(អាមេរិក)៖ នាង Kim Kardashian West តារាស្រីហូលីវូត ដែលមិនឃ្លាតឆ្ងាយពីទូរស័ព្ទ របស់នាងមួយនាទីណាឡើយ កំឡុងពេលឈប់សម្រាកលំហែកាយ នៅឯរីសត Punta Mita កាលពីខែមុន នៅប្រទេសម៉ិកស៊ិចកូ ដោយគ្រាន់តែរយៈពេល ៤ថ្ងៃប៉ុណ្ណោះ នាងថត selfie ដល់ទៅ ៦០០០ប៉ុស្តិ៍ ។
នាង Kim Kardashian West តារាស្រីវ័យ៣៥ឆ្នាំ និងជាម្តាយកូនប្រុសស្រីពីរនាក់ ដែលកូនស្រីនាងមានអាយុ៣ឆ្នាំឈ្មោះ North និងកូនប្រុស អាយុ៩ខែឈ្មោះ Saint ហើយពួកគេ ក៏បានរួមដំណើរជាមួយនាងដែរ។ តារាស្រីរូបនេះ គឺជាភរិយា Kanye West ដែលតែងបង្ហាញពីខ្លួននាង ដោយគ្មានភាពខ្មាសអៀនឡើយ ដូចជាគ្រាន់តែដើរកំសាន្ត វិស្សមកាលប៉ុន្មានថ្ងៃសោះ ឈុតបីគីនីរបស់នាង មានដល់ទៅ៩ពណ៌ តែនាងមិនចំណាយ ពេលសំដិលក្រោមពន្លឺព្រះអាទិត្យទេ ព្រោះតែការនិយមថតរូបវិញ ប៉ុន្តែយ៉ាងណាក៏ Kim Kardashian ចំណាយពេ លវេលា៤ម៉ោងនៅលើ ឆ្នេរខ្សាច់ជាមួយកូនៗដែរ។
ស្វាមី Kim Kardashian អាយុ៣៩ឆ្នាំ គឺលោក Kanye និយាយថា ភរិយាលោក និងកូនៗបានធ្វើដំណើរកំសាន្ត ក្នុងថ្ងៃសម្រាកវិស្សមកាល នៅទឹកដីម៉ិកស៊ិចកូ ព្រោះតែចង់នាំកូនឲ្យស្គាល់ពីស្ថានភាព រស់នៅទីនោះ ហើយក៏ចង់ឲ្យក្រុមគ្រួសារប្រើជីវិតរស់ នៅដ៏សាមញ្ញទៅថ្ងៃអនាគត ផងដែរ៕
ផ្តល់សិទ្ធដោយ ៖ ខ្មែរថកឃីង