ព័ត៌មានអន្តរជាតិ ៖ មហាសេដ្ឋី ប្រទេសរុស្ស៊ី គ្រោងនឹងសាងសង់ សំណង់អាគារមន្ទីរពេទ្យ ទំនើប ប្រកប ទៅដោយបច្ចេកវិទ្យា កម្រិតខ្ពស់ ពោលជា សំណង់ អាគារមន្ទីរពេទ្យយក្ស មានរាងជាទូកក្តោង នេះបើ យោងតាមការដកស្រង់ សម្រង់អត្ថបទផ្សាយ ពីគេហទំព័រសារព័ត៌មានបរទេស ស្កាយញូវ ។
ប្រភពបន្តអោយដឹងថា បេក្ខភាព មហាសេដ្ឋី ប្រទេស រុស្ស៊ី ដែលបាននឹក ឃើញ យ៉ាងដូច្នេះឡើង មាន ឈ្មោះថា លោក Vasily Klyukin ក្នុងនោះ គាត់បញ្ជាក់អោយដឹងថា មន្ទីរពេទ្យយក្ស មានរាងជាទូកក្តោងដ៏ ធំមួយនេះ អាចនឹងមានឈ្មោះថា White Sails Hospital and Spa នៅក្នុងប្រទេស ទុយនីស៊ី អាចនឹងជា មន្ទីរពេទ្យរីករាយខ្លាំងបំផុត នៅលើសកលលោក ។ គាត់បានគូសបញ្ជាក់បន្ថែមអោយដឹងថា គំនិតយ៉ាង ដូច្នេះ ក្នុងការគ្រោងសាងសង់ឡើង នូវមន្ទីរពេទ្យយ៉ាង បានបំផុសលើស បន្ទាប់ពីរូប លោក ទទួលការធ្វើ តេស្តសុខភាព សម្រាប់ដំណើរ ទៅកាន់ លំហអាកាស នាពេលខាងមុខនេះ ។
ខ្ញុំនឹងហោះចូលទៅក្នុងលំហអាកាស នៅឆ្នាំក្រោយ ដោយនៅក្នុងនោះ លក្ខខ័ណ្ឌសុខភាព របស់ខ្ញុំត្រូវតែ ធ្វើការតាមដាន និង ត្រួតពិនិត្យ រយៈពេល ៦ ខែម្តង នេះជាសម្តី លោក Klyukin ជាបេក្ខភាព មហាសេដ្ឋី វ័យក្មេង បន្ទាប់ពីលោកជោគជ័យ ក្នុងវិស័យធនាគារ ពោល លោក ជា អ្នករកឃើញ ក៏ដូចជា ស្ថាបនិក ធនាគារដ៏ធំជាងគេបំផុត របស់ប្រទេស រុស្ស៊ី ធនាគារ Sovcombank ។
ជាការពិត ខ្ញុំបាទពិតជាយល់អារម្មណ៍មួយនេះ យ៉ាងជាក់ច្បាស់ ខណៈពេលដែល រាល់ពេល ដែលខ្ញុំដើរ តម្រង់ទៅសំណង់អាគារ ស របស់មន្ទីរពេទ្យ ខ្ញុំ មិន ដែលមាន អារម្មណ៍ថាសុខស្រួល ឬក៏សប្បាយចិត្ត នោះទេ ។ ក៏ប៉ុន្តែ ខ្ញុំអាចនឹងបង្ហាញជូនលោកអ្នក នូវ បេក្ខភាព សំណង់អាគារមន្ទីរពេទ្យ ដែលមានបន្ទប់ ប្រកបទៅដោយភាពគ្មានការភ័យខ្លាច បន្ថែមពីលើនេះ ចំពោះកូនប្រុសរបស់ខ្ញុំ គេនឹង រីករាយក្នុងការ ឈានជើងជាន់មន្ទីរពេទ្យ ដោយអាចចោទជាសំនួរ ៖ ប៉ា តើពេលណា ពួកយើង បានទៅលើ កប៉ាលនោះ ម្តងទៀត ?
សេចក្កីរាយការណ៍ បញ្ជាក់ថា សំណង់អាគារ មន្ទីរពេទ្យយក្ស មួយនេះ នឹងធ្វើការសាងសង់ឡើង នៅក្នុង ទីក្រុងសេដ្ឋកិច្ច Enfidha ប្រទេស ទុយនីស៊ី ជាមួយនឹងកញ្ជប់ថវិកា ប្រមាណ ជាង €50bn (£39bn) មិន ត្រឹមតែប៉ុណ្ណោះ សំណង់អាគារ មន្ទីរពេទ្យ មួយនេះ គឺជាសំណង់អាគារ លើក ដំបូងគេបង្អស់ ដែលនឹង សាងសង់ឡើង ដោយមានការបំពាក់គ្រឿងឧបក្ខារ មន្ទីរពេទ្យ ស្តង់ដា អន្តរជាតិ ។ ដោយឡែក គម្រោង សាងសង់សំណង់អាគារមួយនេះ គឺស្ថិតក្រោម ការយកចិត្តទុកដាក់ សហគ្រាស របស់ប្រទេស អារ៉ាប់ ប៊ី សាអ៊ូឌីត Lalei Al Barakah Est ហើយនឹងសាងសង់ឡើងដោយ ក្រុមហ៊ុន វិស្វកម្ម Thornton Tomasetti ៕
ប្រែសម្រួល ៖ កុសល
ប្រភព ៖ ញ៉ូវស្កាយ