នាង Margot Robbie រងកាសង្ស័យថា ជាភាគីទីបីពាក់ព័ន្ធនឹងរឿងលែងលះរបស់ Brad Pitt និង Angelina
(អាមេរិក)៖ ការលែងលះរបស់ Brad Pitt និង Angelina Jolie ត្រូវបានមជ្ឈដ្ឋានមួយចំនួន លើកឡើងថា អាចបណ្តាលមកពីភាគីទីបី ចូលមកជ្រៀតជ្រែក ខណៈដែលប្រភពមួយទម្លាយថា Pitt មានការទាក់ទងនឹង Margot Robbie រហូតធ្វើឲ្យអតីតភរិយា ផ្ទុះការប្រច័ណ្ឌយ៉ាងខ្លាំង។
រឿងរ៉ាវស្នេហាត្រីកោណ របស់តារាប្រុសហូលីវូតរូបនេះ ហាក់ដូចមិនទាន់ស្ងប់នៅឡើយ ដែលថ្មីៗនេះ លោកក៏ត្រូវបានគេចងភ្ជាប់ ទំនាក់ទំនងក្រៅផ្លូវការ ជាមួយតារាស្រីជនជាតិបារាំង Marion Cotilllard សម្តែងក្នុងរឿង Allied ជាមួយគ្នាផងដែរ ប៉ុន្តែត្រូវបាននាងចេញមុខបដិសេធ ពីរឿងនេះ។ The Big Short គឺជារឿង ដែលផលិតដោយ Pitt ហើយក៏មានការចូលរួម សម្តែងដោយ Margot Robbie ដែរ ទោះបីជាមានព័ត៌មានថា Angelina ព្យាយាមរារាំងជាច្រើនដង មិនឲ្យអតីតស្វាមី ធ្វើការជាមួយតារាស្រីជនជាតិអូស្ត្រាលី វ័យ២៦ឆ្នាំរូបនេះក៏ដោយ។
ប្រភពបន្តថា Pitt ហាក់ដូចជាពេញចិត្ត Margot Robbie យូរឆ្នាំហើយ រហូតដល់គាត់មានឱកាសធ្វើការ ជាមួយនាងទើបធ្វើឲ្យនាង Angelina កើតក្តីប្រច័ណ្ឌ មុនឈានដល់ការប្តឹងលែងលះ ប៉ុន្តែអ្វីដែលសេសសល់ពេលនេះ សម្រាប់តារាហូលីវូតទាំងពីរ គឺពាក់ព័ន្ធនឹងរឿងសិទ្ធិគ្រប់គ្រងកូន ប៉ុណ្ណោះ៕
ផ្តល់សិទ្ធដោយ ៖ ខ្មែរថកឃីង
តារា ដែលមើលច្រើន
