សារ៉ាយ ព្រះកាយច័ន្ទ ស្ថានភាពជំងឺបេះដូង បានធូរស្រាយបន្តិចហើយ
(ភ្នំពេញ)៖ តារាសម្តែង និងជាពិធីការិនីរូបស្រស់ កញ្ញា សារ៉ាយ ព្រះកាយច័ន្ទ ថ្មីៗនេះបានធ្លាក់ខ្លួនឈឺធ្ងន់ ត្រូវបានក្រុមគ្រួសារប្រញ៉ាប់បញ្ជូន ទៅសង្គ្រោះបន្ទាន់នៅមន្ទីពេទ្យឯកជនមួយកន្លែង នាក្រុងតាខ្មៅ ប៉ុន្តែដោយសារស្ថានភាពជំងឺ មានអារៈធ្ងន់ធ្ងរ ក៏ត្រូវបញ្ជូនបន្តទៅសង្គ្រោះ នៅមន្ទីពេទ្យកាល់ម៉ែត្រ។
ប្រភពពីរង្វង់អ្នកសិល្បៈ សិទ្ធិស្នាលស្គាល់គ្នា ជាមួយតារាស្រីកញ្ញា សារ៉ាយ ព្រះកាយច័ន្ទ បានបង្ហើបប្រាប់ឲ្យដឹងថា កាលពីម្សិលមិញព្រះកាយច័ន្ទ បានធ្លាក់ខ្លួនឈឺត្រូវគ្រួសារបញ្ជូនសង្រ្គោះបន្ទាន់ នៅមន្ទីពេទ្យកាល់ម៉ែត្រ ដោយសាបញ្ហាជំងឺបេះដូង ធ្វើទុក្ខខ្លាំង។
ប្រភពដដែលបានបន្តថា ដំបូងឡើយតារាស្រី កញ្ញាព្រះកាយច័ន្ទ ត្រូវបានបញ្ជូនទៅព្យាបាល នៅមន្ទីពេទ្យឯកជនមួយកន្លែង នៅទីក្រុងតាខ្មៅ តែដោយគ្រូពេទ្យ នៅមន្ទីពេទ្យនោះបានប្រាប់ ដោយបន្ទាន់ថា មិនអាចនៅបន្តទៀតបានទេ ត្រូវតែបញ្ជូនមកមន្ទីពេទ្យកាល់ម៉ែត្រ ឬពេទ្យលោកសង្ឃជាបន្ទាន់ ធ្វើឲ្យមានការព្រួយបារម្ភ ពីសុវត្ថិភាពក្រុមក្រួសារ ក៏បញ្ជូនមកមន្ទីពេទ្យកាល់ម៉ែត្រ តែម្តង។
ក្រោយពីទទួលបាន ការព្យាបាលយ៉ាងចិត្តទុកដាក់ ពីសំណាក់ក្រុមគ្រូពេទ្យបច្ចុប្បន្ន ស្ថានភាពជំងឺរបស់ កញ្ញា សារ៉ាយ ព្រះកាយច័ន្ទ បានធូស្បើយបន្តិចហើយ។ បន្ទាប់ពីទទួលបានដំណឹង នៃការធ្លាក់ខ្លួនឈឺរបស់ កញ្ញាព្រះកាយច័ន្ទ ភ្លាមៗនោះ ក៏មានវត្តមានតារាសម្តែងប្រុស លោក អ៉ឹម ជីវ៉ា និងតារាសម្តែងលោកយាយប្រជ្រុយ និងកញ្ញា នីតា បានទៅជួបសួរសុខទុក្ខ នៅមន្ទីរពេទ្យផងដែរ។ នេះបើតាមប្រភពខាងលើបញ្ជាក់បន្ថែម៕
ផ្តល់សិទ្ធដោយ ៖ ខ្មែរថកឃីង
តារា ដែលមើលច្រើន
