្នាំ២០១៤ កម្ពុជារកចំណូលជាង ៤៧លានដុល្លារ ពីប្រាសាទអង្គរ

ភ្នំពេញ៖ ជាថ្មីម្តងទៀត អាជ្ញាធរអប្សរា បានចេញ បញ្ជាក់ថា ប្រាសាទអង្គរវត្តមិនបានជួលទៅឲ្យក្រុមហ៊ុនឧកញ៉ា  សុខ គង់ រយៈពេល ៩៩ឆ្នាំ ដូចដែលសាធារណៈមតិមួយចំនួន លើកឡើងនោះឡើយ។

តាមរយៈលិខិតបំភ្លឺទៅនឹងការអត្ថាធិប្បាយរបស់លោក ម៉ម សូណង់ដូ ថា «អង្គរវត្តមិនមែនជាឧបករណ៍សម្រាប់  អ្នកនយោបាយយកទៅធ្វើអ្វីតាមចិត្តតនោះទេ» អាជ្ញាធរអប្សរាបានបញ្ជាក់ថា «អង្គរវត្ត មិនបានជួលទៅឲ្យឯក ជន ឬបរទេសណាមួយឡើយ ហើយក៏មិនបានដាក់បញ្ចាំ ឬជួលរយៈពេល ៩៩ឆ្នាំនោះដែរ»។

នៅក្នុងលិខិតបំភ្លឺ ដែលធ្វើឡើងនាថ្ងៃទី២៥ ខែវិច្ឆិកា ឆ្នាំ២០១៤នេះ អាជ្ញាធរអប្សរា បន្តថា ខ្លួនមិនបានជួលប្រា  សាទអង្គរទៅឲ្យក្រុមហ៊ុនសុខាអូតែលទេ តែផ្ទុយទៅវិញ គឺខ្លួនបានជួលក្រុមហ៊ុននេះ ឲ្យធ្វើសេវាប្រមូលចំណូល ពីការលក់ប័ណ្ណចូលទស្សនាអង្គរតែប៉ុណ្ណោះ។

អាជ្ញាធរបានបញ្ជាក់ថា ការលើកឡើងថា ប្រាសាទអង្គរវត្តបានជួលទៅឲ្យក្រុមហ៊ុនឯកជន ក្រុមហ៊ុន ដាក់បញ្ចាំ  និងជួលរយៈពេល ៩៩ឆ្នាំ សុទ្ធតែជាពាក្យមិនពិត បំផ្លើស ភូតកុហក និងមានចរិតញុះញង់ ដើម្បីបំភាន់មតិសា ធារណៈប៉ុណ្ណោះ។

អាជ្ញាធរអប្សរា ក៏បានឲ្យដឹងផងដែរថា ចំណូលពីប្រាសាទអង្គររយៈពេល១០ខែ ឆ្នាំ២០១៤នេះ មានចំនួនជាង  ៤៧លានដុល្លារ (៤៧.៣៨៧.៥០០ដុល្លារ)។ ចំណូលនេះ ត្រូវបានប្រគល់ជូនទៅរតនាគារជាតិ ក្រសួងសេដ្ឋ កិច្ច និង ហិរញ្ញវត្ថុ ដើម្បីបម្រើតម្រូវការរបស់ជាតិ៕

ផ្ដល់សិទ្ធិដោយ៖ ដើមអម្ពិល


Tags: Social News,  Cambodia,  Angkor wat, 

ព័ត៌មានជាតិ ដែលមើលច្រើន

ព័ត៌មានដែលមើលច្រើន