តារាប្រុសស្រីស្រស់ស្អាតទាំងនេះ ប្រកាសថាខ្លួន នៅទំនេរគ្មានស្នេហានៅឡើយ !
តារាប្រុសស្រីថៃទាំងបីរូបនេះ បានបង្ហើបថា ពួកគេនៅលីវមិនទាន់មានស្នេហានៅឡើយ ៖
កញ្ញា Chippy Sirin
កាលពីថ្ងៃទី ១៩ ខែសីហា កញ្ញា Chippy Sirin បានចូលរួមជាភ្ញៀវកិត្ដិយស ក្នុងការផ្សាយផ្ទាល់ដ៏មានប្រជាប្រិយភាព នៅលើបណ្ដាញ YouTube គឺកម្មវិធី “Goy Natty Dream” ។ តារាស្រីរូបនេះ និយាយថា នាងនៅទំនេរ ពុំទាន់មានស្នេហារយៈពេល ៣ ឆ្នាំមកហើយ ។
កញ្ញា Thisa Varitthisa
កំពូលតារាស្រីថៃប្រចាំស្ថានីយ៍ទូរទស្សន៍ Thai channel 7 កញ្ញា Thisa Varitthisa ផ្ដល់បទសម្ភាសន៍ជាមួយ Nine Entertain ហើយបង្ហើបឱ្យដឹងថា បច្ចុប្បន្ននាងនៅទំនេរនៅឡើយទេ ។ តារាស្រីរូបនេះ បានបន្ថែមថា មួយរយៈចុងក្រោយនេះ នាងមិនបានទៅណាមកណា និងជួបមនុស្សម្នាទេ ។ ដូច្នេះ តើអោយនាងអាចមានមិត្ដប្រុសម្ដេចទៅ?
លោក Great Warintorn
តារាប្រុសប្រកបដោយប្រជាប្រិយភាពប្រចាំស្ថានីយ៍ទូរទស្សន៍ Thai TV3 លោក Great Warintorn បានផ្ដល់បទសម្ភាសន៍ជាមួយ Nine Entertain និងសារភាពថា បច្ចុប្បន្ន លោកមិនទាន់មានស្នេហា នៅឡើយទេ ។ លោកបានបញ្ជាក់ថា លោកមានអារម្មណ៍ឯកាណាស់ ៕
ប្រែសម្រួល៖ សារ៉ាត
ប្រភព៖ Thaiupdate
កំសាន្ត ដែលមើលច្រើន
