(កូរ៉េ)៖ អ្នកគាំទ្រ តារាសម្តែង Ji Soo បានសម្តែងអារម្មណ៍ ខ្វល់ខ្វាយចិត្តយ៉ាងខ្លាំង បន្ទាប់ពីពួកគេ បានឮដំណឹងថា តារាប្រុសរូបនេះ ត្រូវចូលបន្ទប់វះកាត់ខួរឆ្អឹងធ្ងន់ធ្ងរ កាលពីថ្ងៃទី១៣ កញ្ញា កន្លងទៅនេះ។
តំណាងក្រុមហ៊ុន Prain TPC បានប្រកាស ឲ្យមហាជនដឹងថា លោក Ji Soo ពេលនេះមានសភាពធូរស្រាលហើយ បន្ទាប់ពីក្រុមគ្រូពេទ្យ ធ្វើការវះកាត់ខួរឆ្អឹង ដែលបណ្តាលឲ្យគេកើតអាការៈ ឈឺចាប់ត្រង់ជើងជាខ្លាំង មួយរយៈមកនេះ។
តារាសម្តែងកូរ៉េ Ji Soo ធ្លាប់ចូលមន្ទីរពេទ្យ ច្រើនដងមកហើយ ប៉ុន្តែនៅដំណាក់កាលនេះ លោកហាក់មានអាការៈគ្រុនក្តៅ និងរងការឈឺចាប់ខ្លាំង ទើបគ្រូពេទ្យសម្រេចឲ្យវះកាត់បន្ទាន់ ហើយក៏ទទួលជោគជ័យដែរ។ ពីដំបូង ខាងក្រុមហ៊ុនមានការបារម្ភថា សុខភាពតួប្រុសម្នាក់នេះ អាចប៉ះពាល់ដល់ការសម្តែង ខ្សែភាពយន្តរឿង «Fantastic» ដែលមិនទាន់ថតចប់នៅឡើយ ប៉ុន្តែពេលនេះ គេអាចបន្តការសម្តែងបាន ខណៈដើរជាតួអង្គ «Kim Sang Wook» ក្នុងសាច់រឿង៕
ផ្តល់សិទ្ធដោយ ៖ ខ្មែរថកឃីង