CamNews

Samsung SM-A500 នឹងមានគ្រោងធ្វើអំពីលោហធាតុទាំងស្រុង ហើយសម្បកខាងខ្នងរបស់វា
មិនអាចដោះចេញ ប៉ុន្ដែ ស្មាត​ហ្វូន​នេះ នឹង​មាន​តម្លៃ​ទាប ព្រោះ​វា​ប្រើ​ប្រាស់​ហាត​វែរ​ថ្នាក់​មធ្យម។

Samsung Galaxy Alpha ថ្វី​បើ​ជា​កូន​ច្បង​របស់ Samsung ដែល​ប្រើ​លោហ​ធាតុ ប៉ុន្ដែ សម្បក​​ខ្នង
​របស់​វា​ ធ្វើ​អំពី​ជ័រ ដូច្នេះ Samsung SM-A500 នឹង​មានភាព​ប្រណិត​ជាង

យោងតាមព័ត៌មានថ្មីបំផុត ដែលបានចុះផ្សាយនៅលើទំព័រ SamMobile ក្រុមហ៊ុន Samsung រៀប
នឹងឧទ្ទេសនាមស្មាតហ្វូនថ្មីមួយទៀត ដែលមានឈ្មោះកូដថា SM-A500។ ស្មាតហ្វូននេះ ប្រើ
អេក្រង់ 5 inch រីសូលូសឹន 1280x720 pixel ។ អ្វីដែលអស្ចារ្យជាងនេះ គឺថា តួខ្លួនរបស់ SM-A500 នឹងត្រូវបានធ្វើអំពីលោហធាតុទាំងស្រុង ហើយសម្បកខាងខ្នងរបស់វា ត្រូវគេរចនាឡើង ដោយ
មិនអនុញ្ញាតឱ្យដោះចេញបាន។

សូមបញ្ជាក់ថា Samsung Galaxy Alpha  ថ្វីបើត្រូវបានគេស្គាល់ថា ជាស្មាតហ្វូនដំបូងរបស់ក្រុម
ហ៊ុន Samsung ដែលត្រូវបានធ្វើឡើងអំពីលោហធាតុ ក៏ប៉ុន្ដែ សម្បកខាងខ្នងរបស់ស្មាតហ្វូននេះ
នៅតែធ្វើអំពីជ័រ ដូច្នេះ SM-A500 នឹងនៅតែនាំមកនូវភាពប្រណិត និងលំដាប់ខ្ពស់ជាង បើធៀប
នឹង Galaxy Alpha ។

យ៉ាងណាក៏ដោយទំព័រ SamMobile  ក៏បានឱ្យដឹងថា  Samsung SM-A500 នឹងប្រើប្រាស់ឈីប
4-core Snapdragon 400 ដែលជាឈីបមួយប្រភេទ តែងត្រូវគេប្រើប្រាស់សម្រាប់ស្មាតហ្វូន
ថ្នាក់មធ្យម)។ អំពីព័ត៌មានទាក់ទិនទៅនឹងផ្នែករឹងដទៃទៀតរបស់ Samsung SM-A500 រួមមាន
កាមេរ៉ាមុខ 5MP កាមេរ៉ាក្រោយ  8MP, អង្គចងចាំក្នុងម៉ាស៊ីន  16GB ​ មានរន្ធ microSD និងថ្ម
2330mAh ។

ដោយសារតែជាស្មាតហ្វូនលំដាប់មធ្យម ដូច្នេះ  Samsung SM-A500  ក៏នឹងមិនត្រូវបានបំពាក់
បច្ចេកវិទ្យាទប់ទល់ជាតិទឹក  និងធូលី  ហើយវាក៏មិនមានសេនសឺរសម្រាប់ស្កេនក្រយៅដៃ  និង
វាស់ចង្វាក់បេះដូង៕

ប្រែសម្រួលដោយ ៖ តារា
ប្រភព ៖ SamMobile/Trustedreviews